مكسور .. ساخره
دخلت مرة
مول كبير
وشوفت بنت يا خرابي
لقيت ف لحظة
العقل يطير
العود فرنسي
بجسم نحيل
وعيون وشعر
بلون الليل
والضحكة اه من حلاوتها
ابوس إيديها وايد ابوها
وامها وبردو خالتها
مشيت وراها .. انت يا حلوه
ودندنة لسومه بغنوة
بصيتلى بعيون بتسبل
وقفت ماقدرتش اكمل
يا ورد يا ابيض ياشغلنى
يالى جمالك جننى
يا غزال بيتمشى وسارح
رمشك نفذ فيا وجارح
أموت أنا وكلى جوارح
هو الجميل مكسوف من ايه
قربت منها وبتبسم
والرمش فى القلب معلم
قالتى روح بعد ماسلم
منا برده زيك ملهوفة
مشيت وعينها ملحقانى
وف كل حطوة ارجع تانى
البنت حلوة وعجبانى
والعقل تاه منى ياجدعان
خلص الكلام واناع السلم
منا اصل فى الهوى بتعلم
يدوبك اغمز واتبسم
والجسم منى يناس عرقان
ضحكت لي ..
والسلم كان كهربا
ما عرفتش امشي
كأني لسعتني عقربه
وقعت ع السلم
من لهفتي
ووشي احمر
وعرقت من كسفتي
م الفرحة ذادعندى الإحساس
وقعت بين رجلين الناس
اشيل ادين يلهفنى مداس
ولقيتنى وسط الناس غلبان
جسمى النحيل منى اتورم
جزم بتغرز وتخرم
واقول شيلونى وانا هحرم
وهى شيفانى بتهان
مدت اديها بسخرية
ولاكنش من شفقة عليا
وفاكرها بتفكر فيا
وقالتى قوم بلا شغل جنان
مسكت إيديهـــا وقومت اوام
فى القلب نار .. شوق وغرام
عملت مكسور .. بس حرام
البت بنت الناس .... تنصان
دلوقتى بشكلكم حالى
وانا فى العيادة اللى قبالى
ياريت تشوفو اللى جرالى
مع ان عمرى ماكنت جبان
توبة نصوحة المرادى
لا معاكسة ولا مشى الفاضى
انتو الحكم وانتو القاضى
خلاص دى مرة وكان ياما كان
انا خلاص من دى النوبة
لو حتى وصلت لخطوبة
ابقو اضربونى بالمكعوبة
حروح وهبعت لها نسوان
دلوقتي انا
بكلمكم من العياده
وياريت كلامي يكون
فيه استفادة
بلاش تعاكس
بنات الناس
والنعمه دا ..
موضوع حساس
عشان كدا ..
قلت لكم حكايتي
مكسور ومجبس
وهي دي نهايتي
رد مع اقتباس
المشاركة الأصلية كتبت بواسطة نور الجريوي
