(وتسعد بسمتك قلبى.!)تواصل مع(أحزان مفيش)للقديرةربيحة الرفاعى

و تسعد بسمتك قلبى..!!
أحبك حُب متعطّرما يتقدّربكيل وميزان
ولا بموازين عروضيّةومرسومة بألف ديوان!.
ياغصن البان ومين زيّك وتسعد بيه عيون الكل
يغيرالفل من ضيّك ولوشافه هجـربستان!.

***
ونبض القلب مواويلك ولـو يسكت يموت حـزنان!.
ورسمك جوّه(إنجيلك) وإسمك يحضُنُه(القـرآن).
حجيلك قبل ما تنادى واجيبلك ألف صُحبة فــل..
ياست الكل يا غالية يا شـوق يروى العطاشى حنان.
***
حروف شعرى تراتيلى قناديلى فـى ليل حتبان.
وتسعد بسمتك قلبى ودمعك يحرق الشريان.
يا ورده فى خـدود جيلك يجيلك م الأحبّة الكـل..
من السّيد ومن فارس إلى حارس فـى ليل سهـران.

عبد الوهاب موسى(بيرم المصرى)

كان لي رد على هذه المعروفة الجميلة هناك
وأستميحك عذرا بتكراره هنا



يا ضي عنيّ يا غالية يا طيف من جنة الرضوان
يانسمة حب واخده القلب وياها بكل أمان
لشط النيل في قلب الليل يقول مواويل بتشجي الكل
وبعد الفجر ما يشقشق بهمسة توحد الرحمن

***
تلاقي الميدنة طايلة النجمة تصدح في القلوب بأدان
ومن قلب التراب أرواح بتشكر نعمة المنان
ومن فوق الشجر تسابيح وكل جريح عليكي يطل
يلاقي البلسم الشافي اللي يحضن مهجة التعبان

***

ترابك نور ، فرح وسرور ، موالد تملا كل مكان
تقول يا سلام على الأحلام بتتحقق ... خلاص يا زمان
أديكي ارتحتي واتحررتي مِ الطغيان يا ست الكل
سيبينا نقول لكل الكون وقولي كمان ... مفيش أحزان

أحب من الحرف ما يستمطر حروف الآخرين

دمت بألق

رائعتان قرأتهما هنا...
شكرا على هذا الجمال

صدق من أطلق عليك (بيرم المصري )
قلب رائع النبض والحب
شباب رغم الرجولة
استاذنا د عبدالوهاب موسى
للتثبيت تقديرا وابداعا
و الاخرى تستاهل ولكن لا يجوز في عرفنا تثبيت اكثر من موضوع واحد
تقبل شكري لهذا الامتاع والابداع والوطنية

تستحق لقب بيرم المصرى عن جدارة
سلمت أناملك
دمت بكل الخير والسعادة

كان لي رد على هذه المعروفة الجميلة هناك
وأستميحك عذرا بتكراره هنا



يا ضي عنيّ يا غالية يا طيف من جنة الرضوان
يانسمة حب واخده القلب وياها بكل أمان
لشط النيل في قلب الليل يقول مواويل بتشجي الكل
وبعد الفجر ما يشقشق بهمسة توحد الرحمن

***
تلاقي الميدنة طايلة النجمة تصدح في القلوب بأدان
ومن قلب التراب أرواح بتشكر نعمة المنان
ومن فوق الشجر تسابيح وكل جريح عليكي يطل
يلاقي البلسم الشافي اللي يحضن مهجة التعبان

***

ترابك نور ، فرح وسرور ، موالد تملا كل مكان
تقول يا سلام على الأحلام بتتحقق ... خلاص يا زمان
أديكي ارتحتي واتحررتي مِ الطغيان يا ست الكل
سيبينا نقول لكل الكون وقولي كمان ... مفيش أحزان

أحب من الحرف ما يستمطر حروف الآخرين

دمت بألق

====
مرور أميرة الحرف هنا عطر فيحان
وتواصلها شرف لى
تقديرى

أخي بيرم المصري
كلماتك تدخل القلب كشربة الماء العذب .
قال أحمد رامي مرة ، أخشى على الفصحى من بيرم التونسي ، ولعل مقولته ممتدة ما زالت .
أحييك بحسك الجميل وكلماتك العذبة .