حطيــنــي عــلى صــدرك من تنــاميـــن
وخلــي شفــايفــي تنــحــط على شفــاك
وأذا مــرك بــرد وأنتفضــت الروح
أشــق صــدري ألك بس مدي يمنــاك
تحمــي ع القــلب مليــان نيــران
مــو بس الدليــل الروح تفـداك
ياكلمــة غـزل بكــتاب السنــين
تعبــت من الدواره بلكــت ألقـــاك
ولقيتك أحــلى كلمــه بطارف ألسان
تنَطــقين هالنــاس أتمنـــــاك
ولقيتــك قصــه حلــوه بظلمــة أقبــور
وحرقــت الروح لجــلك خاطــر أقــراك
وعليــه أحســاســك اشقــلك وحــالاك
يأرض او واصــل الراســي وحــالاك
بحــالي شصــار من بعــدك وحــالاك
أنطبــق وي حــالي وأنهــدمن ســويه
وأنــا بليــاك
مثــل عــود الشجــر بين البساتين
وشــنو لون الشجــر من غيــر الأوراق
وأنــا بليــاك قصبــه ابحــر الأفــراح
وجــر بيــه الحــزن خلانــي ع الــراق
وأنا بليــاك أم ومفــارقــه اوليــــــد
وعــلى انعــاهــا تنــام عيــون الفــراق
كنــت بس للوطــن يسحبــني الشــوق
هســه الوطــن وأنتي بنفــس الأشــواق
وعلــى وضعــك تركــتــك داخــل العيــن
بس أسمــك تغيــر صار العــراق
وأنــا ماغيــرت بسمــك ولا كــــــن
وطنــه حلــوق عضنــــه ولا كــــــن
فــزع صــاح لأحبــابــه ولا كـــــــن
يسمعــونــه ولابيهــــــم حميــــه
لذلك بيــك أنـــا وصفيتــــــه
وجمعــت الطشــريتـــه وصفيتــــه
نخــلت القلــب لجلــك والصفيتــــه
طــلع كلــه ألــك مابيــه أليـــــــه