أحدث المشاركات
النتائج 1 إلى 5 من 5

الموضوع: قصيدة : الطير اشتري حريته

  1. #1
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.07

    افتراضي قصيدة : الطير اشتري حريته

    الطِيرْ اِشْتَرَى حُرِيتُه
    يناير .... شهر دا ؟
    ولا فَرْحْ الدنيا هَالِل بالبشاير ؟
    أنا شُفتُه شفت الخضرا جَاهَا الخير
    والمحروسة مِسْتَنية دُورها
    واقفة بتغزل في الضفاير
    وعريسها شاب صِغَار
    جاي لها من الفرحة طاير
    بيقول قوليلي مَهرك إيه
    لو حتى عُمْرِي ها أقدمه
    دا كفاية عِشتْ العُمر حَايِر
    .................................................. ..
    أقول عروستي .... لأ مش عروستي
    اللي شايفها كل يوم يبيعوا فيها ويشتروا
    ويباركوا دُخْلِتْهَا علي وِِلْد الأكابر
    سألت روحي لِحَد إمتى أفضل كده ساكت وصابر
    أنا عروستي حرة , لا ظُلم فيها وخيرها ليها
    إزاي أسيبها تتغصب علي ظلمها
    العيب هنا في العروسة
    ولا العريس اللي سَكَتْ و وَقَفْ يِِكَابِر
    ولو يطول صبره لِبُكرَهْ
    بُكرَه الحزينة تِتوِِرِثْ , يِورثها فاسد وألا فَاجر
    .................................................. .............
    إزاي يكون وأنا من زمان مستني فَرَحِك يا حزينة !
    ثلاثين سنة إمتي تعودي وترجعي تحيي اللي فينا ؟
    واللي باعوكي واشتروا .. دول دمهم مش مننا
    إحنا عروق الدم تغلي تِتنَفض أما يبيعوك قدام عنينا
    يا أغلي من روحي ... يا روحي إحنا لبعض
    أنا اللي ليكي ... إنتي اللي لينا
    و إنتي اللي ضَي العمر كله
    ازاي يضيع الضَي دَه كِده من ايدينا ؟
    .................................................
    من أول الشهر و بشوف لك كل يوم حلم
    مش عارف أفرق
    حلم السعادة دا ؟ ولا دا حلم الهموم ؟
    شايف السما برق ورعد , مليانه غيوم
    والسحاب يجري يقول خلاص .. للظلم يوم
    لكل ظالم يوم قيامه .. والقيامة لازم تقوم
    ..................................................
    ألوان كتير داخله في بعض
    احمر في اسود وسط توب ابيض حزين
    اللي شايفه دا لون علم ؟ ولا دا ألم السنين ؟
    والدموع دي دموع فرح ؟
    ولا دموع قلب في لحظة للفراق وبينجرح ؟
    .................................................. .
    يا تري إيه اللي شايفه من بعيد
    دا بحر دم ده ولا شربات احمر بيجري في الوريد ؟
    ولا مولود بيتولد هنا من جديد ؟؟
    و لا دا فجر بيشق الطريق حالف لَيِمْلَيَ الدنيا عيد ؟
    .................................................. ...........
    واللي شايفه مستحيل ... دا شعب ده ولا طوفان ؟
    ويا تري اللي سامعه دا صوت الملايكه في السما ؟
    ولا دا صوت الأدان ؟
    ولا صرخة واحدة بتهز الميدان ؟
    .................................................. ...........
    ويا تري الدخان دا نار ؟ ولا لوحة فوق جدار ؟
    ولا شعب بينه وبين الظلم تار ؟
    حلم دا وألا حقيقة ؟
    جايه تغسل ألف عار , و أي عار ؟
    .................................................. .
    عار السكوت !!
    وعمر عدى الكل هُس ما أسمعش صوت
    وعار لخوف !!
    خللي القلوب جوة الصدور مرعوبة موت
    ونفاق وكدب طول السنين
    حتى النفس ناخده بشروط
    ...............................................
    والطبل والزمر لازم كل يوم
    عشان المؤامرة تكتمل ييجى بسلامته
    في شهر عشرة وينسجوا كل الخيوط
    جاي العريس يغتصب بلدي وعروستى
    ويبيع فيها ويشتري
    ما شبعش منها المفتري
    أنا قلت لأ ... مستحيل دى حتة منى
    الشهر لا يُمكن يِعَدِي أو يفوت !!!!
    ............................................
    الشهر دا حد فاصل بيني وبينه
    صدر القرار من عند ربي
    والبطل يا خد الحق بيمينه
    قلت خلاص أنا صبري طال
    والليل نهايته أمسكه بإيدي أخنقه
    و صُباعِي أحطُه جُوه عِينه
    وف آخر الشهر ترجع لي حبيبتي
    والجبان يلعن فساده اللي إتزرع
    يلعن الظلم و سنينه
    ...........................................
    قبل نهاية الشهر ده دست الزناد
    الكل كبر في الميعاد
    قام وقال الله اكبر
    دا الثورة بترج البلاد
    الظلم لو هيزيد في عنده
    أنا كمان بزيد عناد
    إنت بتخنق في البلد
    بس الجنين ده لا يمكن يتخنق وقت الميلاد
    بيقول خلاص إنت انتهيت .
    لازم هتمشي , خد معاك الحاشية وحشود الفساد
    العادلي يمشي وعز يمشي وكل اللي باع واشترى واللي افتري ...
    وخللي البلد أكبر مزاد
    ...............................................
    و إنت انتظر في السن ده يوم الحساب
    خللي عمايلك تنفعك و ألا الخطط
    و ألا الجمال والبغال و الخيول ولا الكلاب
    ولو تشوف اللي بأشوفه وأسمعه
    و اللي مكتوب في الصحف ولا الكتاب
    ساعتها تلعن خلقتك وخلفتك وحاشيتك
    وكل سنوات العذاب
    كنت فاكر العروسة بتعشقه
    الحرة عاشقة الحر الصغار ابن البلد
    رجع لها بعد الغياب
    و الطير خلاص اشتري حريته بدم الشباب
    .. الطير خلاص اشتري حريته بدم الشباب
    أشعار : د. هاني أبوالفتوح
    الكويت في مساء الاثنين 28 فبراير 2011-02-28

  2. #2
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,901
    المواضيع : 538
    الردود : 10901
    المعدل اليومي : 2.28

    افتراضي

    وكل سنوات العذاب
    كنت فاكر العروسة بتعشقه
    الحرة عاشقة الحر الصغار ابن البلد
    رجع لها بعد الغياب
    و الطير خلاص اشتري حريته بدم الشباب
    .. الطير خلاص اشتري حريته بدم الشباب

    أخي الفاضل د هاني أبو الفتوح المبدع
    زجال ذكرنا بجاهين
    رائعة مبنى ومعنى ومعايشة\
    قصيدة تأريخية رمزية لما قبل يناير وما بعده وسبحان مغير الاحوال
    صورها وعاطفتها تغري بالمزيد
    للتثبيت إبداعا وتقديرا

  3. #3
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.07

    افتراضي شكر وعرفان

    اقتباس المشاركة الأصلية كتبت بواسطة الطنطاوي الحسيني مشاهدة المشاركة
    وكل سنوات العذاب
    كنت فاكر العروسة بتعشقه
    الحرة عاشقة الحر الصغار ابن البلد
    رجع لها بعد الغياب
    و الطير خلاص اشتري حريته بدم الشباب
    .. الطير خلاص اشتري حريته بدم الشباب

    أخي الفاضل د هاني أبو الفتوح المبدع
    زجال ذكرنا بجاهين
    رائعة مبنى ومعنى ومعايشة\
    قصيدة تأريخية رمزية لما قبل يناير وما بعده وسبحان مغير الاحوال
    صورها وعاطفتها تغري بالمزيد
    للتثبيت إبداعا وتقديرا
    استاذى الكبير قدرا وقيمة الشاعر الطنطاوي الحسيني
    عذرا لتاخيري في الرد لتواجدي خارج البلاد, مرورك الكريم بحروفي اضاء نفسي وصدري وتقديرك تاج فوق راسي ادعو الله تعالي ان اكون اهلا له فتقبل منى خالص دعائى وتقديري واحترامي

  4. #4
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 9.15

    افتراضي

    سألت روحي لِحَد إمتى أفضل كده ساكت وصابر
    هو ذا بيت القصيد ، وما أروعه

    ابدعت شارعنا
    لا فض فوك

    ودمت بألق
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  5. #5
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.07

    افتراضي

    [QUOTE=ربيحة الرفاعي;594237]

    هو ذا بيت القصيد ، وما أروعه

    ابدعت شارعنا
    لا فض فوك

    ودمت بألق
    [/QUO

    الأستاذة الأبية الفاضلة ربيحة الرفاعي حفظك الله
    عجبا لعين لم تقرأ هذا النور الذي يشع بين حروف ردودك إلا اليوم , قصر نظر لا يعالجه إلا كامل التقدير والمودة والإحترام احملها لشخصكم الكريم بين جنباتي
    تقبلي اعتذاري وودى وتقديري

المواضيع المتشابهه

  1. الطير المعذب
    بواسطة عبد الكريم العسولي في المنتدى الشِّعْرُ الفَصِيحُ
    مشاركات: 11
    آخر مشاركة: 02-01-2011, 01:17 AM
  2. لا يرتضي الطيرُ
    بواسطة محمد العلوان في المنتدى الشِّعْرُ الفَصِيحُ
    مشاركات: 10
    آخر مشاركة: 16-11-2009, 04:09 PM
  3. اشتري التراب بشهادة الماجستير !!
    بواسطة احسان مصطفى في المنتدى الأَدَبُ السَّاخِرُ
    مشاركات: 8
    آخر مشاركة: 18-04-2009, 07:33 PM
  4. تلقّفني الطير
    بواسطة عمار الجنيد في المنتدى النَّثْرُ الأَدَبِيُّ
    مشاركات: 5
    آخر مشاركة: 30-03-2009, 08:55 PM
  5. الطير المكسور الجناح
    بواسطة بابيه أمال في المنتدى أَدَبُ العَامِيَّة العَرَبِيَّةِ
    مشاركات: 7
    آخر مشاركة: 07-04-2007, 02:08 AM