قصيدة ياوطن منك لله

يا وَطنْ مِنَك للهْ

منك لله يا وطن ...... تعبتنا في هواك
لا قدرنا نبعد عنك ... ولو غبت نستناك
ولو تتوه يا وطن ... الكل تاه في حماك
ولو تضيع يا وطن .. ضِعْنا وحياتنا هلاك
.................................................
فاكر زمان يا وطن .... أيام ما كنا صغار
كنا نعيش سعدا ...... ونقول بلدنا عمار
نفرح بكيلو قوطة .... ولا بكيلو خيار
نقول دا أكلك حلو ... واحلي من الكافيار
ولو نموت م الجوع ...
نلغي التلات وجبات . ونقول كفاية فطار
بس يعيش الوطن .... ونغنى للثوار
أيامها حكامنا .....
غنوة بتتغني ..... وبتتكتب أشعار
دلوقتي حكامنا .....
تضربنا بالجزمة ... وبننضرب بالنار
حالفين بسبب الوطن . لياخدوا فينا التار
..................................................
بقولك إيه يا وطن ..... غلبتنا وياك
ارحم بقي يا وطن .... شعبك بيترجاك
إحنا اللي شيلنا الهم ...
وإحنا اللي نجري وراك ...
فكر في شعبك يوم .... خليه علي يمناك
.................................................
زَعلت ليه القادة ..... بيشتكوا منك
و لسه سامعهم ...... بيقولوا ليه انك
أنت اللي تاعبهم .. و أنت اللي واجعهم
يا ما فدوك يا وطن .. وشروك يا بايعهم
وكتير تنام مبسوط ....
وهما يا ولداه ..... نازله مدامعهم
...............................................
أفكرك يا وطن .... ولا أنت ما بتنساش
يوم ما انكسرت يا وطن ....
ولبست قطن وشاش ........
وطردت ابن البلد ..... وفتحت للأوباش
وقلت لو مش عاجبك ....
امشي ما تستغباش !!!!
...............................................
مشيت علي المكتبة
افتح كتاب الوطن ..... واقرأ في مراجعهم
لقيت الوطن متباع .... وهما اللي شاريينك
هما بحور الدم ....... تمص في شرايينك
هما اللي كِرٍٍهوا الفقر .....
وإحنا بالفقر عاشقينك .....
إحنا اللي دقنا المر ......
وهما اللي فضلوا سنين . يعبوا في ملايينك
لو يزعلوا منك ...... هيطلعوا عنيننا
ويقَطَعوا في دينك ....
ارحم بقى يا وطن .... خدنا علي يمينك
بهدلت ليه القادة ..... وزعلتهم منا
ودا كله ليه يا وطن ... هو إحنا ناقصينك
.................................................
بهدلت ليه القادة ..... هنجيب منين زيهم
هو إحنا فكرك يوم ... نقدر نعيش بعدهم
.................................................
ملعون أبو الوطن .... اللي يبهدل قياداته
هتعمل إيه يا وطن .... لو كلهم ماتوا ؟
شفتوش يا ناس وطن ...
عايش علي حسهم ....
عالة علي ولاده .... وعالة علي أخواته
جننتنا يا وطن .......
صارف فلوس شعبك ... يا كتر عزوماته
ارحم شوية يا وطن .....
القادة من غلبهم .....
هيهجوا بفلوسك ...... يورو ودولاراته
ساعتها تعيش يا وطن .... وحداني متيتم
هنجيب منين قادة ...... تحكم وتتحكم
هنجيب منين قادة ..... تشكل حكوماته
.................................................. ....
لو فاكر احنا اسياد .... لا .... هما اسيادنا
السادة فينا يا وطن ...... ماتوا مع اجدادنا
ارحم بقي يا وطن ...... ارحم أبوس إيدك
ارحم جموع شعبك ... والقادة ... وعبيدك
...................................
اشعار د. هاني أبوالفتوح
للذكري هذه المأساة كتبت في القاهرة يومي الخميس وفجر الجمعه 27 , 28 يناير 2011 بعد تصريحات السيد المواطن الشريف العفيف الظريف صفوت الشريف رئيس مجلس الشورى عن أنه يعيش فقط لخدمة الوطن
( الحقونا يا ناس الدنيا والعة من يومين والبيه اللي مشعللها قال إيه بيقول الوطن ..... الله يرحم المرحوم الوطن علي ايديكم )
- - - وجدت القصيدة ايضا تصلح لما يحدث الآن في كل الشعوب العربية
- - - ما هو كله شعب واحد ووطن واحد .

وهي قصيدة فعلا شارحة وفاضحة لهم اخي
قصيدة من عمق المأساة وثورة على الظلم بشكل ساخر يخرج الحقائق الدفينة
ومظلوم الوطن مع الاوباش والسارقين وقطاع الطرق والهجامة
نعم اخي كادوا ان يجعلوها ليل لا نعلم ايدينا من رؤوسنا لكن الله سلم و ثبت شعبنا البطل و جاء بالفجر
من شدة العتمة
ونسأل الله لليمن كذلك ولليبيا كذلك ولسوريا كذلك ولكل الوطن الابي العربي كذلك النصر
تحياتي ايها الرائع
قصيدة مبدعة حقا اخي د هاني ابو الفتوح

طرقت على أوجاعنا بأسلوب ساخر بديع يحمل معاناة الشعب ويكشف فساد الحكم
ماتعة مائزة يتألق فيها الحرف
شاعرنا الكبير ..
من روائع ماقرأت في أحداث الثورة
دمت بكل الخير
ودام حرفك ناطقا صادحا بالحق
جل التقدير

قوية وذكية الخطو على أحداث الواقع

ولن الوطن أغلى من أن نشكوه لله

فله الله ولنا ، وحسبنا الله في من جعل حبنا للوطن وجعا

دمت بألق

وهي قصيدة فعلا شارحة وفاضحة لهم اخي
قصيدة من عمق المأساة وثورة على الظلم بشكل ساخر يخرج الحقائق الدفينة
ومظلوم الوطن مع الاوباش والسارقين وقطاع الطرق والهجامة
نعم اخي كادوا ان يجعلوها ليل لا نعلم ايدينا من رؤوسنا لكن الله سلم و ثبت شعبنا البطل و جاء بالفجر
من شدة العتمة
ونسأل الله لليمن كذلك ولليبيا كذلك ولسوريا كذلك ولكل الوطن الابي العربي كذلك النصر
تحياتي ايها الرائع
قصيدة مبدعة حقا اخي د هاني ابو الفتوح

الأخ الحبيب الأستاذ الطنطاوي الحسيني
أدعو الله تعالي ان يتقبل دعاءك لكل البلاد العربية المنكوبة ان تنعم بنسائم الحرية وان تحسن شعوبنا أيضا فهم مسؤولية الحرية وواجباتها لنعلو جميعا ويعلو بنياننا , اشكر لك مرورك الكريم وتقبل خالص تحيتي وتقديري

طرقت على أوجاعنا بأسلوب ساخر بديع يحمل معاناة الشعب ويكشف فساد الحكم
ماتعة مائزة يتألق فيها الحرف
شاعرنا الكبير ..
من روائع ماقرأت في أحداث الثورة
دمت بكل الخير
ودام حرفك ناطقا صادحا بالحق
جل التقدير

الأديبة والقاصة الرائعة الأستاذة رنيم مصطفي
المتعة كل المتعة أن أري ردك علي كلمات متواضعة مني , تقبلي خالص مودتي وتحيتي وتقديري

قوية وذكية الخطو على أحداث الواقع

ولن الوطن أغلى من أن نشكوه لله

فله الله ولنا ، وحسبنا الله في من جعل حبنا للوطن وجعا

دمت بألق

استاذتي الكبيرة ربيحة الرفاعي
دام عزك ومتعك الله بكل خير وعافية , مرورك بالكلمات اضاء المكان واؤكد لشخصكم الكريم أني ما قصدت أبدا ان شكو الوطن فهو أغلي وأبقي ولكني أتعجب فقط من هؤلاء من باعوا الوطن وادعوا حبه والتفاني من أجله قصمهم الله تعالي
لك مني خالص المودة والتقدير وعاطر الثناء