أحدث المشاركات
صفحة 1 من 2 12 الأخيرةالأخيرة
النتائج 1 إلى 10 من 15

الموضوع: قصيدة : بحلفك .. سرقت كام ؟ !!!

  1. #1
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.07

    افتراضي قصيدة : بحلفك .. سرقت كام ؟ !!!

    بَحَلِفكْ ... سَرَقتْ كَام ؟ !!!ْ
    يا كبير بلدنا !!! ... يا اللي كنا فاكرينه كبير
    إن كنت لسه بصحتك ... وعقلك تمام
    نحلفك بالله تقول ... سرقت كام ؟
    أنا مستعد إني أسامحك ... والشعب كله راح يسامحك
    لو ارتحنا وعرفنا الحقيقة ... بس إنت ابدأ في الكلام
    .................................................. ............
    أنا كنت فاكرك قيمة عالية ... ورمز وطني له احترام
    معقولة تخدع كل شعبك ... كل عيشتك ... م الحرام
    معقولة ربك مش في بالك . كل همك ترضي ابنك والمدام
    دلوقتي أنا تعبان قوي .. وبحلفك بالله تقول .. سرقت كام ؟
    .................................................. ....................
    إن كنت مش عاوز تقولها ع الملأ .... قول لي لوحدي
    صدقني قول .... سِرَكْ في بير
    أنا كنت فاكر إنك أبويا .... وساعات أقول أخويا الكبير
    ريحني .... مش قادر أنام
    كل الكلام اللي قريته .... وأسمعه عنك خطير
    ليه كده خَدَرتِنا ... و نَيمْتِنا 30 سنة نِشَخَرْ شِخِيرْ
    دلوقتي من يوم ما مشيت خاصمت نومي والسرير
    أنا كنت أنام مبسوط أوي .... لو نمت عالأرض
    بس إنت تتغطي بحرير!!!
    وكنت أصوم من غير سُحور .... من غير فطار
    أهم حاجة إنت اللي تِفطر .... بالهنا ... والشفا
    بالعسل .... والمِشَلتت .... والفطير
    .................................................
    كانت سعادتي إنك سعيد
    ولو كنت أشوفك بتقول كلام ...
    أي كلام ... تِبْقَي كل الدنيا عيد
    كنت أدعي ربي ... عُمرك يِطُول
    ويخلي أجرك عننا .. أجر الشهيد
    ولا كنت أفكر في الغلا
    وللا أركب إيه ... وللا الولاد ... وللا العَلام
    ولا كنت مشغول بالسكن وللا أسعار الحديد
    ولو كنت أسمع حد بس بيشتمك
    أدعِي عليه ... أفضل أقول منه لله البعيد
    .................................................. ............
    بقت حياتي في اللي مكتوب في الجرايد
    والفضايح والفساد
    و اللي إتنهب من أرض بلدي وحقها ... ودم العباد
    واللي طفِشْتُه بعمايلك من ولادها .....
    حلف ما يرجع للبلد ... غاب عنها وعِشِق البُعاد
    واللي إنت كارهه بتسجنه .. يقضي عُمره جوه سجن
    سهل الدخول ... أما الخروج ... فملوش ميعاد
    واللي إنت راضي عنه ... يسرق في البلد
    ويقسموها عالمعارف .. والنسايب والولاد
    .................................................. ............
    واللي بِِِعْتُوه من أراضي ... بتبيعوه بِرُخْص التراب
    للحبايب والقرايب والكلاب
    وللا فضايحك في السجون
    وإنت بتعَذِبْ شيوخ ... وللا تِقتِل في الشباب
    لو دا صحيح .. مستحيل إنك بشر .. مستحيل
    عُمرك ما فكرت في موتك ... والحساب
    ما قريتش آية واحدة بس تغيرك
    و تْخََوِفَك م النار ... و العذاب
    بقي كل همك إن ابنك يورثك ؟ ويبقي سُلطَان زي أبوه
    و إنت بتموت سَايبْ البلد كله خراب ؟
    أنا كنت فاكر اللي زيك ... كل فكره في سِنُه ده
    إنه يكفر عن ذنوبه .. كل همه قبل مُوتُه .. يقولوا تاب
    وكلت أمري فيك لربي . جننتني . حيرتني . طيرت عقلي
    عشان كده كتبتلك ,.... وقلت أَبعَتْ لك جواب
    .................................................. ..................
    بالله حَلِفْتَكْ . بالغالي حَلِفْتَك , قول لي حرامي ولا لأ ؟؟
    في الآخرة كله هَيتكَشَفْ ,.... ربك قوى وعَدْلُه حق
    دلوقتي جه وقت الحقيقة .... والكلام المُسْتَحَق
    السكوت ما ينفعك .... الكلام وقته اللي دَقْ
    .................................................. .........
    كل البلد بتسألك ... سرقت كام ؟ وسرقت ليه ؟
    واللي حصل لك دا اسمه إيه ؟
    ثورة شباب ؟ .... ولا غضب من ربنا ؟ !!
    إنت افتكرت إنك إله .. ولا بشر .. !! مش زينا ؟
    إن كنت فاكر إنك بريء ....
    ساكت لفين ؟ اطلع وقول ... خليك جريء
    .................................................. ....
    راح تِتسأل . في الآخرة والدنيا كمان
    دا هيعملوا لك المحاكمة في الميدان
    نفس المكان اللي إتقتل فيه الشباب
    هيشنقوك لو كنت خاين . أو حرامي
    مفيش سجون .. ومفيش لومان !!!
    .................................................. ....
    يا خسارة !! كانت حياتي كلها هي سعادتك
    بس خلاص !! ... دلوقتي بعد اللي حصل
    آن الأوان .... أسأل سيادتك
    إنت حرامي ؟؟؟ وللا لأ ؟؟؟
    جاوبني ... متضيعش وقتي ... وللاَ وقتك
    قرب لي أشوفك . خليني أحط عيني ف عِينيك
    دا لو صحيح تطلع حرامي
    مُوتك حلال ... السجن دا قُلَيلْ عليك
    .................................................. .............
    بُكره النيابة هَتمْسِكَك ... ويبهدلوك
    قول الحقيقة .. قولها لإبنك و للا أخوك
    حرام عليك شوف كام سنة إتحملتها وصابر عليك
    تدفني في البحر بالعبارة .... راضى
    تدفني بالقطر أسامحك ! بردو راضي
    يتهد بيتي عَلَيا . أموت تحت الصخرة
    ما ألحق حتى أنادي
    تِزَوَرْ انتخابات أقول حَقُه عليا . خليها تِعَدي السنة دي
    أنا كنت راضي بقسمتي وبدنيتي
    كنت ساكت ... لما قُصادي تِقَسِمُوا كل الأراضي
    أنا كنت راضي بشغلتي .... و بكام جنيه
    عمري سألتك مرة واحده و قلت لك مليار دا إيه ؟
    .................................................. ............
    فاكر زمان .. أما كنت أشوف صورتك في الجريدة
    أجري اشتريها وأفضل أبوس ... أفضل أبوس
    دلوقتي لو أشوف صورتك ع الحيطة
    أمشي ع الحيطة بالجزمة ... و أدوس
    و لو حرامي جه سرقني في الميدان
    أصرخ وأقول امسك حرامي
    كل الشباب يجروا وراك .. ويضربوك
    بالمنفضة .. زي ما يهشوا الناموس
    وكلت أمري فيك لربي !!!
    لا أنت أبويا ... ولا أنت أخويا .... ولا أعرفك
    يا رب ما تقبل منه تُوبَِه في الدنيا وفي الآخرة يِلُوصْ
    .................................................. .................
    فاكر سؤالي عشان بأدَوَرْ عالفلوس
    يا غشيم ... إنسي السؤال
    والله ما هَمِتْنِي الفلوس ... والله ما هَمِتْنِي الفلوس
    كان كل نَفْسِيْ .... تكون شريف
    وأعيشها حاف من غير غموس ,,,,,
    أعيشها حاف من غير غموس !!!!!
    شعر د. هاني أبوالفتوح
    الكويت في الخميس 3 مارس 2011

  2. #2
    الصورة الرمزية عايد راشد احمد قلم فعال
    تاريخ التسجيل : Jul 2009
    الدولة : تائه في دنيا المعاني
    المشاركات : 1,866
    المواضيع : 49
    الردود : 1866
    المعدل اليومي : 0.46

    افتراضي

    السلام عليكم ورحمة الله

    لن اوجه اتهام بدون دليل قاطع لان ما يشاع للان كلام ليس عليه بيان

    وعلي المجلس العسكري والنيابة واجهزة الرقابة ان تكشف حساب هذا الرجل وتدينه او تبرئه لكن ليس من العدل للشعب او له ان يترك هكذا

    اعلم يقينا اننا لم نعش في فساد ونهب اكتر مما عشنا في عصره والشواهد والادله علي ذلك كثيرة وبينة ودليلها ان كل من حوله من هن متورطين في سرقات وفساد

    يا راجل خلي عندم شوية دم ورد علي الاقل يمكن نقول انه عندك شوية دم

    لا حول ولا قوة الا بالله وحسبنا الله ونعم الوكيل في كل من خان الامانة

    شكرا جزيلا دكتور صورت فاجدت
    صاحب البسمة والنسمة
    تقيمك بمشاركة مطلوب كما انت تحتاج فلا تبخل

  3. #3
    الصورة الرمزية نجوى الحمصي قلم نشيط
    تاريخ التسجيل : Jan 2010
    الدولة : الكويت
    المشاركات : 851
    المواضيع : 84
    الردود : 851
    المعدل اليومي : 0.22

    افتراضي


    الدكتور المبدع روح وفكر وكلمات
    د هاني ابوالفتوح
    قرأت مرة ولكن لم أرتوي مما نسجه وجدانك الرائع
    وسأعيد القراءة مرات
    ومن ثم أرد بما يليق
    على عظمة هذا السلسبيل من جمال الكيان لك
    لي عودة بإذن الله

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    وطني أنت النبض في شريان دمي

  4. #4
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 9.14

    افتراضي

    معقول يا دُكْتُر
    كل ده ولساك بتسأل
    عاللي غاب في جيوب جمال
    أو حتى في جيوب المدام
    بكره يبان كل اللي كان
    والأمر يُعلن في الميدان
    لأ ..
    لأ حرامْ
    خلينا زي ولاد زمان ..
    نعرف ونستر .
    ده الضرب في الميّت حرامْ ..
    واحنا اللي نقدر
    فوق سنين الصبر نصبر


    أذهلني هذا الحس الوفيّ لمن لا يستحقون الوفاء

    دمت بألق
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  5. #5
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,901
    المواضيع : 538
    الردود : 10901
    المعدل اليومي : 2.28

    افتراضي

    كان كل نَفْسِيْ .... تكون شريف


    اخي د هاني ابو الفتوح
    للتثبيت ابداعا وتقديرا و مواكبة
    رائعة والله

  6. #6
    الصورة الرمزية آمال المصري عضو الإدارة العليا
    أمينة سر الإدارة
    أديبة

    تاريخ التسجيل : Jul 2008
    الدولة : Egypt
    المشاركات : 23,643
    المواضيع : 386
    الردود : 23643
    المعدل اليومي : 5.41

    افتراضي

    انهمار بديع جدا ومواكبة للأحداث
    وتساؤلات لن تجد لها إجابة ولا صدى
    عارف ليه ؟
    لأن الحرامي اللي بيسرق مابيقول ياناس أنا لص ...
    بيقولوا في الأمثال فيه هم يضحك ... وهم يبكي ...
    والهم هنا كان لذيذ
    تقديري الكبير
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  7. #7
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.07

    افتراضي

    اقتباس المشاركة الأصلية كتبت بواسطة عايد راشد احمد مشاهدة المشاركة
    السلام عليكم ورحمة الله

    لن اوجه اتهام بدون دليل قاطع لان ما يشاع للان كلام ليس عليه بيان

    وعلي المجلس العسكري والنيابة واجهزة الرقابة ان تكشف حساب هذا الرجل وتدينه او تبرئه لكن ليس من العدل للشعب او له ان يترك هكذا

    اعلم يقينا اننا لم نعش في فساد ونهب اكتر مما عشنا في عصره والشواهد والادله علي ذلك كثيرة وبينة ودليلها ان كل من حوله من هن متورطين في سرقات وفساد

    يا راجل خلي عندم شوية دم ورد علي الاقل يمكن نقول انه عندك شوية دم

    لا حول ولا قوة الا بالله وحسبنا الله ونعم الوكيل في كل من خان الامانة

    شكرا جزيلا دكتور صورت فاجدت
    الأخ الكريم الأستاذ عايد راشد أحمد
    عميق شكري وتقديري ومودتي علي كريم مرورك بكلماتي , الشكر موصول لشخصكم الكريم وأعان الله مصر الحبيبة

  8. #8
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.07

    افتراضي

    اقتباس المشاركة الأصلية كتبت بواسطة نجوى الحمصي مشاهدة المشاركة

    الدكتور المبدع روح وفكر وكلمات
    د هاني ابوالفتوح
    قرأت مرة ولكن لم أرتوي مما نسجه وجدانك الرائع
    وسأعيد القراءة مرات
    ومن ثم أرد بما يليق
    على عظمة هذا السلسبيل من جمال الكيان لك
    لي عودة بإذن الله

    الأستاذة الفاضلة نجوى الحمصي
    أي عبق أضاء المكان من كويت العز والمحبة التي احتوتني أكثر من نصف عمري , كلماتك تشع نورا في وجداني , تقبلي خالص مودتي وتقديري

  9. #9
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.07

    افتراضي

    اقتباس المشاركة الأصلية كتبت بواسطة ربيحة الرفاعي مشاهدة المشاركة
    معقول يا دُكْتُر
    كل ده ولساك بتسأل
    عاللي غاب في جيوب جمال
    أو حتى في جيوب المدام
    بكره يبان كل اللي كان
    والأمر يُعلن في الميدان
    لأ ..
    لأ حرامْ
    خلينا زي ولاد زمان ..
    نعرف ونستر .
    ده الضرب في الميّت حرامْ ..
    واحنا اللي نقدر
    فوق سنين الصبر نصبر


    أذهلني هذا الحس الوفيّ لمن لا يستحقون الوفاء

    أستاذتي الفاضلة المعلمة ربيحة الرفاعي
    عجبا لرد أفضل أميال من الكلمات المردود عليها وكيف لا وهو نبض حروف زاهية من أستاذة ومعلمة ولكن استميحك عذراً أستاذتي فقط نظرة حانية علي تاريخ كتابة الكلمات منذ أكثر من شهر مضى لتعلمي انها كانت بصوت العامة من الشعب البسطاء أبناء الريف الطيبون الكادحون الحالمون أن يولي أمرهم شرفاء حتى لو ماتوا جوعا فالعار والخزي لمن سرق قوت هؤلاء وأخر الأبيات كان حق الجزاء من العباد بالدعاء علي الظالم وشكواه إلي رب العباد والتبرأ منه فلا حاجة هنا للتساؤل الذي جاء في أول الأبيات لإنه قد قضي الأمر الذي فيه تستفتيان
    دمت بكل خير ومودة وعافية وستر وحفظ من الله ولشخصكم الكريم خالص تحياتي وتقديري

    دمت بألق

  10. #10
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.07

    افتراضي

    اقتباس المشاركة الأصلية كتبت بواسطة الطنطاوي الحسيني مشاهدة المشاركة
    كان كل نَفْسِيْ .... تكون شريف


    اخي د هاني ابو الفتوح
    للتثبيت ابداعا وتقديرا و مواكبة
    رائعة والله
    الأستاذ الفاضل والشاعر الكبير الطنطاوي الحسيني
    كما أنت عهدي بك فياضا بالخير ودودا منذ تشرفت بالدخول الي واحة الخير والمحبة , تثبيتك لكلماتي المتواضعة تاج فوق رأسي يدفعني أن أكون أكثر حرصاً علي حرفي
    طاب مساؤك ونهارك ويومك وغدك لك خالص مودتي وشكري وتقديري

صفحة 1 من 2 12 الأخيرةالأخيرة

المواضيع المتشابهه

  1. طفولة سُرقت براءتها
    بواسطة نبيل أحمد زيدان في المنتدى الشِّعْرُ الفَصِيحُ
    مشاركات: 18
    آخر مشاركة: 16-01-2016, 09:31 PM
  2. قصيدة : كام سنة ملحمة
    بواسطة د هاني ابوالفتوح في المنتدى أَدَبُ العَامِيَّة العَرَبِيَّةِ
    مشاركات: 3
    آخر مشاركة: 21-04-2013, 06:07 PM
  3. قصيدة : كام سنة ملحمة
    بواسطة د هاني ابوالفتوح في المنتدى أَدَبُ العَامِيَّة العَرَبِيَّةِ
    مشاركات: 3
    آخر مشاركة: 16-01-2012, 10:34 AM
  4. لماذا سرقت وليدي؟
    بواسطة سعيد أبو نعسة في المنتدى النَّثْرُ الأَدَبِيُّ
    مشاركات: 23
    آخر مشاركة: 24-02-2009, 06:46 PM
  5. ... يا من سرقت حذائي .. (باسمة)
    بواسطة صالح العَمْري في المنتدى الشِّعْرُ الفَصِيحُ
    مشاركات: 18
    آخر مشاركة: 26-11-2007, 08:20 AM