أحدث المشاركات

مصير الكوكب على متن الشراع الشمسي» بقلم إبراهيم أمين مؤمن مصطفى ح » آخر مشاركة: ناديه محمد الجابي »»»»» قراءة فى بحث تجربة ميلغرام: التجربة التي صدمت العالم» بقلم اسلام رضا » آخر مشاركة: اسلام رضا »»»»» وذُلّت الأعناق مقتطف من رواية قنابل الثقوب السوداء...» بقلم إبراهيم أمين مؤمن مصطفى ح » آخر مشاركة: إبراهيم أمين مؤمن مصطفى ح »»»»» الفصل الثاني من رواية وتستمر الحياة بين يأس و تفاؤل الأم الجريحة» بقلم بوشعيب محمد » آخر مشاركة: ناديه محمد الجابي »»»»» و تستمر الحياة بين يأس و تفاؤل الفصل الأول من الرواية بقلم بوشعيب» بقلم بوشعيب محمد » آخر مشاركة: ناديه محمد الجابي »»»»» قراءة في بحث أمور قد لا تعرفها عن مستعمرة "إيلون موسك" المستقبلية» بقلم اسلام رضا » آخر مشاركة: اسلام رضا »»»»» نعم القائد» بقلم عطية حسين » آخر مشاركة: احمد المعطي »»»»» قراءة في مقال يأجوج و مأجوج ... و حرب العوالم» بقلم اسلام رضا » آخر مشاركة: بوشعيب محمد »»»»» الطفل المشاكس بقلمي» بقلم بوشعيب محمد » آخر مشاركة: بوشعيب محمد »»»»» @ تَعَاويــذ فراشَــةٍ عَاشِقـَـة @» بقلم دوريس سمعان » آخر مشاركة: دوريس سمعان »»»»»

النتائج 1 إلى 9 من 9

الموضوع: لما يجيبوا ف سيرتك

  1. #1
    الصورة الرمزية محمود موسى شاعر
    تاريخ التسجيل : Jun 2006
    العمر : 39
    المشاركات : 836
    المواضيع : 170
    الردود : 836
    المعدل اليومي : 0.13

    افتراضي لما يجيبوا ف سيرتك

    أيوة اطمن..
    لما يجيبوا ف سيرتك أول حاجة بتحصل..
    بَدّي لساني أجازته المفتوحة اللي تملي
    بتيجي ف صالحك
    طبعا فاهم..
    ولاّ تحب أوضح أكتر؟
    ماهو ما يصحش أحكي لهم
    عن عود الفُل ف يوم ما اتمسكن
    واتمنَّى على اكتاف النسمة ييجيني ويسكن
    واستصعب يطلبها بنفسه
    فسَلَّط منه روايح تعرف ست لغات..:
    لغة منهم تتمَسَّح في النضارة السودا
    وبتدفن كل السطحية بطولة بالها اما بتدخل
    في حارات مسدودة..

    لغة تانية تصور لك منها ملامح طفلة
    بتزُق التلميح وامّا انت تواجه.. تنكر
    تتعجب لصراحتك والغربال اللي انت
    ف وقت ما بتشوف منه حقيقة بيستعماك
    ويشدك لغلاف الحيرة اللي موزع دخانه
    ما بين أرضك وسماك

    لغة تالتة بتتقلب بين البير وغطاه
    وتحطك في سباق يحبس كل اختياراتك
    بين أسرارها
    أيوة ماهي بتقبل تتحط مع التحفة المصفوفة
    بكيفها ف قلب مزاد..
    ألا أونا ومين يدفع أكتر؟
    هل تستخسر؟
    ولاّ تحاول تلمح مين وياك بيزايد
    بمشاعره المغزولة ينافسك
    قوم تتعفر!

    لغة رابعة بتتسول بالإحساس بالغربة
    وتسمع كلمة ف غنوة ف قلب رواية فـ فيلم..
    وتصدق تنهيدة بوحها، تلَبّس روحها عباية
    تدَوَّقها من المشهد طعم الظلم
    ومن السهل ساعتها تخوض معركة فردية
    ومع ذلك ملزم بنتيجة وملزم باللعبة
    وأوقاتها اللي بتتوزع بين الحرب وبين السلم

    لغة خامسة بتنقذ لك شيء يمكن إنقاذه
    ويستصعبها الناطق باسم الروح والعشرة
    لو يتفاجئ إن كرامته عشان ما بعتها يومين تتشمس
    أو تتهوا وبعد ايام وشهور نسيان..
    يلاقوها ف مركب غرقان..

    لغة سادسة بتبدأ بلسان الحال وتعَرَّف:
    كنا ف جرة..
    والكلمة المحبوسة ف قلب سلاسل.. هربِت
    صارت حرة..
    تعرف بردو تحل وتشبك
    أو تتلكك!
    ولا عاد ينفع فيها تشد ودان الحرف وتصرخ: "عيب"
    ولا عاد ينفع حتى انك توصفها ف مرة تقول
    "ألاعيب"
    آدي لغات الفل وآدي اللي ما قلتوش
    علشان بدّي لساني أجازته المفتوحة
    وبردو تملي بتيجي ف صالحك..
    مش علشان بحترمك .. افهم
    دا عشان بس الناس لو عرفت
    ان انت اللي أخدت ولو ثانية ف تفكيري
    ساعتها الضحك هيطلع فوق العادة
    وهبقى طلعت لوحدي بطعم خسارتك
    مش كده أسلم؟
    facebook.com/mousapoet

  2. #2
    الصورة الرمزية آمال المصري عضو الإدارة العليا
    أمينة سر الإدارة
    أديبة

    تاريخ التسجيل : Jul 2008
    الدولة : Egypt
    المشاركات : 23,786
    المواضيع : 391
    الردود : 23786
    المعدل اليومي : 4.15

    افتراضي

    بديعة تلك اللغات التي تتغنى فيها الكلمات
    سعيدة بأني أول من اعتنق رائعتك سيدي الفاضل
    دمت بهكذا الإبداع
    ولك الزهور تنحني إجلالاً

    ولروحك جنائن الياسمين
    للتثبيت
    تقديري للإبداع
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  3. #3
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,902
    المواضيع : 538
    الردود : 10902
    المعدل اليومي : 1.77

    افتراضي

    آدي لغات الفل وآدي اللي ما قلتوش
    علشان بدّي لساني أجازته المفتوحة
    وبردو تملي بتيجي ف صالحك..
    مش علشان بحترمك .. افهم
    دا عشان بس الناس لو عرفت
    ان انت اللي أخدت ولو ثانية ف تفكيري
    ساعتها الضحك هيطلع فوق العادة
    وهبقى طلعت لوحدي بطعم خسارتك
    مش كده أسلم؟

    السلام عليكم ورحمة الله وبركاته
    أنا خفت اثبتها يا موسى
    تتطلع فيا
    فابقى الشخشيخة وكل الناس
    تتسلى عليا
    لا لغاتك مفهومة النوبة
    ولا حتى الدنيا مقلوبة
    وضحلي الموضوع بالظبط
    أحسن مهرى ف نكت وخبط
    ورينا الحدوته البيضة
    زي ما كان ف زمانا يا حودة
    فك الرمز وفك الخط

    اخي الحبيب محمود موسى
    تعرف مع وثوقي بجمال روحك وجمال شدوك وروائع فكرك
    إلا إنني على راسي بطحة فحطيت ايدي عليها ولم اثبت ولم اعلق
    تحياتي وتقديري واعذر بطحة اخيك

  4. #4
    الصورة الرمزية محمود موسى شاعر
    تاريخ التسجيل : Jun 2006
    العمر : 39
    المشاركات : 836
    المواضيع : 170
    الردود : 836
    المعدل اليومي : 0.13

    افتراضي

    اقتباس المشاركة الأصلية كتبت بواسطة رنيم مصطفى مشاهدة المشاركة
    بديعة تلك اللغات التي تتغنى فيها الكلمات
    سعيدة بأني أول من اعتنق رائعتك سيدي الفاضل
    دمت بهكذا الإبداع
    ولك الزهور تنحني إجلالاً

    ولروحك جنائن الياسمين
    للتثبيت
    تقديري للإبداع
    شكرا لكِ رنيم

    لك مني فائق التقدير

    وجزيتِ الخير كله :)

  5. #5
    الصورة الرمزية محمود موسى شاعر
    تاريخ التسجيل : Jun 2006
    العمر : 39
    المشاركات : 836
    المواضيع : 170
    الردود : 836
    المعدل اليومي : 0.13

    افتراضي

    اقتباس المشاركة الأصلية كتبت بواسطة الطنطاوي الحسيني مشاهدة المشاركة
    آدي لغات الفل وآدي اللي ما قلتوش
    علشان بدّي لساني أجازته المفتوحة
    وبردو تملي بتيجي ف صالحك..
    مش علشان بحترمك .. افهم
    دا عشان بس الناس لو عرفت
    ان انت اللي أخدت ولو ثانية ف تفكيري
    ساعتها الضحك هيطلع فوق العادة
    وهبقى طلعت لوحدي بطعم خسارتك
    مش كده أسلم؟

    السلام عليكم ورحمة الله وبركاته
    أنا خفت اثبتها يا موسى
    تتطلع فيا
    فابقى الشخشيخة وكل الناس
    تتسلى عليا
    لا لغاتك مفهومة النوبة
    ولا حتى الدنيا مقلوبة
    وضحلي الموضوع بالظبط
    أحسن مهرى ف نكت وخبط
    ورينا الحدوته البيضة
    زي ما كان ف زمانا يا حودة
    فك الرمز وفك الخط

    اخي الحبيب محمود موسى
    تعرف مع وثوقي بجمال روحك وجمال شدوك وروائع فكرك
    إلا إنني على راسي بطحة فحطيت ايدي عليها ولم اثبت ولم اعلق
    تحياتي وتقديري واعذر بطحة اخيك
    ياخبر
    أنا لو أعرف اني كنت مؤذي لهذه الدرجة كنت حطيت النص في الدورج واكتفيت :))

    وعندي ليك نص تاني أتعشم انه يمحو آثار التعتيم اللي في الأولاني :)

    هنا
    https://www.rabitat-alwaha.net/molta...879#post536879

  6. #6
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 6.74

    افتراضي

    اقتباس المشاركة الأصلية كتبت بواسطة محمود موسى مشاهدة المشاركة
    آدي لغات الفل وآدي اللي ما قلتوش
    علشان بدّي لساني أجازته المفتوحة
    وبردو تملي بتيجي ف صالحك..
    مش علشان بحترمك .. افهم
    دا عشان بس الناس لو عرفت
    ان انت اللي أخدت ولو ثانية ف تفكيري
    ساعتها الضحك هيطلع فوق العادة
    وهبقى طلعت لوحدي بطعم خسارتك
    مش كده اسلم؟
    لأ كده أسلم
    علشان ماللي ...
    سمح للناس تنتف في شواربه لازم يتعلم
    واللي ساعاته بقت مضمونةْ
    لحساب غيره
    أكيد لو شاف صورته المقلوبة
    وعرف إنه في لحظة توهانه بقى شيء تافه
    أراجوز يتلعّب بأصابع عنديّةْ وداريةْ ومتداريةْ
    عشان يعمل أدوار ملعوبة
    أكيد هيحرم ..
    وهيتعلم


    نص صارخ
    ولغة شعرية تتدفق بروعة وتهدر صدقا ووضوحا

    أبدعت شاعرنا

    دمت بألق
    تستطيع أن ترى الصورة بحجمها الطبيعي بعد الضغط عليها

  7. #7
    الصورة الرمزية محسن البدراوى شاعر عامية
    تاريخ التسجيل : May 2011
    المشاركات : 960
    المواضيع : 81
    الردود : 960
    المعدل اليومي : 0.20

    افتراضي

    ابدعت اخى الكريم
    اسجل اعجابى الشديد
    دومت بألق
    لك منى اطيب الامنيات
    وبالتوفيق
    حاولت ان اخدع الحياه وأعيش كما تريد نفسى
    لاكن خدعتنى نفسى وعشت كما تريد الحياه

  8. #8
    الصورة الرمزية نداء غريب صبري شاعرة
    تاريخ التسجيل : Jul 2010
    الدولة : الشام
    المشاركات : 19,096
    المواضيع : 123
    الردود : 19096
    المعدل اليومي : 3.82

    افتراضي

    اقتباس المشاركة الأصلية كتبت بواسطة محمود موسى مشاهدة المشاركة
    ماهو ما يصحش أحكي لهم
    عن عود الفُل ف يوم ما اتمسكن
    واتمنَّى على اكتاف النسمة ييجيني ويسكن
    واستصعب يطلبها بنفسه
    فسَلَّط منه روايح تعرف ست لغات..:
    لغة منهم تتمَسَّح في النضارة السودا
    وبتدفن كل السطحية بطولة بالها اما بتدخل
    في حارات مسدودة..
    اقتباس المشاركة الأصلية كتبت بواسطة ربيحة الرفاعي مشاهدة المشاركة
    لأ كده أسلم
    علشان ماللي ...
    سمح للناس تنتف في شواربه لازم يتعلم
    واللي ساعاته بقت مضمونةْ
    لحساب غيره
    أكيد لو شاف صورته المقلوبة
    وعرف إنه في لحظة توهانه بقى شيء تافه
    أراجوز يتلعّب بأصابع عنديّةْ وداريةْ ومتداريةْ
    عشان يعمل أدوار ملعوبة
    أكيد هيحرم ..
    وهيتعلم
    قصيدة جميلة وردود رائعة

    بوركتم جميعا

  9. #9
    الصورة الرمزية نداء غريب صبري شاعرة
    تاريخ التسجيل : Jul 2010
    الدولة : الشام
    المشاركات : 19,096
    المواضيع : 123
    الردود : 19096
    المعدل اليومي : 3.82

    افتراضي

    [QUOTE=محمود موسى;535901]ماهو ما يصحش أحكي لهم
    عن عود الفُل ف يوم ما اتمسكن
    واتمنَّى على اكتاف النسمة ييجيني ويسكن
    واستصعب يطلبها بنفسه
    فسَلَّط منه روايح تعرف ست لغات..:
    لغة منهم تتمَسَّح في النضارة السودا
    وبتدفن كل السطحية بطولة بالها اما بتدخل
    في حارات مسدودة..[\QUOTE]

    اقتباس المشاركة الأصلية كتبت بواسطة ربيحة الرفاعي مشاهدة المشاركة
    لأ كده أسلم
    علشان ماللي ...
    سمح للناس تنتف في شواربه لازم يتعلم
    واللي ساعاته بقت مضمونةْ
    لحساب غيره
    أكيد لو شاف صورته المقلوبة
    وعرف إنه في لحظة توهانه بقى شيء تافه
    أراجوز يتلعّب بأصابع عنديّةْ وداريةْ ومتداريةْ
    عشان يعمل أدوار ملعوبة
    أكيد هيحرم ..
    وهيتعلم
    قصيدة جميلة وردود رائعة

    بوركتم جميعا

المواضيع المتشابهه

  1. أنا .. و ابنتي لما نجحت
    بواسطة د.جمال مرسي في المنتدى فِي مِحْرَابِ الشِّعْرِ
    مشاركات: 16
    آخر مشاركة: 21-08-2005, 01:48 PM
  2. لما ترديني
    بواسطة زيدان في المنتدى النَّثْرُ الأَدَبِيُّ
    مشاركات: 1
    آخر مشاركة: 30-09-2004, 08:31 PM
  3. الأرضية التبريرية لما يسمّى "وثيقة سويسرا"!..
    بواسطة نبيل شبيب في المنتدى الحِوَارُ الإِسْلامِي
    مشاركات: 0
    آخر مشاركة: 20-10-2003, 11:16 PM
  4. الأرضية التبريرية لما يسمّى "وثيقة سويسرا"!..
    بواسطة نبيل شبيب في المنتدى مهْرَجَانُ الوَاحَةِ السَّنَوِي
    مشاركات: 0
    آخر مشاركة: 20-10-2003, 11:16 PM
  5. ملف كامل لما قبل وبعد الولادة
    بواسطة روح في المنتدى النَادِى التَّرْبَوِي الاجْتِمَاعِي
    مشاركات: 18
    آخر مشاركة: 15-05-2003, 01:34 PM