حرقوا الورق ولا اتحرق
باسأل سئوال في المفترق
ممكن يلم اللي اندلق
صعب المنال !
على كل حال
هو السئوال
حرقوا الورق ولا اتحرق؟
الطينه واحده والبشر
هو البشر
والملح دايب في المرق
والفرق شاسع بين عيون تقدر تخون
وبين عيون لسه يا دوب داخله النفق
أنا كل ما رْسم خطوتي
تنجح تماما علـْ ورق
بس المشاكل كلها
وقت العرق
احذر رئيسنا المنتظر
توعد وعود مزيفه
أحسن تكون تحت النظر
بقت الرياسه مقرفه
ايمان وقوه واتزان
وموش عتاهه او سفه
واحذر بلاء الكبرياء
سكن الأزون فوق واتخرق
كانت سفينته محمله
بكل خيرات الوطن
نهبها كامله مكمله
اللي ظهر واللي بطن
كان اولى بيه لو كان فطن
ينقذ سفينته من الغرق
رد مع اقتباس
