أحدث المشاركات
النتائج 1 إلى 10 من 10

الموضوع: قصيدة : مين فينا الغلطان ؟

  1. #1
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.07

    افتراضي قصيدة : مين فينا الغلطان ؟

    مين فينا الغلطان ؟
    انت الغلطان وللا احنا ؟
    إسأل نفسك وقت المحنة
    مين بهدلنا و مين يعايرنا
    و مين جرحنا ؟
    مين خلانا نشحت قوتنا
    ونبيع روحنا ؟
    مين يوعدنا يصلح بكره ؟
    وبكره بييجى وهو دابحنا
    مين خلانا نحلم برغيف
    هربان ولا راضي يصالحنا ؟
    مين عاش يحكم فينا سنين
    هَمُهْ مصالحه , ونسي مصالحنا ؟
    .......................................
    فاكر لما مسكت الحكم
    قلنا نشيلك جوه عنيننا
    كام سنة عدت
    كل الدنيا ما تسمع بيننا ؟
    لا فْيُوم نشكي .. ولا يوم نبكي
    ولا فكرنا نمد ايدينا
    قلنا هنصبر هنا وياك
    والصبر في آخره هيدينا
    نبني بلدنا .. وتِعْلَىَ رايتنا
    والدنيا ساعتها ما تكفينا
    ريسنا بطلنا وبنحبه
    دا كفاية ..
    كان ف اكتوبر وعبر بينا
    ...............................
    عَدِتْ كام سنة متغيرناش
    وانت إللي بديت وبتتغير
    تقول اصبروا.. بكره هتفرحوا
    أحنا بنصبر .. و انت ما تصبر
    كبروا ولادك وبدأنا نشوف
    هَمْنا يكبر
    هما يعبوا و يدوا أصحابهم
    و انت لا تِدِي .. ولا بتقدر
    وتقول دا زيادة سكان
    مكتوب كاتبه الله ومقدر
    طيب القدر كان بس علينا
    وللا انت علينا بتتشطر ؟
    ونْقَلِبْ دفاترنا نلاقي
    كله معاك .. إما حرامي
    أو شيخ منصر
    واللي يعارضك
    يفضل في السجن بكام محضر
    قلنا الله دا مفيش رحمة
    قلبه اِتْحَجر
    هنا قلنا كفاية وبزيادة
    وبدأنا نفكر ونعبر
    و لو قلنا اِرْحَمْ
    بتقول لأ ... بعنيكم
    قاعد علي قلبكوا مِتْمَسْمَر
    ومن بعدي ييجي المحروس
    ابني الشاطر المتشطر
    سنة سودة .. هو انت كمان هتْوَرثنا
    لواد مجنون عفريته جايلي ومِتْحَضر
    صرخنا وقلنا لأ .. دا لا يمكن
    علي جثتنا .. يا إما نموت أو نتطهر
    وترد تقول .. كلمتي تمشي
    أنا بس .. كبير
    و احنا نقولك .. ربنا أكبر
    يا ريتك سبتنا من بدري
    العمر كان لسه صغير
    مش كان بزيادة عليك و علينا
    وألا انت .. فينا ما بتفكر
    .......................................
    مين وصلنا لآخر المشوار
    يا نقول سراق وألا حرامي
    يا نقول قَتَال .. ناخد بالتار ؟
    من عيشنا ف الوهم كتير
    مين صحانا وبقينا أحرار ؟
    مين إتغير فينا وأَسْى قلوبنا
    خلا قلوبنا زي الأحجار ؟
    مين عَلا ما بيننا وبينك
    وبدال ما هنبنيها محبة
    قمنا بنينا بدلها جدار ؟
    أهي مصر في لحظة بقت ولعة
    و انت اللي بتتكوى بالنار
    .............................
    مين خللي الحكم فساد
    مين اتكبر فيها وساد ؟
    مين دايماً ما بيسمعش
    ومَلا الدنيا بحالها عناد ؟
    مين كان بيطنش ويكبر
    ناسي إن لِعُمْرُه ميعاد ؟
    ونسيتني ونسيت أيامي
    لا تقُولِي محبة
    ولا عاد صبر ولا فيها وداد
    ومشيت ع الأرض .. ما همك حد
    والحاشية .. عملوني مزاد
    يا خسارة الأيام الحلوة
    يا خسارة حرب الأمجاد
    وعشان لا أفكر و أتعكر
    ولا حد يقُولِي كلام بطال
    فكرت لقيت العيب كان فيك
    إنت إللي قسيت .. وإنت اللي بديت
    وإنت إللي بقيت للدنيا مثال
    فاكر .. طول عمري أنا طيب وابن حلال
    ولا بيع صاحبي بكنوز الدنيا ولا بالمال
    ولا أحب الغدر .. ولا أحب الهجر
    ولا فيا خيانة .. ولا محتال
    أنا مصري .. أنا مصري أصيل
    أنا حلمي قليل علي أد الحال
    وأحب أبويا وأحب العم وأحب الخال
    وبوقر كل كبير في السن
    وأتمنى أجاوبه في أي سؤال
    إنما وياك .. مش عارف ليه
    قلبي المليان .. اتعبي وشال
    أنا بايعك ... لا تعاتب نفسك ولا أعاتبك
    سايبك ... ربك وحده اللي يحاسبك
    سبحانه الوهاب المتعال
    شعر : د هاني ابوالفتوح
    الكويت – السبت 16 إبريل 2011

  2. #2
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 9.14

    افتراضي

    أنا مصري .. أنا مصري أصيل
    أنا حلمي قليل علي أد الحال
    وأحب أبويا وأحب العم وأحب الخال
    وبوقر كل كبير في السن
    وأتمنى أجاوبه في أي سؤال
    إنما وياك .. مش عارف ليه
    قلبي المليان .. اتعبي وشال

    بديعة شاعرنا الجميل
    حروف تعرف مرادها وتسقط سيفا على عنق البغي فتحزه

    أبدعت وأطربت

    واني لأتوق لرؤية هذا الحرف البهي تعليقا متفاعلا في مواضيع الأحبة خصوصا هنا في القسم العامي

    دمت بألق
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  3. #3
    الصورة الرمزية آمال المصري عضو الإدارة العليا
    أمينة سر الإدارة
    أديبة

    تاريخ التسجيل : Jul 2008
    الدولة : Egypt
    المشاركات : 23,643
    المواضيع : 386
    الردود : 23643
    المعدل اليومي : 5.41

    افتراضي

    سبحان من يغير ولا يتغير
    قصيدة جميلة شاعرنا المبدع
    عزفت فيها لحن المقهورين
    دمت بألق
    وفي انتظار تفاعلك الكريم
    تحيتي والأوركيد
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  4. #4
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.07

    افتراضي

    اقتباس المشاركة الأصلية كتبت بواسطة ربيحة الرفاعي مشاهدة المشاركة

    بديعة شاعرنا الجميل
    حروف تعرف مرادها وتسقط سيفا على عنق البغي فتحزه

    أبدعت وأطربت

    واني لأتوق لرؤية هذا الحرف البهي تعليقا متفاعلا في مواضيع الأحبة خصوصا هنا في القسم العامي

    دمت بألق
    أستاذة الواحة وعزها
    والله لو لم يقرأ حرفي غيرك كأن الدنيا كلها قد مرت بها وماالدنيا بعدل في قامتك , تقبلي خالص تقديري واحترامي

  5. #5
    الصورة الرمزية وليد جوده شاعر عامية
    تاريخ التسجيل : Jan 2011
    الدولة : مصر
    العمر : 32
    المشاركات : 113
    المواضيع : 15
    الردود : 113
    المعدل اليومي : 0.03

    افتراضي

    اقتباس المشاركة الأصلية كتبت بواسطة د هاني ابوالفتوح مشاهدة المشاركة

    اقتباس كامل النص
    رائع ما قرأت لك
    تحياتى لحرفك الرائع
    وليد جودة
    أبو عدنان
    التعديل الأخير تم بواسطة آمال المصري ; 27-04-2011 الساعة 06:20 AM

  6. #6
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,901
    المواضيع : 538
    الردود : 10901
    المعدل اليومي : 2.28

    افتراضي

    وتقول دا زيادة سكان
    مكتوب كاتبه الله ومقدر
    طيب القدر كان بس علينا
    وللا انت علينا بتتشطر ؟


    قصيدة من قلب مصري طيب اصيل
    حتى ميقولوش علينا نكارين الخير والمعروف
    اخي د هاني
    تخرج ما في القلب بروعة ابداعك
    والله يا اخي هو يستاهل المحاكمة في دنياه قبل اخرته ولعلنا سبب لحكم الله فيه في الدنيا
    ويبقى حساب الاخرة
    منايا اشوف من ذل مصر اما بتأبيدة في طره او مشنوق حتى يكون عبرة لمن كان سيفا في يدهم على رقابنا
    واقولك الطيب احسن خليها تأبيدة لحد م ربنا يأتي قضاه له
    تحياتي اخي الكريم لكم الابداع المتألق
    وطبعا هو الغلطان مش احنا

  7. #7
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.07

    افتراضي

    اقتباس المشاركة الأصلية كتبت بواسطة رنيم مصطفى مشاهدة المشاركة
    سبحان من يغير ولا يتغير
    قصيدة جميلة شاعرنا المبدع
    عزفت فيها لحن المقهورين
    دمت بألق
    وفي انتظار تفاعلك الكريم
    تحيتي والأوركيد
    الأستاذة هنا مرور العبير والزهور حقا أيها الرائعة سبحان الذي يغير ولا يتغير وسبحان من له الدوام
    دام عزك وألقك وسعدنا دوما بنور حرفك

  8. #8
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.07

    افتراضي

    اقتباس المشاركة الأصلية كتبت بواسطة الطنطاوي الحسيني مشاهدة المشاركة
    وتقول دا زيادة سكان
    مكتوب كاتبه الله ومقدر
    طيب القدر كان بس علينا
    وللا انت علينا بتتشطر ؟


    قصيدة من قلب مصري طيب اصيل
    حتى ميقولوش علينا نكارين الخير والمعروف
    اخي د هاني
    تخرج ما في القلب بروعة ابداعك
    والله يا اخي هو يستاهل المحاكمة في دنياه قبل اخرته ولعلنا سبب لحكم الله فيه في الدنيا
    ويبقى حساب الاخرة
    منايا اشوف من ذل مصر اما بتأبيدة في طره او مشنوق حتى يكون عبرة لمن كان سيفا في يدهم على رقابنا
    واقولك الطيب احسن خليها تأبيدة لحد م ربنا يأتي قضاه له
    تحياتي اخي الكريم لكم الابداع المتألق
    وطبعا هو الغلطان مش احنا
    المبدع هنا بين الكلمات يداعب برده الكريم حروفي فتتزين وتضيء
    أخي الحبيب الأستاذ الطنطاوي حين لاأجد لك ردا على أحد كتاباتي كما وضعت في النثر ألوم نفسي أن الحرف لم يعجبك فأقول ليتني صححت كذا وكذا فأحيانا تكتب لترى رد من تحب
    ولموضوع القصيدة فبالله كلا والف هو الغلطان وهو من أوصل البسطاء والعامة ليتساءلوا وماذا كان يريد من الدنيا أكثر وترك أمر الرغبة في الإعدام عن جرائم ارتكبت هو طيبة قلب شعب كان يستحق افضل من ذلك كثيرا ولكن قدر الله نافذ , تقبل عاطر ثنائي وعظيم شكري وتقديري

  9. #9

  10. #10
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.07

    افتراضي

    اقتباس المشاركة الأصلية كتبت بواسطة نداء غريب صبري مشاهدة المشاركة
    هو الغلطان
    وهذا الذي يذبح أهلي غلطان

    ولا شيء سيخفف من قهرنا غير أن نرى قهرهم

    بوركت أخي
    أستاذتي الفاضلة لعن الله فتنة الحكم وفتنة العرش والكرسي وهل يعلم من يذبح كيف يكون السؤال عند الحساب وكيف حال القبر , نجا الله أهلنا جميعا بكل قطر عربي شقيق وفظ لنا أرواحهم ودماءهم وتقبل من لقى منهم وجه ربه شهيدا عند ربه ولك مني خالص التحية والتقدير والإحترام

المواضيع المتشابهه

  1. قصيدة : هو مين ؟
    بواسطة د هاني ابوالفتوح في المنتدى أَدَبُ العَامِيَّة العَرَبِيَّةِ
    مشاركات: 4
    آخر مشاركة: 19-08-2012, 11:40 PM
  2. صباح الشعر .. رداًّ على قصيدة "مين قال علينا بشر"
    بواسطة محمد الشحات محمد في المنتدى أَدَبُ العَامِيَّة العَرَبِيَّةِ
    مشاركات: 31
    آخر مشاركة: 10-06-2011, 08:37 PM
  3. قصيدة : العروسة عاوزة مين ؟
    بواسطة د هاني ابوالفتوح في المنتدى أَدَبُ العَامِيَّة العَرَبِيَّةِ
    مشاركات: 12
    آخر مشاركة: 05-04-2011, 03:06 PM
  4. مين فينا شاعر دويتو شعرى (نور الدين مهران +سلسبيل نور)....
    بواسطة سلسبيل نور في المنتدى أَدَبُ العَامِيَّة العَرَبِيَّةِ
    مشاركات: 6
    آخر مشاركة: 13-06-2007, 04:52 AM
  5. مين المربوط ومين السايب؟ - من وحي قصيدة أخي مصطفى الجزار (ضربوا المربوط)
    بواسطة محمد نديم في المنتدى أَدَبُ العَامِيَّة العَرَبِيَّةِ
    مشاركات: 11
    آخر مشاركة: 24-02-2007, 04:24 AM