مربعات
/
/
/
عدّت عليّا اُمّ قلْب اخْضر
منْ طرْف عيْنهَا سَقِتْنيْ
وقلبي من كتر ما اتغير
مشاعري ليها ساقتني
طَرْفتْ عنيَّا بشالها
والقلب صابو المَعاير (المعايره)
لمّا قليبي مشى لها
قعدْت اقلْب واعاير
أصل الهوى طبعه غدار
جرَّح قليبي بسهمه
وعنيها اللي ماليها أستار
في جرحي ف القلب ساهمو
وانا اللي دبت من نظرة
قلبت عاليني واطيني
وانا اللي قلبي ليه عُذره
سابح في بحري وطِيني
بالله قوليلي قوْل الحقّ
منين اجيبلك مشاعر
لو قولتي قوليلي إلحقْ
والقول قولك يا شاعر
تلاقيني جايلك ع راسي (على راسي)
والقلب فيكي معاتبني
جايلك لنبقى عراسي ( عرسان)
والهوى فيكي يكاتبني
قوليلي بس الطريق كَيْف (ازاي)
وانا قلبي ييجي لابوكي
ما هو حبّك فيا صبح كَيْف (مزاج)
يسلم قليب من جابوكي