أحدث المشاركات
النتائج 1 إلى 8 من 8

الموضوع: قصيدة : اعتراف

  1. #1
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.07

    افتراضي قصيدة : اعتراف

    اِعْتِرافْ
    آن الأوان إني اعترف
    آن الأوان أصرخ وأقول
    زمان كتير كنت ب أخاف
    أكتب قصايدي بحبر سري
    و ابعت جواب من غير رسول
    علشان كده عمر حروفي ما وصلتك
    و للا الرسالة بَعَتِها بعلم الوصول
    بس إللي جوايا اختلف
    فات الزمان إللي كنت أخاف أقول
    في حاجات كتير كنت شايلها
    هَشرح يا بلدي , وشرحها جايز يطول
    .............................................
    آن الآوان إني اعترف لك
    أولاً ... حقك علينا يا بلد
    إزاي سكتنا كل ده
    لحد ما يجي إللي إتولد
    بعدنا بعشرين سنة .....
    تلاتين سنة .....
    و يصحي ناس ... قالوا دا ماتت للأبد
    ............................................
    كان همنا بس في حياتنا ونفسنا
    ونربي كام بنت و ولد
    كنا فاكرين إن إحنا ناس
    بس الحقيقة
    يا دوب كده .... كِمالة عدد
    علشان كده . كانوا يشوفونا صغيرين
    كَنْسِة زبالة في الشوارع
    أو بالكتير .... فار ينسلخ أو ينجلد
    .................................................. ......
    كان هَمُهُمْ يغَيبونا بماتش كورة
    وفيلم ومسلسل . و هُسْ هُسْ . تعيش و تاكل
    والفكر مش مسموح لنا ... الفكر دا بداية المشاكل
    إللي هيفكر يا ويله يتسجن . بالأمر يلعب عالشناكل
    ورضينا وسكتنا ونمنا .. و بَلعنا لسانا .. و قلنا
    هُسْ هُسْ .... اسكت أحسن .... أبقي عاقل
    .................................................. ......
    معرفش كان العيب في مين
    فيكى إنتى ؟ . فينا إحنا ؟
    في إللي كانوا بيحكمونا ؟
    وللا في ظلم السنين ؟
    فِضِلنا ناخد فوق قفانا بالقلم
    لحد ما انكسر القلم وبات حزين
    زعلان عشان صوتنا إللي عمره ما يوم طلع
    رغم الوجَعْ
    أي كلمة بيقولوها .... نقول آمين
    يا بلد ..... سجلي عني اعترافي
    إني كنت أجبن من الجبن
    كنت أخاف .. أمشي جنب الحيط
    ضل حيطه مُستكين
    ...........................................
    سجلي عنى كمان ...
    تلاتين سنة عدوا من عمري الجبان
    معرفش غير كلمة
    حاضر ... نعم .... تعظيم سلام !!!
    حتى صوتي يتخرس لو قلت لأ !!!
    كأني بالع مِيتْ لسان
    كنت أسَقَف و أعمل غَزِيَه في أي حفلة عندهم
    و أتبرا من كلمة إيمان
    وكنت أشوف الظلم بِعْنَيه أسكت
    ولما أشوف واحد جريء و بيجلدوه
    أقول .. يستاهل .. أدبوه .. إدوه كمان
    ولما أشوف واحد بيسرق منهم
    أقول عليه أشرف شريف ... مَليان حنان
    بيحب بلده .. عشان كده ما شبعش منها
    بيقول لها ... عاوز كمان
    .................................................. ............
    بس الحقيقة شفت نفسي عالحقيقة عارفة إمتى ؟
    أما بصيت في المرايا يوم 25 يناير . وقت الأدان
    و أنا قاعد وسط بيتي الخوف قاتلني
    والشباب الحر واقف في الميدان
    لما شفت بِعْنَية العساكر ... تِرُشْ بالمية ولادنا
    والقنابل المسيلة للدموع نازله تِرُخْ ...
    تقول مطر ... تقول طوفان
    والولاد من غير سلاح فاتحة الصدور
    بتقول يا بلدي .... إحنا فداك
    وكلاب حبيب حالفه تاخُدْهُم ع الليمان
    وف لحظة سودة شُفت بعنية إللي ما تمنيت أشوفُه
    وأتمنى لو كنت إتعميت وقتها وسط الدخان
    من فوق سطوح واقفه كتيبة ينشنوا بالرصاص
    في صِدْر الشباب ... كل إللي في إيديهم عَلَمْ
    حاسين معاه بالدفا وبالأمان
    ركزت في الصورة
    لقيت إللي ماتوا وملفوفين بالعَلَم ... عِرفتهم
    في اللحظة دي ... صرخت من جوايا
    قلت كفاية .... لأ .... لأ ..... الحزن بان
    دا ابن جاري أعرفه . ودا ابن صاحبي الوحيد
    والبنت دى عرفتها . عايشه يتيمة من زمان
    إيه ذنبهم ؟ .. كان حلمهم .. يحسوا بالحرية
    ويرحموكي م إللي باعك ... وإللي فاسد وإللي خان
    ولقيت عنية من الدموع .. بحر دم انفجر ذل وهوان
    ولقيت لساني نَطَقْ وقال ... حرام .. حرام !!!
    ارحموهم .... لو ولادكم تِقتلوهم !!!!
    وللا الجثث تِمْلا المكان ؟؟؟؟!!!!
    .................................................. .............
    ساعتها حسيت إني صُغَير أوي !!!!
    وأصغر كتير من كل شاب . شال حياته فوق كَتافه
    كل هَمْه كان بلاده .. لا هَمْهُ . مُوتُه .. وللا خُوفُه
    ولا هَمُه عمره يتقصف في زهرة شبابه
    ويتقلع من جدوره ومن حروفه
    واسمه جايز يتنسي بعد السنين
    ننسى شكله ... و ننسى طيفه
    .................................................. ........
    بس أما فكرت وسألت نفسي
    مين إللي عايش بعد موته يتحكي و يتكتب ؟
    مين إللي عند الله ميزانه من دهب ؟
    مين إللي ضحى بحياته
    و إدا عُمْرُه هدية لبلده تتوهب ؟
    ساعتها بس عِرفت وقلت
    ... أكيد من غير كلام
    دم الشهيد إللي كَسب
    علشان كده دلوقتي جايلك
    نفسي تخديني في حضنك
    من غير زعل ... من غير غضب
    باعترف لك .. جاي أقول العيب في مين ؟
    جاي أقول مين السبب !!!
    سامحيني أرجوكي يا أمي
    العيب كان فيا أنا .....
    أكيد أنا.. أيوه أنا كنت السببْ
    .......... أيوه أنا كنت السببْ

    شعر د : هاني ابوالفتوح
    الكويت السبت 19 مارس 2011

  2. #2
    الصورة الرمزية آمال المصري عضو الإدارة العليا
    أمينة سر الإدارة
    أديبة

    تاريخ التسجيل : Jul 2008
    الدولة : Egypt
    المشاركات : 23,643
    المواضيع : 386
    الردود : 23643
    المعدل اليومي : 5.40

    افتراضي

    جميل متابعتك ومسايرتك لما يحدث
    وترجمته بحروف طروب ثائرة
    حبذا لو غيرت اسم النص حيث قرأت لك قصيدة أخرى تحمل نفس العنوان
    تقديري لحرفك الألق
    ولك تحيتي والأوركيد
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  3. #3
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.07

    افتراضي

    اقتباس المشاركة الأصلية كتبت بواسطة رنيم مصطفى مشاهدة المشاركة
    جميل متابعتك ومسايرتك لما يحدث
    وترجمته بحروف طروب ثائرة
    حبذا لو غيرت اسم النص حيث قرأت لك قصيدة أخرى تحمل نفس العنوان
    تقديري لحرفك الألق
    ولك تحيتي والأوركيد
    الرائعة الأديبة القديرة الأستاذة رنيم
    كل الشكر والتقدير علي مرورك الكريم والقصيدة اسمها اعتراف ولا أدري كيف فاتني ذلك فوضعت اسما بالخطأ , أشكر لك تنبيهك لي ولكن للأسف انتهى وقت التعديل فهل لي من طلب المساعدة فنيا في تعديل الإسم وجزاك الله خيرا
    لكم فائق مودتي واحترامي

  4. #4
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 9.13

    افتراضي

    تحاكي حروفك الواقع وتتغنى بفرحة بانتصارات الشباب في ثورتهم
    وبمحكية بهية تهمي السطور معلنة الفرحة

    أحسنت شاعرنا

    دمت بألق
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  5. #5

  6. #6
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.07

    افتراضي

    اقتباس المشاركة الأصلية كتبت بواسطة ربيحة الرفاعي مشاهدة المشاركة
    تحاكي حروفك الواقع وتتغنى بفرحة بانتصارات الشباب في ثورتهم
    وبمحكية بهية تهمي السطور معلنة الفرحة

    أحسنت شاعرنا

    دمت بألق
    كما تحاكى ردودك السحاب وتضيء المكان هكذا أنت دائما أستاذتنا القديرة دمت بكل خير وود وجمعة مباركة

  7. #7
    الصورة الرمزية مصطفى السنجاري شاعر
    تاريخ التسجيل : Oct 2008
    الدولة : العراق/ نينوى/ سنجار
    المشاركات : 4,417
    المواضيع : 153
    الردود : 4417
    المعدل اليومي : 1.03

    افتراضي


    حس وطني نبيل

    وانبل الحب ما لم نستطع إعلانه

    يكون خاليا من الزيف والخداع

    نفس شعري جميل

    دمت ايها الكريم

    شاعرية متميزة

    لك الود والتقدير ايها الكبير
    أُحِبُّكّـ فَوقَ حُـبِّ الذّاتِ حَتّـــــى
    كأنّ اللهَ لَمْ يَخلقْ ســـــواكـ

    مصطفى السنجاري

  8. #8
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.07

    افتراضي

    اقتباس المشاركة الأصلية كتبت بواسطة نداء غريب صبري مشاهدة المشاركة
    مبارك ما تعيشون من فرح
    ومبارك انه آن أوان قول الحق
    بعد أن سقط الخوف

    والعقبى لنا

    بوركت اخي
    الشاعرة القديرة نداء غريب صبري
    العقبي لكل عربي حر أبي أن يتخلص من كل خوف وقهر وظلم مرورك أضاء الصفحة نورا بكلمات فيها من الحكمة والبيان , تقبلي خالص تحياتي وتقديري

المواضيع المتشابهه

  1. اعتراف
    بواسطة حسن القماطى في المنتدى الشِّعْرُ الفَصِيحُ
    مشاركات: 8
    آخر مشاركة: 22-05-2006, 12:36 PM
  2. اعتراف
    بواسطة محمد الحسين الزمزمي في المنتدى الشِّعْرُ الفَصِيحُ
    مشاركات: 6
    آخر مشاركة: 08-02-2004, 06:04 PM
  3. اعتراف
    بواسطة محمد الحسين الزمزمي في المنتدى الشِّعْرُ الفَصِيحُ
    مشاركات: 6
    آخر مشاركة: 04-12-2003, 07:53 AM
  4. اعتراف بسيط
    بواسطة معاذ الديري في المنتدى النَّثْرُ الأَدَبِيُّ
    مشاركات: 19
    آخر مشاركة: 04-09-2003, 04:14 PM