أحدث المشاركات
النتائج 1 إلى 3 من 3

الموضوع: المنحة يا ريس ... المحنة يا ناس

  1. #1
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.07

    افتراضي المنحة يا ريس ... المحنة يا ناس

    المِنْحَة يَا رَيْسْ اِلمحْنة يَا نَاسْ
    مابين المنحة والمحنة
    سبحان الله
    مابين المحنة والمنحة
    آيات لله
    اليوم المنحة لو فاكرين
    واليوم في المحنة ناس تانيين
    المنحة يا ريس
    كانت طلب ملايين
    اليوم عايش في وسط المحنة
    بيدور مين ينقذه .. مين ؟
    كتير عمال
    في عيد عمال قالوها سنين
    وكان يتقال
    لكل الناس .. المنحة يا ريس فين ؟
    كلامه وقتها يمشي
    نقول .. آمين
    ونسأل نفسنا ونقول
    هيدي كام من الملايين ؟
    نقول عشرة .. ياريت عشرة
    نقول خمسة
    مفيش مانع ... أَهُمْ حلوين
    كان يفضل يحاورنا
    يغازلنا ... يراوغنا
    كأن العشرة دول فدادين
    وهو كان يحسبهم زيادة علينا
    يقول منحة ... بلاش منحة
    تكلف خزنة الدولة أكيد ملايين
    نفضل نسمع الخطبة ونستنى
    يحن علينا
    بكام ملطوش مع القرشين
    نجيب بيهم دوا لِعَيل
    وللا بالكتير هِدْمَه
    نلبسها في السنين الطين
    اليوم صوته ينادينى بصوت مخنوق
    الريس غاب .. مفيش ريس
    بايت محبوس .. مابين جدران
    في مستشفي كئيب وحزين
    كإني اليوم أسمعه بيقول
    جه آوانكوا تردوا الدين
    أنا الليلة اللي طالبكم بكام منحة
    أخدتوها بدال السنة .. تلاتين
    أنا في محنة ... طالب منحة
    تِعَدوها ...
    تسامحونى ... تسيبونى
    أروح بيتى مع عيالي
    أعيش عمري اللي باقي لي
    هناك عالبحر والشطين
    وحق العيش تسامحونى
    عَدُوهَا .. بلاش الحبس
    بلاش أسمع كلام قاسي
    كلام شياطين
    تقول إنى أروح محبوس
    في زنزانة مع المساجين
    كمان مرة بأعيدها لكم
    خدوا فلوسي .. و راس مالي
    سيبونى أعيش مع عيالي
    بقيت العمر
    أفكر في اللي يجرا لي
    آيات لله
    ونازلة سيول علي راسي
    أنا محسود
    أكيد محسود وواخد عين
    أنا سلطان علي دا الكون
    ولكن كون
    مابيعيشلوش هنا سلاطين
    ومين يوعظ .. ومين يرشد
    ومين صادق من الواعظين
    مفيش واحد يقولي لأ ؟؟
    مفيش واحد كان بينطق حق
    ولو ينطق ... بيدخل شق
    دلوقتى ... أنا في محنة
    مفيش ريس .. مفيش منحة
    بقيت ذكرى .. بقيت سابق
    بقيت قصة .. بتحكوها
    مفيش آسف .. مفيش آسفين
    أول مايو عيد العمال
    أفكركوا
    ياشعب النيل
    يا شعب أصيل
    أذكركوا
    مابين المنحة والمحنة
    أنا عايش علي الذكرى
    علي حالي .. على نفسي
    و نفسي متقطعة سكاكين
    بحق الله ... أنا الغلطان
    بدال الخير .. زرعت فساد
    ياريتنى عطيت
    بدال المنحة .. ميت منحة
    بدال الشقة .. كان بيت
    كنت لقيت
    لزرعي حصاد
    لقيت منحة .. قبال منحة
    لقيت شكرا .. بدال إرحل
    لقيت بدال الشوك ... بساتين
    لقيت بدال الشوك ... بساتين
    شعر : د هاني أبوالفتوح
    الكويت - 30 إبريل 2011
    في ذكرى منحة عيد العمال كل أول مايو وانتوا طيبين

  2. #2
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 9.15

    افتراضي

    لست أخفيك أني أعود إليها منذ حين لعجزي عن استشعار جرسها
    وليقيني من جمال أدائك الشعري بالعامية، فقد تاكدت ان ثمة خلل في قراءتي

    ليتك تتفضل بتشكيلها لتسهيل القراءة

    دمت بألق
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  3. #3
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.07

    افتراضي

    اقتباس المشاركة الأصلية كتبت بواسطة ربيحة الرفاعي مشاهدة المشاركة
    لست أخفيك أني أعود إليها منذ حين لعجزي عن استشعار جرسها
    وليقيني من جمال أدائك الشعري بالعامية، فقد تاكدت ان ثمة خلل في قراءتي

    ليتك تتفضل بتشكيلها لتسهيل القراءة

    دمت بألق
    أعتذر كل الإعتذار عن اي خلل وسأشكلها لك كاملة بالأمر فمطالب استاذتنا أوامر ولكن قبلها أدعوك وأتمنى عليك قراءة قصيدتين أتعبا قلبي في كتابتهما أحدهما هي عاشق وطن منشورة بالعمي والأخري انا النسر أنا مصر منشورة بالنثر فلا ترق لي قصيدة إلا بقراءة ردكم الكريم وسأعود فورا لتلك مرة اخري ولكم مني خالص تحياتي ودعائي الصادق بالصحة والعافية وطول العمر

المواضيع المتشابهه

  1. دستور يا ناس
    بواسطة راضي الضميري في المنتدى الاسْترَاحَةُ
    مشاركات: 11
    آخر مشاركة: 28-06-2008, 06:03 PM
  2. ناس و ناس
    بواسطة محمود النجار في المنتدى أَدَبُ العَامِيَّة العَرَبِيَّةِ
    مشاركات: 5
    آخر مشاركة: 11-06-2007, 02:49 PM
  3. مظلوم يا ناس مظلوم
    بواسطة محمد أبو الفتوح في المنتدى أَدَبُ العَامِيَّة العَرَبِيَّةِ
    مشاركات: 7
    آخر مشاركة: 28-02-2007, 01:22 AM
  4. هل فى الأرض ناس كالعرب؟
    بواسطة منى محمود حسان في المنتدى الاسْترَاحَةُ
    مشاركات: 4
    آخر مشاركة: 23-12-2006, 04:25 PM
  5. أخذوا الحمار فقلت يا ناس الحمار
    بواسطة هيثم العمري في المنتدى الشِّعْرُ الفَصِيحُ
    مشاركات: 13
    آخر مشاركة: 21-12-2006, 11:37 PM