أحدث المشاركات
النتائج 1 إلى 7 من 7

الموضوع: قصيدة : جايز و جايز

  1. #1
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.07

    افتراضي قصيدة : جايز و جايز

    جَايزْ .. وِ .. جَايزْ

    كل يوم .. فيه .. جايز .. يجوز
    وزمان .. جاز كتير
    جايز بحبك ..
    و جايز إني .. يادوبك باغير
    و جايز مِتنبِل .. و للا مِبرشم
    و جايز أركب جناحات و أطير
    و أقول عبقرية .. و أقول واد مِفَنجل
    وأخطر خطير !!
    و جايز حرامي ..
    يقولوا صوابعه تتلف ف حرير
    وبَمْشِي في شوارعك ..
    أنام ع الرصيف .. وكاره السرير
    وبَعْمِل مِدقدق ..
    وأقول واد علامة وقمة وهامة
    وبَعْمِل شاويش .. وبَعْمِل غفير
    و بَسْرَق ساعات ..
    لكن لحكمة .. ولْعُوزَة وضرورة
    وأكل الملبس وشرب السجاير وأكل الفطير
    و إِوعَاكْ تِقُولِي .. دا نصاب وعِيرة
    لأني أما بَسْرق .. سرقت بضمير !!
    ولأني ساعات بَدِي الغلابة ياكلوا معايا
    ونقعد نفرفش و جايز نحشش
    وأعمل معاهم دماغ م الكبير
    ..................................
    أنا ابنك يا مصر !!!
    يا لَمة الديابة .. ولَمة التعابة
    ولَمة الحرامي .. ولَمة النضيف .. ولَمة الشريف
    وعالم وعالمة .. و دكتور له كلمه .. وأجدع سفير
    وعايشة بجيشك .. دايماً .. نافشه ريشك
    تقولي .. يارب .. خلي اللي باقي .. و يفضل بخير
    ........................................
    جه دلوقتي دوري ..
    أفكر شوية أتقدم لحكمك
    وساعتها هَفْرِش شوارعك محبة ..
    و جايز حصير
    وعشان شعب مصر .. يستاهل يا مصر
    جايز كمان .. أفرش لك حرير
    ...........................................
    جايز .. و جايز .. وأقول ألف جايز
    أتاريني نايم .. بشخر شخير
    و أصحى ألاقي الحلم اللي باقي
    في راسي بيجري ..
    ومش باقي منه غير خيبة و ويبة
    لا كرسي رئاسة .. ولا كرسي وزارة ..
    ولا كرسي مدير
    .........................................
    وخيرها في غيرها ..
    نشوف ثورة تانية وأروح دولة تانية
    ألاقيني برضو في نفس المصير
    يبقي العيب في جايز .. وشبعان وعاوز
    ومش راضي يشبع ..
    و هو اللي يفهم و الباقي .. حمير
    ............................................
    وكفاية ... إني جايز ...
    وعايش في ضلك ..عاشق سماكي ..
    وأرضك ونخلك .. و بايس ترابك
    ونفسي أشوفك يا غالية يا مصر
    دايماً بخير .. دايماً بخير .. دايماً بخير

    كلمات د : هاني ابوالفتوح
    الكويت – الأحد 10 إبريل 2011

  2. #2
    الصورة الرمزية آمال المصري عضو الإدارة العليا
    أمينة سر الإدارة
    أديبة

    تاريخ التسجيل : Jul 2008
    الدولة : Egypt
    المشاركات : 23,643
    المواضيع : 386
    الردود : 23643
    المعدل اليومي : 5.41

    افتراضي

    وكفاية ... إني جايز ...
    وعايش في ضلك ..عاشق سماكي ..
    وأرضك ونخلك .. و بايس ترابك
    ونفسي أشوفك يا غالية يا مصر
    دايماً بخير .. دايماً بخير .. دايماً بخير

    رائعة شاعرنا المكرم
    ودايما بخير يامصر
    دمت بهذا الألق الساخر الساحر والحرف المتمرد
    تحيتي واللافندر
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  3. #3
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,901
    المواضيع : 538
    الردود : 10901
    المعدل اليومي : 2.28

    افتراضي

    أنا ابنك يا مصر !!!
    يا لَمة الديابة .. ولَمة التعابة
    ولَمة الحرامي .. ولَمة النضيف .. ولَمة الشريف
    وعالم وعالمة .. و دكتور له كلمه .. وأجدع سفير
    وعايشة بجيشك .. دايماً .. نافشه ريشك
    تقولي .. يارب .. خلي اللي باقي .. و يفضل بخير


    إن شاء الله بعد ذلك اخي د هاني ابو الفتوح
    لن تلم مصر الا الطيبيين المخلصين ان شاء الله
    و لابد مع الطيبة بعد كده من مراقبة ومحاسبة لنا جميعا حتى نمضي على النهج القويم
    تحياتي ايها المبدع قصيدة كلها رائعة
    بيد ان الموسيقى تراوحت بين بين في بعض المقاطع
    تحياتي وتقديري و اعتذر ان كنت اثقلت عليكم
    دمت مبدعا رائعا

  4. #4
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.07

    افتراضي

    اقتباس المشاركة الأصلية كتبت بواسطة رنيم مصطفى مشاهدة المشاركة
    وكفاية ... إني جايز ...
    وعايش في ضلك ..عاشق سماكي ..
    وأرضك ونخلك .. و بايس ترابك
    ونفسي أشوفك يا غالية يا مصر
    دايماً بخير .. دايماً بخير .. دايماً بخير

    رائعة شاعرنا المكرم
    ودايما بخير يامصر
    دمت بهذا الألق الساخر الساحر والحرف المتمرد
    تحيتي واللافندر
    استاذتنا الفاضلة كل باقات الزهور والورود لاتكفي للتعبير عن مدى تقديري وامتناني لمروك الدائم بكلماتي فلكم كل الشكر والتقدير دمتم بكل خير وود وخالص التحايا العطرة

  5. #5
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.07

    افتراضي

    اقتباس المشاركة الأصلية كتبت بواسطة الطنطاوي الحسيني مشاهدة المشاركة
    أنا ابنك يا مصر !!!
    يا لَمة الديابة .. ولَمة التعابة
    ولَمة الحرامي .. ولَمة النضيف .. ولَمة الشريف
    وعالم وعالمة .. و دكتور له كلمه .. وأجدع سفير
    وعايشة بجيشك .. دايماً .. نافشه ريشك
    تقولي .. يارب .. خلي اللي باقي .. و يفضل بخير


    إن شاء الله بعد ذلك اخي د هاني ابو الفتوح
    لن تلم مصر الا الطيبيين المخلصين ان شاء الله
    و لابد مع الطيبة بعد كده من مراقبة ومحاسبة لنا جميعا حتى نمضي على النهج القويم
    تحياتي ايها المبدع قصيدة كلها رائعة
    بيد ان الموسيقى تراوحت بين بين في بعض المقاطع
    تحياتي وتقديري و اعتذر ان كنت اثقلت عليكم
    دمت مبدعا رائعا
    أخي الحبيب وأستاذنا الرائع الأستاذ الطنطاوي بداية كل الود والمحبة والتقدير الكبير وأنتم من يعرف جيدا قدركم الكبير عندي فغنصح أخاك دائما فإنه يتوق لرأيك المخلص والتراوح ربما أتي لعلة الجائز فلا أخفي عليكم أني كمصري ربما صدمت بعض الشيء وأنا أعلم جيد أن الدنيا بها كثير من المتناقضات والطباع المختلفة ولكن لم أتوقع أن تكون بهذه النسبة ومانراه الآن من أحداث يثبت للأسف الشديد أن بعض الناس لاتعي معنى الحرية جيدا وإلتزاماتها تجاه وطن غالي أما الجايز الأكبر فكانت حول هذا الكم والسيل من الراغبين في حكم مصر وهي من هي وتحتاج إلي صلاح الدين في قوته وعنفوانه وصدحه بالحق وثقته بالله تعالى فيحسن التنظيم والإعداد والتخطيط فمن ياتري من كل الجايز الآن فيه بعض من كل مرجو لكم خالص تحياتي واحترامي وتقديري

  6. #6

  7. #7
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.07

    افتراضي

    اقتباس المشاركة الأصلية كتبت بواسطة نداء غريب صبري مشاهدة المشاركة
    قصيدة جميلة وحرف ساخر
    ومعانٍ أعجبتني

    بوركت
    الأستاذة نداء غريب صبري
    الأجمل من القصيدة ردك الكريم الذي أعجبني فيه مرورك البهي بورك يومك وغدك ودمت بكل خير وود

المواضيع المتشابهه

  1. جايز ...!!!
    بواسطة أحمد فؤاد في المنتدى أَدَبُ العَامِيَّة العَرَبِيَّةِ
    مشاركات: 9
    آخر مشاركة: 28-09-2012, 10:09 PM
  2. يهددني الحديد وقد تلظى (( قصيدة للأخ الدليمي )) قصيدة آثارت شجني!
    بواسطة سمو الكعبي في المنتدى مُخْتَارَاتٌ شِعْرِيَّةٌ مُمَيَّزَةٌ
    مشاركات: 18
    آخر مشاركة: 30-05-2011, 12:59 AM
  3. أفضل قصيدة عمودية /قصيدة عامية /نثرية /قصة ...لعام 2010
    بواسطة نادية بوغرارة في المنتدى الاسْترَاحَةُ
    مشاركات: 101
    آخر مشاركة: 04-02-2011, 02:50 PM
  4. مليون قصيدة يا عرب.... قصيدة (مسموعة) باللهجة الصعيدية المصرية
    بواسطة مصطفى الجزار في المنتدى أَدَبُ العَامِيَّة العَرَبِيَّةِ
    مشاركات: 18
    آخر مشاركة: 16-11-2009, 11:49 PM
  5. بنتُ جبيلَ ... ردٌّ على قصيدة الشاعر سلطان السبهان " آخر قصيدة غزل "
    بواسطة عادل العاني في المنتدى الشِّعْرُ الفَصِيحُ
    مشاركات: 30
    آخر مشاركة: 23-08-2006, 10:45 AM