مستنى

مستنى


نهار أتيت للدنيا
رأيت حبل اعدامى
ولم أرى باب محكمتى
ولم أرى وجه حكامى
وحتى عنيكى صابونى
وبسهم الهوى شلونى
ولفونى بحبل اعدام
ولأنا قادر أتألم
ولا قادر على الايام
أسيب هواكى مش قادر
أقوم امشى اشوف خدك
تلاقينى هوا بيدك
أقوم سرحان
دا فى هزالك وفى جدى
انا سكران
ونظره حلوه وخدانى
ورا رمشك
هموم الدنيا كسرانى
واقول رمشك
عنيكى ماليا احلامى
وايامى
وحبك سارى بكيانى
وقلبى ضعيف
وسط الريح
وبسمه منك حملانى
على التجديف
بموج عالى
يا قلبك الاخضر
ياملكه من بنات الحور
يا ورده شارده وحديها
فى نهر بحور
يا نسمه طايره بتعدى
على خدى
بتشجينى وتروينى
هيامك يأم ضحكايه
كما راجل بهوايه
وبيقيد على قلبى
ويحفر غنوه جوايا
وانا عايش
على كلمه على نظره
تقولى حبى وحدانى
تلاقى الدنيا سمعانى
وتتعجب
بصبر وخوف مليانى
وبتعلم
غرامك يأم رمش كحيل
كما الجنه
زرعت فيها ورد جميل
وبستنى
تقولى كلمه جوايا
لجل الورد يفتحلى
وجنه جميله ملكانى وضمانى
زرعهالك خضار وعمار
بنيتلك قصرك الفضى
ولا بيدى تقوليها
ومستنى
وعينى فعينك سميها
واسريها صبحت اسير
اسير الكلمه جواكى
وفرحت عيدى وهناكى
لاجواكى وجوايا
كلام الحب ده معايا
وسنين هنا تنادينا
وترمينا فى بحر الشوق
تغرقنا فى حلم وليد
ولا بنفوق
ملكتى قلبى جواكى
وعايش لحظه بسماكى
وسماكى أله الكون
يا بنيه جميله فى الطلعه
ودى طالعه
بألف ولون
دأنا حبى ملا دا الكون
وقلبى هام وطار فى هيام
الى حد الهزال وجنون
ومشتاقلك
ومحتاجلك
يوماتى بقول محتاجلك
وكلمه منك انتى وبس
تلاقى الدنيا تضحكلك
وتضحكلى
فقوليا
متتكسفيش
حياء الدنيا ماليها
وبتخبى
دمار الكون بيملانى
ومستنى
تلاقى الفرحه مليانى
وبتألم
بعاند نفسى واحلامى
ومستنى
قوامك يام عود رياحين
بيجمعنى من شتات لسنين
ويحضنى
ومستنى
اهيم تانى
اهيم فى براح
بلاد الدنيا عارفانى
عايش سواح
شطوط البحر شيفانى
مسا وصباح
عايش ولهان
شريد العقل والمرسى
لأنا ماشى ولا برسى
لأنا عاقل ولا مجنون
ويحكو الناس عن حبى
لكل الكون
يقولو قصه مرويه
سطور وشجون
يادوب فى كل امسيه
بيحكو عن حكايتنا
بدايه حلوه مسليه
وعصريه
قصه جميله ورديه
وخياليه
وبتجدد امل ليا
ونهايه لسه مطفيه
مروتهاش
بايدك انتى تحكيها
ومستناش
نهاية قصتى نهايه
بضحكايه
ولا دمعه بكايه
نهاية اى شىء هيكون
دى يعلم بيها رب الكون
ومستنى


مع تحياتى
محسن البدراوى
اسيوط البدارى

أشعر بالحرج حين يستعصي عليّ استشعار اللحن في قصيدة باللهجة المحكية
ولكني أبرر ذلك لنفسي دائما بغياب التشكيل

نص جميل طيب المعنى
وليتك شكلت الكلمات لتسهيل القراءة

دمت بألق

مشكوره على المرور الطيب العطر
لكى منى كل تقدير واحترام
سيدتى الفاضله والاخت الكريمه
وبأذن الله سأحاول ما أستطعت
الكتابه بالتشكيل
مع خوفى فى أن اسقط فى
اخطاء نحويه
لكى منى اطيب الامنيات
وبالتوفيق