حتى الكلام سرقوه

احساس جميل انك تقول

كل اللي جواك عالورق

وتشد بيه كل العقول

وتخرج الناس م القلق
،
شعور جميل لما القلم

يرسم ملامحك

ويحس فرحك يبتسم

ويداوي جرحك

واما يلاقيك راح تنقسم

يلحق ويمسك

والحبر ينزل منه سيل

مدفوع بنبضك

مانت اللى ماسك باللجام

وحروفه منك

ازاي يسيبك تنهزم

من يأس نفسك
،
قلمك ده رمح وسيف

حصان جامح طليق

انصربه كل ضعيف

واظهربه كل برئ

واياك تضلل بيه

مخلوق في أي طريق

أو حتى تنسب ليه

كلام ل خط جرئ
،
حتى الكلام سرقوه

أقلام مشاهير من ورق

وبعلو صوت يقولوه

ولافيش حياء عالملئ

.
رضا عثمان

المبدع رضا عثمان
وبعيدا عن من عنيت بحروفك فقد ابدعت قصدا وقصيدا
فأطرب جرسها واشجى نبضها

ولافيش حياء عالملئ .....
قرأتها
ولا فيش حياء ... كده عالملىء

دمت بألق

الاخت الشاعره ربيحه الرفاعي
والله أسعدني مرورك وشرفني رأيك
دمتى بكل خير اختاه

هنا كان شهد الإبداع شاعرنا الرائع
بذائقة استفزت فينا شهية ملاحقة حرفك
دمت بألق
تحيتي والجوري

قصيدة جميل و شاعر أجمل
سلاسة في المعالجة
و موسيقى جميلة إلآ بعض اللحن
تحياتي أيها المبدع