كاس العداله فضي وحرفه كان مشطوف
لما الغلابه بقو جوا الوطن ده ضيوف
ساعيتها طل القمر طلة أسى واتنكس
وقال منين الظلمه بيعملوا المعروف
الفقرا لما انظلمو اتغربو ف دارهم
صغروا في عين العدا واتقل مقدارهم
منين اجيب شُعرا يرثولي حال البلد
واتشل فينا الأمل م الصبر على نارهم
راحت السما مغيمة واسودت الدنيا
هز الشباب الحمى وشوفنا ناس تانيه
فيها انقلب ظلمهم شوفنا الفقير معزوز
أما اللي ظلم انسجن دي الدنيا مش دايمه