أحدث المشاركات
النتائج 1 إلى 5 من 5

الموضوع: انا بكتب عن الثوره

  1. #1
    الصورة الرمزية محسن البدراوى شاعر عامية
    تاريخ التسجيل : May 2011
    المشاركات : 960
    المواضيع : 81
    الردود : 960
    المعدل اليومي : 0.29

    افتراضي انا بكتب عن الثوره

    انا بكتب الى الثوره
    عن الثوره
    ومش عارف دا من حقى
    ولا تيار
    وموجه جارفه بركبها
    ولا حقى
    ماأنا حقى اكون فيها
    شبابك كلهم فيها
    وانا منهم
    كتير زى مشاركوشى
    بميدانك
    كتير زى مفهموشى
    ومتخبط كتير دانك
    لفقر وجهل مشاركوشى
    لبعد وقهر مشاركوشى
    ونوع تانى عايش تايه
    وبتخبط كلام ينقال
    مشاركوشى
    وشاشه زايفه كدابه
    لينا تردد
    ملامه وويل نهار وليل
    مشاركوشى
    ولما وضحت الصوره
    وبقيت لينا منشوره
    شفت كتير
    شفت شباب بميادينك
    بتتحاكا كلام ثوره
    ومتعلم اصول لهتاف ومناوره
    وانا فاكر انى حزين لافعالهم
    واقوالهم
    واقول ازاى نمدلهم ايادى العون
    ماهو فرعون عمل انجاز
    وجَنبنا حروب الناس
    وعيشنا امال وامال
    عمل مصنع كبير لرجال
    عمل كوبرى وعمل قريه
    عمل انجاز
    ولو يوم جاز
    ونسانى
    فبطولاته دى مسانى
    سلام وحروب
    وعلمنا وفهمنا وكبرنا
    واصبح اب
    بصراحه خدعنا الاب
    ................
    ويوم ورا يوم
    دى بتفتح غمام صوره
    وشفت البسمه مكسوره
    واولادنا دى محصوره
    على الايام
    بقلب ميدان
    ناس بتموت
    بعلو الصوت تقول ده سلام
    وسلميه
    وانا مسلم وامانيا
    فى عدل يعم
    عداله سويه اجتماعيه
    وزول الهم واتكلم
    وماضى حزين من الارهاب
    زرعتوا فينا يا معلم
    بنيت امنك على امنى
    كسرت الغد وتلومنى
    فعلو الصوت
    وتسجنى وتألمنى
    وضاع الحق ورا بابك
    محراسك بتقتلنى
    وإعلامك مفهمنى
    غلط مدروس
    ورجلك تانى راح ادوس
    على حلمى
    يقولوا فتنه خارجيه
    وواد مدسوس
    دا إعلامك
    ملانى سم متعق وصار مدسوس
    صبحت شريد
    ومتفتت تايه فكرى متشتت
    اشوف حاجه تقول حاجه
    وكدبه تانيه قلابه
    اشوف اختى بتستموت
    بصوت الحق
    اشوف أعلام على الشاشه
    تصد الريح
    صبحت دبيح ب إعلامك
    وصار تجاريح
    وقال كدبه كتير صدق
    ولا مدقق فى اخبارك
    شربنا تانى من نارك
    وقلنا سلام
    ولا اسلام مر وطاف على دارك
    بتقتل طفل متحير ودا صغير
    ملاه الخوف
    ومش عارف فى يوم يكبر
    فى وسط ألوف
    من العصابات
    اتارى القصه مرويه بأكاذيبك
    ولامم شله حراميه
    وبتعينك فى تهديدك
    وتهديدك ما هز قلوع
    من الثوران
    تقول اختاروا بين فوضى
    وأمن الغد مش مزروع
    وبتهدد بعلو الصوت
    ادى امنك صبح مخبوط
    ومتجنن
    بيقل ناس ولا يحنن
    قلوب الموت
    صرخ تانى شهيد جانى
    فى احضانى
    عشانك انتى يا بلدى اموت تانى
    عيون الموت بتهوانى
    وضمانى
    وبتشاور على سنى
    تقول ده شهيد
    وانا صدرى قصاد نارك
    مشفش الخوف
    ولاتهديد يرجعنى
    وشفت شهيد تانى وليد
    وبيموت على الساحه
    صرخت وقلت ياربى
    ودمعة عينى نواحه
    وليه بيموت
    زروع الغد ليه بتموت
    ظلمت كتير وغطينا بغبار الهم
    ولا تتلم
    جروح نازفه فى احضانك
    وسيل الدم بيروى تراب
    بيدفن شهدا ورا شهدا
    بيدفن فينا احلامك
    ويوم ماضى لايامك
    وادى جنودك ومجهودك
    فر وطار
    وخانو كل تفاهاتك
    وسمعوا الصوت
    زئير مكبوت
    بيهدمهم
    اسود فى الساحه
    لاتألمهم انهارمن نار
    معالمهم وافكارهم
    تعلمهم معانى صمود
    جنودك اهما انسحبوا
    بنكسه تانيه مرويه
    ولا خطه بديله تانيه معنيه
    بفر جنود
    وبتكابر وبتعاند
    تقول لازم اربيهم
    تسوق ليهم
    مواكب خيل
    ولا جمالك فى وش السيل
    بتستحمل
    .......
    سيوف تتسن دى يوماتى
    لهد الحيل
    وتعمل ثوره للثوره
    واحباطها بنص الليل
    وأمن مفيش
    وتفتح سجن ورا سجن
    وترمى بنار
    على اولادك
    تقول مجرم عاش مكوبت
    ومش لاقى حق القوت
    تهد الحيل
    ولا بيخيل
    ...........
    وراح تانى نقول تنزل
    تقول كرسى ما يتزلزل
    أنا فرعون
    ومُلكى ع الدوام عالى
    ولا ثوره ولا والى
    دى هتزلزل
    ولا هتنحى واستسلم
    لعلو الصوت
    ................
    ونصمد تانى ونعلم
    وموقف واخدوا يتكلم
    زمانك تانى مش هيعود
    وسحبه تانيه ورا سحبه
    لليالى نقول هتتنحى
    وهنجيلك لباب قصرك
    وهنشدك
    ولا نعدك رئيس تانى
    وجايلك تانى ألف شهيد
    ولا فى الايد غير موتنا
    بابوابك
    ودا دمى فداء امى
    هنهدم برجك العالى
    ننحى تاجك الغالى
    دا بإدينا
    ..............
    وجانا اليوم على اعتابك
    ونسمع كلمه لخطابك
    ومتغصب ومتعصب
    تقول ما خلاص
    راح اتنحى
    واسيب الدار
    عليكم بس راح تنهار
    ...........
    فرحنا فرحه دوابه
    وغلابه
    دموع الفرح باركتنا
    وعلتنا
    بهواكى يا مصر
    لاول مره فى سنينى
    اشم هواكى وبطوعى
    وبتنفس بحريه
    ميدانك ساعتها اترجج
    بصوت مجروح
    بيتجمل
    فرح مجروح سنين بتنوح
    وبيصبر ثوره جايه تتكبر
    وبتكبر
    دى قدامى
    عيشها بكل احلامى ووجدانى
    ولا صوتى يصير مكبوت
    ولا حلمى بليل اغبر
    صبح مسلوب
    .................
    هشارك ثوره ورا ثوره
    ونبنى بلدنا بالثوره
    مصانع راح تعود تانى
    سياحه تبهر العالم باوطانى
    وخط قنال ومرسى وسينا
    دى بإدينا نعمرها
    ونزرعها نخضرها
    ونبنيها مدن وجمال
    وصحاريك دى راح تنبض
    بكل الخير
    لبلدانى
    ....................
    معانى الثوره يا اخونا معانى كتير
    ولو مشاركتش الثوره
    لقلة حيل وكنت زليل
    ومش فاهم
    تعالا اليوم نعيش ثوره
    بحب وخير
    نعمرها ونبنيها ونحيى شباب معانيها
    نحصنها نعليها
    ولا يهد السفيه فيها
    واركنها نخليها
    شعاع وشمس
    تعالا معايا شد الحيل
    نمد الخير
    لكل فقير
    ..................
    بلدنا دى يا اخونا سنين ياما دى مسلوبه
    وعاشت ياما مغلوبه من الاهمال
    ومظلومه ومسروقه
    وبتختال
    ولا بتبخل على اولادها
    فى بطن الارض ثروتها
    نهور وبحور
    وتستنى شباب اخضر
    يشد الحيل
    يمد الايد يخرجها
    بجهد جميل
    على مر العصور نياشين
    تعلقها على صدورنا
    نغنيلها
    ما تؤمرنا
    بغنا ومواويل
    تقول فى الليل
    هيجى نهار
    نشد الحيل
    لرد جميل لبلدانى
    وعاشت ثورة اوطانى
    حاولت ان اخدع الحياه وأعيش كما تريد نفسى
    لاكن خدعتنى نفسى وعشت كما تريد الحياه

  2. #2
    الصورة الرمزية آمال المصري عضو الإدارة العليا
    أمينة سر الإدارة
    أديبة

    تاريخ التسجيل : Jul 2008
    الدولة : Egypt
    المشاركات : 23,643
    المواضيع : 386
    الردود : 23643
    المعدل اليومي : 5.41

    افتراضي

    نص مطول فاره استنطق مداد الأقلام
    أتقنت فيه فن العزف على صعيد الأحداث
    فصرخ على الأوراق هذا الألق
    أديبنا المكرم ...
    كتبت فأبدعت
    تقديري والأوركيد
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  3. #3
    الصورة الرمزية محسن البدراوى شاعر عامية
    تاريخ التسجيل : May 2011
    المشاركات : 960
    المواضيع : 81
    الردود : 960
    المعدل اليومي : 0.29

    افتراضي

    شكرا على مرورك
    لكى منى كل الامنيات
    وبالتوفيق

  4. #4
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 9.15

    افتراضي

    نص جميل واستعراض شعري طيب لتفاصيل من يوميات الثورة ومعاني الثورة
    أعجبتني حروف مواجهته والاستهانة بجبروته وبلطجيته والانعطافة لانقلاب الجيش ضده

    أحسنت شاعرنا

    دمت بألق
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  5. #5
    الصورة الرمزية محسن البدراوى شاعر عامية
    تاريخ التسجيل : May 2011
    المشاركات : 960
    المواضيع : 81
    الردود : 960
    المعدل اليومي : 0.29

    افتراضي

    اقتباس المشاركة الأصلية كتبت بواسطة ربيحة الرفاعي مشاهدة المشاركة
    نص جميل واستعراض شعري طيب لتفاصيل من يوميات الثورة ومعاني الثورة
    أعجبتني حروف مواجهته والاستهانة بجبروته وبلطجيته والانعطافة لانقلاب الجيش ضده

    أحسنت شاعرنا

    دمت بألق
    مشكوره على مرورك الطيب العطر
    وكلماتك التى اعجز عن وصفها
    واقل ما اقول انها زادتنى فخراً
    وتكريماً
    دومتى بكل الخير ودام ثنائك
    لكى منى اطيب الامنيات
    وبالتوفيق

المواضيع المتشابهه

  1. ياناس مش بكتب عامية ...!!
    بواسطة صابرين الصباغ في المنتدى أَدَبُ العَامِيَّة العَرَبِيَّةِ
    مشاركات: 26
    آخر مشاركة: 30-10-2012, 10:56 PM
  2. انا احلم .. انا موجود !!!
    بواسطة مينا عبد الله في المنتدى النَّثْرُ الأَدَبِيُّ
    مشاركات: 18
    آخر مشاركة: 01-04-2009, 06:31 AM
  3. بكتب اسمك..
    بواسطة سحر الليالي في المنتدى أَدَبُ العَامِيَّة العَرَبِيَّةِ
    مشاركات: 9
    آخر مشاركة: 27-01-2007, 10:34 PM
  4. بكتب لك على الدانه
    بواسطة النورس في المنتدى أَدَبُ العَامِيَّة العَرَبِيَّةِ
    مشاركات: 0
    آخر مشاركة: 06-10-2005, 11:48 PM
  5. هل خارطه الطريق سوف تادى الى الثوره الكبرى وهى الثوره الاسلاميه!!!!!! عجبا
    بواسطة نعيمه الهاشمي في المنتدى الحِوَارُ الإِسْلامِي
    مشاركات: 9
    آخر مشاركة: 24-06-2003, 04:46 PM