اقتباس المشاركة الأصلية كتبت بواسطة إيمان نور مشاهدة المشاركة
السلام عليكم ورحمة الله وبركاته

قالوا عنا شعب نايم

تحت كرسي شخص ظالم

قالوا فوق دمغتنا طاسه

والحساسه في البساسه

فجأه قام شباب خلاصه

قالوا دول اخر مياصه

يلا روش ميه بارده

راح نفرقهم ونهدى

فجأه بقت الميه نار

رصاص بيقتل في الخضار

قتلوا ابني قتلوا ابنك

قتلوا جزء برىء في بدنك

موتهم زاد النار شرار

شعب ملهوش في الهزار

والرحيل اخر قرار

قال تمشي يعنى تمشي

والسجون لتاريخكم عار


الشاعر المبدع منصور عبد الغفار

ما شاء الله بصيره صافيه وثوره بدأت داخل الشعب وروحه

قبل ان تنطلق لتجتاح عرش الظلم

قلمك ساحر لأقصى درجه

ارغمنى على البوح الخجول وسط بهائك

عذرا لتواضع قلمي

أبدعت اخي وامتعتنا

تحياتي وتقديري


الأخت الشاعرة / إيمان نور

قالوا عنا مهما قالوا

قلنا برضه طب ومالوا

لقينا وقت جى لازم

يعرفوا فصله وختامه

شفت ف الميدان ولادنا

ف المواجهة رفعوا راسنا

والشهادة كللتهم

والكتاب كان فيه هدانا

والجنود من العزل خافوا

لما من تكبيرنا شافوا

صدر عارى أيد بتدفع

بالبسالة طلق نارى

يا أيمان الجمد لله

اللى شال الغول

ف لحظة

والجميع أصبح بكلمة

مصر واحدة لشعب واحد

كلمة واحدة لشخص واحد

سعيد كل السعادة لمرورك الأول وتفاعلك الجميل مع كلماتى المتواضعة

دمت أختا