ساعتها بس هنبقى بخير

لما الايد تتمد
تداوى تطبطب
تمسح دمعه نازله تهطل
تحرق خد وتألم خد
ساعتها بس هنبقى بخير
........
لما الايد تتمد تعمر
تزرع صحرا تنبت خضره
يطرح منها جمال مع بركه
تصبح شجره ساكنها الطير
ساعتها بس هنبقى بخير
............
لما العدل يعم الساحه
يمحو الظلم وينشر راحه
يبنى معانى ترجع تانى
قيم وموده وحب الغير
ساعتها بس هنبقى بخير
..........
لما تعود البسمه تنور
وش فقير
كان يوم حلمه يعيش مستور
وسط قبور
كان بيدمع لما أرادته
يبيعها لحاجته
لما يشوف منا التقدير
لما نساعده بكل ضمير
ساعتها بس هنبقى بخير
..............
لما نشم هواها بجد
ولا مكبوته أراده لحد
حلمنا حرّ وعلمنا مدّ
علما تفكر خلق تصنع
تبقى اللقمه بعزم وكد
نحفر بأيدنا الصخر بجد
ساعتها بس هنبقى بخير
............
لما نعود نضحك من تانى
تملا قلوبنا معانى امانى
لما نسامح بعضنا تانى
نعيش الفرحه نغنى اغانى
لما نشارك ف التغيير
لما عملنا يكون بضمير
لما يكون حلمنا دا مصير
ساعتها بس هنبقى بخير
...............
لما نبطل نكره بعض
لما نعاود نسمع بعض
لما نناقش بعضنا بعض
ورأينا شورى مهوش للبعض
ساعتها بس هنبقى بخير
.........
لما الكل يحاول يفهم
ان دى ثوره
وان الحكم مهوش بالقوه
او للوزراء او للورثه
وان مصيرنا بأيد أرادتنا
وحكم المولى
وان كفانا زعيق ومناوره
وقتل وفوضى
ونرمى حمولنا ع اللى خالقنا
وان الموت حق وتقادير
ساعتها بس هنبقى بخير
........
لما نعود لاصولنا الحلوه
نحكى تاريخنا ونرسم بكره
لما عاداتنا تكون قعداتنا
تصلح منا كل حياتنا
لما نحس بكل فقير
نداوى جراحنا
وندّى الامل لكل عليل
ولا نسمع بطفل ضليل
ساعتها بس هنبقى بخير

..................................


كل عام وانتم بخير

لما نعود لاصولنا الحلوه
نحكى تاريخنا ونرسم بكره
لما عاداتنا تكون قعداتنا
تصلح منا كل حياتنا
لما نحس بكل فقير
نداوى جراحنا
وندّى الامل لكل عليل
ولا يوم نسمع بطفل ضليل
ساعتها بس هنبقى بخير

اخي محسن البدراوي
قصيدة رائعة نحتاجها الان الان
القصيدة للتثبيت للمواكبة والابداع
همسة صغيرة
استثقلت الوزن في
ولا يوم نسمع بطفل ضليل
ارجو المراجعة و انا تحت امرك اصححها لك او تصححها ان كان التصحيح مازال يعمل

استاذى الفاضل
ومعلمى الجليل
كل الشكر لمتابعتك الرائعه لى
ودفعى لما هو ارقى
واشكر لك التثبيت
وبخصوص همستكم
ارجو تصحيحها
ولا نسمعشى بطفل ضليل
ولك مطلق الحريه فى التصحيح
فرأيك له اهميته بالنسبه لى
ادام الله المحبه
وكل عام وانت بخير

استاذى الفاضل
ومعلمى الجليل
كل الشكر لمتابعتك الرائعه لى
ودفعى لما هو ارقى
واشكر لك التثبيت
وبخصوص همستكم
ارجو تصحيحها
ولا نسمعشى بطفل ضليل
ولك مطلق الحريه فى التصحيح
فرأيك له اهميته بالنسبه لى
ادام الله المحبه
وكل عام وانت بخير

اخي المبدع محسن البدراوي
سلام الله عليك ورحمته وبركاته
رغم ان هناك بعض الهنات الخفيفة على وزن القصيدة
ولكن للتشجيع ثبتها لك دفعا للافضل والاحسن
وموضوع القصيدة من المواضيع المهمة والملحة هذه الايام
و طالما في دن الابداع نهر امتاع سوف يستوي البحر والقافية حتما اخي
دمت بجمال فكرك و صائب تقديرك
وقد صححت لك ما خطر ببالي انه الاصح فقصيدتك مفاعلتن مفاعلتن مجزوء الوافر
والوافر تفعيلاته مفاعلتن مفاعلتن فعولن
وائتنا بما هو اجمل واحسن ايها البدراوي الجميل
دمت بروعتك وابداعك

استاذى الفاضل
الطنطاوى الحسينى
وعليكم السلام ورحمة الله وبركاته
اعجز عن الشكر
وكل التقدير لتواجدكم الدائم وحسن التوجيه والتصحيح
وافر التحيه
وبالتوفيق

لما نشم هواها بجد
ولا مكبوته أراده لحد
حلمنا حرّ وعلمنا مدّ
علما تفكر خلق تصنع
تبقى اللقمه بعزم وكد
نحفر بأيدنا الصخر بجد
ساعتها بس هنبقى بخير
............
لما نعود نضحك من تانى
تملا قلوبنا معانى امانى
لما نسامح بعضنا تانى
نعيش الفرحه نغنى اغانى
لما نشارك ف التغيير
لما عملنا يكون بضمير
لما يكون حلمنا دا مصير
ساعتها بس هنبقى بخير

قصيدة جميلة حسا وجرسا وقوية نصا بمعانيها وبنائها

أحسنت شاعرنا
لا فض فوك

تحيتي

قصيدة جميلة حسا وجرسا وقوية نصا بمعانيها وبنائها

أحسنت شاعرنا
لا فض فوك

تحيتي

عطرتى صفحتى المتواضعه بطلتك
ادام الله حضورك
وجميل ردك ومرورك
دومتى سيدتى بكل سعاده
وبالتوفيق

السلام عليكم ورحمة الله

شاعرنا الفاضل

اجدت الوصف والتفصيل

جرس رنان انتجه روعة النظم وتألف الكلمات

تقبل مروري وتحيتي

السلام عليكم ورحمة الله

شاعرنا الفاضل

اجدت الوصف والتفصيل

جرس رنان انتجه روعة النظم وتألف الكلمات

تقبل مروري وتحيتي

كل الشكر استاذى الفاضل والاخ العزيز
ادام الله تواجدكم
عطرت متصفحى بمرورك
وبالتوفيق

لما الكل يحاول يفهم
ان دى ثوره
وان الحكم مهوش بالقوه
او للوزراء او للورثه
وان مصيرنا بأيد أرادتنا
وحكم المولى
وان كفانا زعيق ومناوره
وقتل وفوضى
ونرمى حمولنا ع اللى خالقنا
وان الموت حق وتقادير
ساعتها بس هنبقى بخير

جميلة جدا لحنا وجرسا وحرفا
شاعرنا الفاضل ...
دمت بهذا الألق الساحر
تحيتي الخالصة