أحدث المشاركات
النتائج 1 إلى 3 من 3

الموضوع: قصيدة : دستور يا أسيادنا دستور

  1. #1
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.07

    افتراضي قصيدة : دستور يا أسيادنا دستور

    دَسْتورْ يَا أسْيَادنا دَسْتورْ
    كل العالم من حوالينا
    بيجري بيجرى وبيتحَوِلْ
    وإحنا لسه بنسأل بعض
    مين الأول ؟ مين الأول ؟
    ........................
    آدى فريق واقف بيِصَرَخْ
    وعامل فيها فاهم ويْتَرخْ
    الانتخابات قبل الدستور
    وإلا ساعتها هَنِطفي النور
    ونشعللها ونولعها
    ونمشي نهد بيوت وقصور
    ونبقى أُسُودها وصوتنا هيعلى
    وناكل بعض ونبقي نسور
    ..........................
    وفريق تانى يقول .. انساني
    الأول هو الدستور
    وألا هنرجع تانى ونثور
    إحنا طلبنا واضح جدا
    لو يتأخر ما اتنفذش
    هنخليلكوا الدم بحور
    ...........................
    وفريق تالت وعْيَارُه فالِتْ
    بيقول إسمع لازم الأول
    كلنا نعرف مين رَيِسنا
    ييجى يحكيلنا ويوَنِسنا
    ويعرفنا كام يِدينا
    ويفَرحنا بطقمين صوف
    ويا الكَسْتُور
    ........................
    دى قصتنا ودى حكايتنا
    إللي بنحكيها بقالنا شهور
    ونُص الشعب وتِلْتُه معاه
    مايعرف غير إتفضل خُشْ
    تعالي يا أخينا ..
    يِرُد يقول ..
    يا خْوانْ .. دَستور
    كل مطالبه فى رغيف عيش
    كل مُناه في الجيب مستور
    .........................
    إحنا الشعب الطيب جداً
    إللي عمره ماعرف الصف
    وإللي حياته ما فيها طابور
    في الحرية بنمشي الخطوة
    تاتا تاتا وطريق مكسور
    وف الوطنية ضاربينها تلاته
    ومش فاكرين منها ألا عبور
    ..........................
    يبقي تعالي ياواد يا شحاته
    نادي لشاويش ولْلا لمأمور
    خليه يشرح لينا الأَولْ
    ويِْقَصَرْ في كلامه ما يْطَوَلْ
    أصل أنا سايب الشاي عالنار
    والواد عوضين قام على حِيلُه
    هناك مَنْطُورْ
    البِتْ حميدة جالها الطلق
    و لا فيش دَاية و لا دَكْتور
    .........................
    بس حميدة دي بنت أصول
    ومن بيت عِزْ عليها النور
    حاملة في شعب بالملايين
    عاش في حياته كتير مقهور
    و لا بيفكر غير في اللقمة
    وغير في الزرعة
    وشِوالين قمح ولْلا كماوي
    ويا تقاوى و ويا بذور
    وأكبر حِلمُهْ
    يِرْكَبْ باص ولْلا الحنَطور
    وإحنا قال جايين نِشرَحْلُه
    ونِْفَهَمُه ونقول دُستور
    وهو يِرُدْ يقول مَاني فاهم
    دَستور يا أسيادنا دَستور
    دَستور يا أسيادنا دَستور
    دَستور يا أسيادنا دَستور
    شعر : د هاني أبوالفتوح
    الكويت - الإثنين 13 يونية 2011

  2. #2
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 9.15

    افتراضي

    بشويش يا عم هاني

    لماذا لا نحاول أن نتفهم صعوبة الموقف
    الأمر ليس سهلا ايها السادة
    وهذا بناء على أنقاض .... فما أصعبه!

    قصيدة جميلة شاعرنا

    دمت بخير
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  3. #3
    الصورة الرمزية آمال المصري عضو الإدارة العليا
    أمينة سر الإدارة
    أديبة

    تاريخ التسجيل : Jul 2008
    الدولة : Egypt
    المشاركات : 23,643
    المواضيع : 386
    الردود : 23643
    المعدل اليومي : 5.41

    افتراضي

    رغم أننا مازلنا في الطابور ننتظر ومازال الأمن غير مستتب في بلدنا ومازلنا نخشى المجهول
    إلا أننا نتوسم الخير في الرئيس الجديد
    حمى الله مصر والوطن العربي
    ومرحبا بك شاعرنا في واحتك
    تحاياي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

المواضيع المتشابهه

  1. يَا غَزَّةُ يَا غَضَبَ اللَّهِ هُبِّي هُبِّي
    بواسطة سالم العلوي في المنتدى الشِّعْرُ الفَصِيحُ
    مشاركات: 20
    آخر مشاركة: 04-08-2014, 01:20 AM
  2. دستور يا بلدنا دستور
    بواسطة جمعة عبد العال في المنتدى أَدَبُ العَامِيَّة العَرَبِيَّةِ
    مشاركات: 6
    آخر مشاركة: 12-02-2014, 12:44 PM
  3. دستور يا سيدي ... دستور
    بواسطة أحمد عيسى في المنتدى القِصَّةُ وَالمَسْرَحِيَّةُ
    مشاركات: 7
    آخر مشاركة: 20-12-2012, 08:36 PM
  4. يَا مِصْرُ يَا فَخْرَ العَرَبْ ( بمناسبة فوز مصر بكأس إفريقيا )
    بواسطة محمد سمير السحار في المنتدى الشِّعْرُ الفَصِيحُ
    مشاركات: 12
    آخر مشاركة: 28-06-2008, 02:50 PM
  5. دستور يا اسيادى دستور..
    بواسطة يحيى زكريا في المنتدى أَدَبُ العَامِيَّة العَرَبِيَّةِ
    مشاركات: 7
    آخر مشاركة: 07-04-2007, 07:10 PM