أحدث المشاركات

قراءة فى بحث تجربة ميلغرام: التجربة التي صدمت العالم» بقلم اسلام رضا » آخر مشاركة: اسلام رضا »»»»» مصير الكوكب على متن الشراع الشمسي» بقلم إبراهيم أمين مؤمن مصطفى ح » آخر مشاركة: إبراهيم أمين مؤمن مصطفى ح »»»»» وذُلّت الأعناق مقتطف من رواية قنابل الثقوب السوداء...» بقلم إبراهيم أمين مؤمن مصطفى ح » آخر مشاركة: إبراهيم أمين مؤمن مصطفى ح »»»»» الفصل الثاني من رواية وتستمر الحياة بين يأس و تفاؤل الأم الجريحة» بقلم بوشعيب محمد » آخر مشاركة: ناديه محمد الجابي »»»»» و تستمر الحياة بين يأس و تفاؤل الفصل الأول من الرواية بقلم بوشعيب» بقلم بوشعيب محمد » آخر مشاركة: ناديه محمد الجابي »»»»» قراءة في بحث أمور قد لا تعرفها عن مستعمرة "إيلون موسك" المستقبلية» بقلم اسلام رضا » آخر مشاركة: اسلام رضا »»»»» نعم القائد» بقلم عطية حسين » آخر مشاركة: احمد المعطي »»»»» قراءة في مقال يأجوج و مأجوج ... و حرب العوالم» بقلم اسلام رضا » آخر مشاركة: بوشعيب محمد »»»»» الطفل المشاكس بقلمي» بقلم بوشعيب محمد » آخر مشاركة: بوشعيب محمد »»»»» @ تَعَاويــذ فراشَــةٍ عَاشِقـَـة @» بقلم دوريس سمعان » آخر مشاركة: دوريس سمعان »»»»»

النتائج 1 إلى 8 من 8

الموضوع: قصيدة : 3 - 8 - 2011 - مشهد تاني !

  1. #1
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.05

    افتراضي قصيدة : 3 - 8 - 2011 - مشهد تاني !

    3 /8 /2011 - مَشْهَدْ تَانيِ !
    سجل يا تاريخ يوم للذكرى
    وخُدْ لك فِكرة
    ولا يوم هأنساك ولا تنساني
    والأيام في الذكرى قليلة
    عمرها مابترجع تاني
    سجل يا تاريخ قوم ويايا
    وقول لزمانك و يا زماني
    وكل الأزمان إللي هتيجي
    كتير من بَعْدِي
    تعالوا وشوفوا تآمنوا إيماني
    3 أغسطس 2011
    أتحدى لو هنشوف زيه
    ماإحنا في مصر أم الدنيا
    مين في العالم يتحداني ؟
    .........................
    بصوا وشوفوا معايا لمشهد
    بس المشهد مشهد تاني
    مشهد لِدَبايح مدبوحة
    قوموا وسَمُوا دِبِيحة إنساني
    هتشوفوا المقتول و بيقتل
    والمجني عليه .. ويا الجاني
    وصورة مرسومة وإعلان بيقول
    هنشوف حفلة وهنشوف لَمَّة
    وهنشوف زَفْة . وأهو خير جاني
    ..............................
    كل الدنيا هتشوف ويانا وتتفرج
    إيدوا الأضواء .. جِيبُوا المُخْرِج
    مخرج مسرح , على تليفزيون
    ويساعد مُخْرِجْ إعلاني
    كل القنوات يالا هتنقل
    وإللي ملوش أوي فى الأفلام
    هيشوف فيلمنا ولا في الأحلام
    ولا أغنية ولا أُمْنِية و أغلي أماني
    ..........................
    أحداث .. منقولة لكل الناس
    إللي بيفرح و إللي بْيِشْمَتْ
    وإللي بْيِزْعَلْ وإللي يْزَغْرَطْ
    وإللي يقول أنا شُفْتُه اليوم
    الحمد الله .. ربي عطاني
    ..........................
    أم الدنيا بعد الثورة فيها مُحاكمة
    لنظام سابق .. ووزير سابق
    وسبعة يساعدوه
    لابس أزرق ولابسين أبيض
    ورئيس سابق جاي في سريره
    وولاده جنبه وبيساندوه
    والكل هناك في قفص أسود
    حديد في حديد الشكل جديد
    تلاته في تمانية .. في يومين شَدُّوه
    والقاعة مليانة وزحمة في الهم تْتُوه
    ............................
    ناس ياما هناك بالروب الأسود
    إللي يْرَتِبْ .. وإللي يجهز
    وإللي بيكتبْ في طلب عَدُوه
    والكل هَمُه ... إزاي هيبان
    جوة البرواز .. تحت العنوان
    وإللي زَمايْلُه وقفوا يساندوه
    وإللي كْبِيرُه يْعَلِي في صوته
    جاي المحكمة علشان يفرح
    وللا يْسََقَّف .. وإن زَوْدْها
    تلقي الحراس يجروا يهَدُّوه
    والشاشة بتعرض للملايين
    قُدام الشاشة و بيشاهدوه
    ولا كاس عالم
    مصر بتلعب ولوحديها
    حيوا اللعيبة إللى بتلعب
    حيوا الكابتن حيوا إللي جابوه
    حيوا الحراس إللي بتُحرسْ
    جوا المشهد
    وإللي بيُحرُس بره المشهد
    وإللي إخترعوه
    الحاجب نادى وقال ... محكمة
    والمتهمين ..
    واقفين م الرعب وم الخيبة
    قاضي بيظهر جوة المشهد .. مليان هِيبه
    العدل يبان جوه عيونه , ومصر في لونُه
    أول ما دخل .. الكل وقف وبيحيوه
    .............................
    المشهد كان في الأول
    بدايات ثورة إبتدا في ميدان
    إتحول بقى ثورة حقيقي
    في بلد والعة قايدة حريقة
    وفي كل مكان
    والمشهد بقى دم لشهدا
    جاي بالأحزان
    المشهد إنتهى بتنحي لرئيس سابق
    بقى في النسيان
    ونظام فاسد هَمُه التوريث
    آخر حُكْمُه ذُلْ و طغيان
    إنتهي في 11 فبراير
    قلنا إرتحنا والحق أهو بان
    بس الظاهر
    الثورة كان علشان تكمل
    ويهدا البركان
    كان لازم نستنى شهور
    ومصر الغالية عايشه في حرمان
    لا فيها إستقرار .. ولا فيها نهار
    من قلب مظاهرة لمظاهرة
    ومن جمعة لجمعة تشوف ألوان
    وَقَفْ الإنتاج .. ولا نِتْقَدِمْ
    عايشين في طوفان
    ........................
    ووصلنا لمشهدنا التاني
    جايز من بعده مصر هتهدا
    وهتوصل بينا لبر أمان
    المشهد شُفناه في الصورة
    وكان على عينك قوم إتفرجْ
    لا تقول كان فيلم ولا تمثيل
    وللا القاضي كان بيهرجْ
    المشهد راجل في التمانين
    جاي يتحاكم ومَلُوشْ مَخْرَجْ
    وولاده الاتنين واقفين
    أنفاس محبوسة ولا بْتُخْرُجْ
    و وزير كان بيهز القاعة
    وسبعة مساعدين وياه قاعدين
    جوه الكادر جابوا المُخْرِجْ
    .......................
    سبحان الله على دا مشهد
    وإللي يشُوفُه وإللي بيشهدْ
    الناس مقسومة مابين شَامْتِينْ
    بين إللي يطالبوا بحق الدم
    وحق الدين
    وناس تانية تقول إرحموا مِسْكين
    وكبير في السن م الذل حزين
    المشهد دا هيحل الأزمة يا مصريين
    وهتفرح مصر
    وترجع شايلة أعلام النصر ؟
    وللا المشهد هيودينا لمشهد تاني
    قُولِّلي يا مَشْهَد هتاخدنا لفين ؟
    ربنا يستر ... خليكوا شاهدين
    ربنا يستر على مصر ... آمين
    شعر د هاني أبوالفتوح
    الكويت – الأربعاء 3 أغسطس 2011

  2. #2
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 6.75

    افتراضي

    قصيدة جميلة وقلقة والوضع مقلق فعلا
    لكن للعباد حقوقا لا نملك ان نجادلهم فيها
    ولأهل الدم حق بانتصار
    قال تعالى " ولا تقتلوا النفس التي حرم الله إلا بالحق ومن قتل مظلوما فقد جعلنا لوليه سلطانا .... الآية" الاسراء 33

    تعثرت ذائقتي في بعضها فقرأتها متغيرة قليلا
    فاعذرني

    ولا يوم هأنساك ولا تنساني = ولا يوم هنساك ولا تنساني
    عمرها مابترجع تاني = عمرها ما بيوم ترجع تاني
    ماإحنا في مصر أم الدنيا = ماحنا ف مصرنا ام الدنيا
    وإللي يقول أنا شُفْتُه اليوم = واللي يقولك أنا شفته اليوم
    حديد في حديد الشكل جديد = وحديد في حدي .. الشكل جديد
    والقاعة مليانة وزحمة في الهم تْتُوه = والقاعة مليانة وزحمة قوي في الهم تْتُوه
    أول ما دخل .. الكل وقف وبيحيوه = أول ما دخل .. الكل وقف له وبيحيوه
    بدايات ثورة إبتدا في ميدان = بدايات ثورة إبتدأت في ميدان
    المشهد إنتهى بتنحي لرئيس سابق = المشهد وانتهى بتنحي لرئيس سابق
    ويهدا البركان = وعشان برضك يهدا البركان
    كان لازم نستنى شهور = كان لازم يستناله شهور
    جايز من بعده مصر هتهدا = جايز مصرنا بهد هتهدا
    وناس تانية تقول إرحموا مِسْكين = وناس تانية وعمالة تقول إرحموا مِسْكين


    ابدعت شاعرنا

    دمتم بألق
    تستطيع أن ترى الصورة بحجمها الطبيعي بعد الضغط عليها

  3. #3

  4. #4
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.05

    افتراضي

    اقتباس المشاركة الأصلية كتبت بواسطة نداء غريب صبري مشاهدة المشاركة
    قصيدة جميلة جدا أخي

    ومشاعرك النبيلة برزت فيها بقوة

    بوركت
    الشاعرة والأديبة الفاضلة الأستاذة نداء غريب صبري
    بورطت وبورك فيك وفي يومك وغدك وشكرا لمرورك الكريم لك خالص التحية والمودة والتقدير

  5. #5
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.05

    افتراضي

    اقتباس المشاركة الأصلية كتبت بواسطة ربيحة الرفاعي مشاهدة المشاركة
    قصيدة جميلة وقلقة والوضع مقلق فعلا
    لكن للعباد حقوقا لا نملك ان نجادلهم فيها
    ولأهل الدم حق بانتصار
    قال تعالى " ولا تقتلوا النفس التي حرم الله إلا بالحق ومن قتل مظلوما فقد جعلنا لوليه سلطانا .... الآية" الاسراء 33

    تعثرت ذائقتي في بعضها فقرأتها متغيرة قليلا
    فاعذرني

    ولا يوم هأنساك ولا تنساني = ولا يوم هنساك ولا تنساني
    عمرها مابترجع تاني = عمرها ما بيوم ترجع تاني
    ماإحنا في مصر أم الدنيا = ماحنا ف مصرنا ام الدنيا
    وإللي يقول أنا شُفْتُه اليوم = واللي يقولك أنا شفته اليوم
    حديد في حديد الشكل جديد = وحديد في حدي .. الشكل جديد
    والقاعة مليانة وزحمة في الهم تْتُوه = والقاعة مليانة وزحمة قوي في الهم تْتُوه
    أول ما دخل .. الكل وقف وبيحيوه = أول ما دخل .. الكل وقف له وبيحيوه
    بدايات ثورة إبتدا في ميدان = بدايات ثورة إبتدأت في ميدان
    المشهد إنتهى بتنحي لرئيس سابق = المشهد وانتهى بتنحي لرئيس سابق
    ويهدا البركان = وعشان برضك يهدا البركان
    كان لازم نستنى شهور = كان لازم يستناله شهور
    جايز من بعده مصر هتهدا = جايز مصرنا بهد هتهدا
    وناس تانية تقول إرحموا مِسْكين = وناس تانية وعمالة تقول إرحموا مِسْكين


    ابدعت شاعرنا

    دمتم بألق
    الأستاذة الفاضلة الرائعة ربيحة الرفاعي كل الشكر والمودة والإحترام لشخصكم الكريم ولمرورك البهي وتعقيبا على ما تكرمتم به فلا أدري من أين جاءت فكرة أني أطالب أو أجادل في شرع الله تعالى في حق أهل الدم متى ثبت ذلك بالعدل وبشرع الله وحكمه ومن يجرؤ أساسا على ذلك إلا جاحد , هذه القصيدة تحديدا وصف تفصيلي للمحاكمة وماحدث فيها أما التحذير من المستقبل فهو أمر واجب لبني وطني أن ننظر للأمام ونترك أمر القضاء للقضاء وسينفذ فيه قدر الله تعالى بما شاء
    وعودا على مالم يكن مستساغا من بعض الأبيات فقد جاءت القصيدة في نفس اللحظة والتو وربما نتفق أو نختلف على بعض ماذكرتم
    كالتالي :
    ولا يوم هأنساك ولا تنساني = ولا يوم هنساك ولا تنساني ( كتابة رأيكم أصح وأفضل )
    عمرها مابترجع تاني = عمرها ما بيوم ترجع تاني ( أتذوقها كما جاءت بالقصيدة )
    ماإحنا في مصر أم الدنيا = ماحنا ف مصرنا ام الدنيا ( رأيكم أفضل وأصح )
    وإللي يقول أنا شُفْتُه اليوم = واللي يقولك أنا شفته اليوم ( أري حرف الكاف زائد والكلمة تثقل به )
    حديد في حديد الشكل جديد = وحديد في حدي .. الشكل جديد ( لاخلاف أبدا على ماجاء منكم )
    والقاعة مليانة وزحمة في الهم تْتُوه = والقاعة مليانة وزحمة قوي في الهم تْتُوه ( أري إضاقة كلمة قوى زادتها ثقلا وأتمناها خفيفة )
    أول ما دخل .. الكل وقف وبيحيوه = أول ما دخل .. الكل وقف له وبيحيوه ( رأيكم أدق وأصوب )
    بدايات ثورة إبتدا في ميدان = بدايات ثورة إبتدأت في ميدان ( أتحدث هنا عن المشهد وأذكر أنه ابتدا في ميدان فلاداعي للتأنيث )
    المشهد إنتهى بتنحي لرئيس سابق = المشهد وانتهى بتنحي لرئيس سابق ( الواد زيادة أرى لا فائدة من إضافتها )
    ويهدا البركان = وعشان برضك يهدا البركان ( أراها كما جاءت بالقصيدة )
    كان لازم نستنى شهور = كان لازم يستناله شهور ( أراها كما جاءت بالقصيدة فالمقصود هنا كل المصريين لذا كتبتها نستني )
    جايز من بعده مصر هتهدا = جايز مصرنا بهد هتهدا ( أري رأيكم أفضل وأصوب )
    وناس تانية تقول إرحموا مِسْكين = وناس تانية وعمالة تقول إرحموا مِسْكين ( أراها كما جاءت بالقصيدة فإضافة الكلمة أثقلتها )
    لكم خالص المودة والتقدير والإحترام وأسعد كل السعادة بمروركم الكريم وأتمنى عليكم أن تعودوا لجميع قصائدي ومنشورة بديوانين الطير اشترى حريته وعاشق وطن فيهما اكثر من سبعون قصيدة نشرت عن الثورة جميعا ومابها من أحداث لتتيقني أني مع العدل لا الشفقة في غير موضعها ومع الحق الذي أمرنا الله تعالى به وماكتب أحد من شعراء العامية في مصر ولا نشر له قدر مانشرت والحمدلله تعالى خاصة أني عشت الثورة جميعها في قلب الحدث ولم أنفصل عنه ولو لحظة والحمدلله تعالى , تقبلي مرة اخرى عميق شكري ومودتي وإحترامي

  6. #6
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.05

    افتراضي

    [QUOTE=ربيحة الرفاعي;624967][COLOR="Black"]قصيدة جميلة وقلقة والوضع مقلق فعلا
    لكن للعباد حقوقا لا نملك ان نجادلهم فيها
    ولأهل الدم حق بانتصار
    قال تعالى " ولا تقتلوا النفس التي حرم الله إلا بالحق ومن قتل مظلوما فقد جعلنا لوليه سلطانا .... الآية" الاسراء 33
    الأستاذة الكبيرة الشاعرة ربيحة الرفاعي تقبل الله صومكم وصالح أعمالكم أرجو الله تعالى ألا يضيق صدركم السمح بردي وعرض فكرتي ووجهة نظري وهي وجهة نظر العديد من المثقفين والمفكرين وفي النهايةالأمر لله تعالى من قبل ومن بعد
    تقبلي خالص مودتي وتقديري وإحترامي

  7. #7
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 6.75

    افتراضي

    اقتباس المشاركة الأصلية كتبت بواسطة د هاني ابوالفتوح مشاهدة المشاركة
    الأستاذة الفاضلة الرائعة ربيحة الرفاعي كل الشكر والمودة والإحترام لشخصكم الكريم ولمرورك البهي وتعقيبا على ما تكرمتم به فلا أدري من أين جاءت فكرة أني أطالب أو أجادل في شرع الله تعالى في حق أهل الدم متى ثبت ذلك بالعدل وبشرع الله وحكمه ومن يجرؤ أساسا على ذلك إلا جاحد , هذه القصيدة تحديدا وصف تفصيلي للمحاكمة وماحدث فيها أما التحذير من المستقبل فهو أمر واجب لبني وطني أن ننظر للأمام ونترك أمر القضاء للقضاء وسينفذ فيه قدر الله تعالى بما شاء
    وعودا على مالم يكن مستساغا من بعض الأبيات فقد جاءت القصيدة في نفس اللحظة والتو وربما نتفق أو نختلف على بعض ماذكرتم
    كالتالي :
    ولا يوم هأنساك ولا تنساني = ولا يوم هنساك ولا تنساني ( كتابة رأيكم أصح وأفضل )
    عمرها مابترجع تاني = عمرها ما بيوم ترجع تاني ( أتذوقها كما جاءت بالقصيدة )
    ماإحنا في مصر أم الدنيا = ماحنا ف مصرنا ام الدنيا ( رأيكم أفضل وأصح )
    وإللي يقول أنا شُفْتُه اليوم = واللي يقولك أنا شفته اليوم ( أري حرف الكاف زائد والكلمة تثقل به )
    حديد في حديد الشكل جديد = وحديد في حدي .. الشكل جديد ( لاخلاف أبدا على ماجاء منكم )
    والقاعة مليانة وزحمة في الهم تْتُوه = والقاعة مليانة وزحمة قوي في الهم تْتُوه ( أري إضاقة كلمة قوى زادتها ثقلا وأتمناها خفيفة )
    أول ما دخل .. الكل وقف وبيحيوه = أول ما دخل .. الكل وقف له وبيحيوه ( رأيكم أدق وأصوب )
    بدايات ثورة إبتدا في ميدان = بدايات ثورة إبتدأت في ميدان ( أتحدث هنا عن المشهد وأذكر أنه ابتدا في ميدان فلاداعي للتأنيث )
    المشهد إنتهى بتنحي لرئيس سابق = المشهد وانتهى بتنحي لرئيس سابق ( الواد زيادة أرى لا فائدة من إضافتها )
    ويهدا البركان = وعشان برضك يهدا البركان ( أراها كما جاءت بالقصيدة )
    كان لازم نستنى شهور = كان لازم يستناله شهور ( أراها كما جاءت بالقصيدة فالمقصود هنا كل المصريين لذا كتبتها نستني )
    جايز من بعده مصر هتهدا = جايز مصرنا بهد هتهدا ( أري رأيكم أفضل وأصوب )
    لكم خالص المودة والتقدير والإحترام وأسعد كل السعادة بمروركم الكريم وأتمنى عليكم أن تعودوا لجميع قصائدي ومنشورة بديوانين الطير اشترى حريته وعاشق وطن فيهما اكثر من سبعون قصيدة نشرت عن الثورة جميعا ومابها من أحداث لتتيقني أني مع العدل لا الشفقة في غير موضعها ومع الحق الذي أمرنا الله تعالى به وماكتب أحد من شعراء العامية في مصر ولا نشر له قدر مانشرت والحمدلله تعالى خاصة أني عشت الثورة جميعها في قلب الحدث ولم أنفصل عنه ولو لحظة والحمدلله تعالى , تقبلي مرة اخرى عميق شكري ومودتي وإحترامي
    أسعد الله أوقاتك ايها الكريم
    الحقيقة أن ما اقترحت أنا من تعديلات جاءت متعلقة باللحن لا بالمعنى، فالمعنى كان جميلا ومتكاملا والنص محبوكا
    إنما كان تعثر ذائقتي متعلقا بالموسيقى، ولعل هذا عائد لعدم تشكيل الكلمات، مما يجعل قراءتها خصوصا لغير المصري تخرج احيانا عما أراده الشاعر

    أتمنى أن لا تكون مداخلتي ساءتك
    وما ابديت رايي إلا ثقة بسعة صدرك


    وتبقى القصيدة رائعة

    تحيتي

    دمت بألق

  8. #8
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.05

    افتراضي

    اقتباس المشاركة الأصلية كتبت بواسطة ربيحة الرفاعي مشاهدة المشاركة
    أسعد الله أوقاتك ايها الكريم
    الحقيقة أن ما اقترحت أنا من تعديلات جاءت متعلقة باللحن لا بالمعنى، فالمعنى كان جميلا ومتكاملا والنص محبوكا
    إنما كان تعثر ذائقتي متعلقا بالموسيقى، ولعل هذا عائد لعدم تشكيل الكلمات، مما يجعل قراءتها خصوصا لغير المصري تخرج احيانا عما أراده الشاعر

    أتمنى أن لا تكون مداخلتي ساءتك
    وما ابديت رايي إلا ثقة بسعة صدرك


    وتبقى القصيدة رائعة

    تحيتي

    دمت بألق
    أستاذتي المفضالة الكريمة
    حاشا لله تعالى أن يضيق الصدر بمقامكم وتمنيت عليكم قراءة ماقبل ردكم الكريم مني فستجدين حرجى وإعتذاري وخجلي من الرد على قامتكم بوجهة نظر تلميذ لأستاذه فلكم كل المودةوالتقدير والإحترام
    دمت بكل خير وحفظ من الله تعالى

المواضيع المتشابهه

  1. صفحات من تاريخ الثورة السورية 2011 \ 2012/2013
    بواسطة نادية بوغرارة في المنتدى الحِوَارُ السِّيَاسِيُّ العَرَبِيُّ
    مشاركات: 6307
    آخر مشاركة: 14-10-2014, 10:51 PM
  2. قصيدة : مخطوفة ليه تاني ؟ !
    بواسطة د هاني ابوالفتوح في المنتدى أَدَبُ العَامِيَّة العَرَبِيَّةِ
    مشاركات: 3
    آخر مشاركة: 25-02-2013, 01:59 PM
  3. وداعاً 2011
    بواسطة سامية الحربي في المنتدى الاسْترَاحَةُ
    مشاركات: 17
    آخر مشاركة: 02-01-2012, 06:28 PM
  4. أشهر عبارات عام 2011
    بواسطة زهراء المقدسية في المنتدى الاسْترَاحَةُ
    مشاركات: 13
    آخر مشاركة: 01-01-2012, 05:01 AM
  5. معرض ثورة 25 يناير 2011 بالمنصورة
    بواسطة محمود سلامة الهايشة في المنتدى الاسْترَاحَةُ
    مشاركات: 1
    آخر مشاركة: 28-03-2011, 07:06 PM