الكاميرا الهَفِية

اللقطات اللي واخدينها..
نُصّها مش ثورية..
والأبطال أنا وانت وهي..
وكتير زقّوا إيدينا فـ نارهم
وإيديهم كانت في المية..
عشنا حاجات أغرب بكتير م اللي بيحكوها
في الكام فيلم وكام أغنية..
قناص الإعلام ع الشاشة بيتشقلب
على حبل النشرة يعلمنا أصول المدنية..
على نفس الشاشة اللي اتعزلت بيها بيوتنا..
وقت ما حبوا يغَمّونا وشفنا العسكر في الداخلية..
زقوا علينا الحرامية..
سرقوا العيش والحرية..
على نفس الشاشة الموجة بتجري ورا الموجة
عايزة تطولها..
والراكب فوق الموجة بيزلزلها وأهو سِحر بسِحر
قلنا له خُد انت الموجة
أصل احنا البحر!
وعلى الشط كراسي المجلس
للي هيبني قرار في النور.. مش للي فـ جُحر
والدُّستور طبعا يا اسيادي..
لو كان تورتة بحادي وبادي..
يبقى بلاها الشعب يفوَّض..
والفئتين مع أول جولة هتخرُج منهم
واحدة تقول لك:
خسران؟.. عَوّض
الدستور أول ما هننوي كتابته هنقصد
ناخد مادة من الناحية دي
وكمان مادة من الناحية دي
والدستور الفاخر يكسب..
مش شرط انه يدادي ويعجب لادي وَلا دي
فكَّر.. فكَّر
قال لك لسة المادة دي طَبّة
وكمان عايزة تنقص حَبّة
واللي مدايقُه البند أكيد حالف ما يسيبه..
ويحاول..
ماهو بُكره يجيب الديل من ديبه!
طول ماهو أصلا متسلح بعلُوّ الصوت..
بردو هيفْضل
كسلان جدا
كسلان "نُخبة"..
كسلان موت!

محمود موسى
7/8/2011

والدُّستور طبعا يا اسيادي..
لو كان تورتة بحادي وبادي..
يبقى بلاها الشعب يفوَّض..
والفئتين مع أول جولة هتخرُج منهم
واحدة تقول لك:
خسران؟.. عَوّض
الدستور أول ما هننوي كتابته هنقصد
ناخد مادة من الناحية دي
وكمان مادة من الناحية دي
والدستور الفاخر يكسب..



اخي الحبيب الواعي الشاعر محمود موسى
اغبطك على انطلاقك الشعري والشعور والوعي واليقظة
رائعة وربي
من افضل شعرائنا في العامية اخي الحبيب
اتم الله عليك فضله و نعمته
دائما تعيش همنا لحظة بلحظة فازاح الله الهم واكمل لنا بما يرضيه امين
دمت مبدعا لوبيدي ثبتها فكرة ومضمونا ومعالجة ولا اسهل ولكن اثبتها بقلبي اخي

كلمات تدخل القلب وكما يقولون اخواننا المصريون كلام حق يعشش في النفوخ
نسأل الله لمصر الحبيبة كل الخير

لقطات كلها طبيعية جعلت من الكاميرا الخفية معاني مهمة وليست هفية
رائع جدا شاعرنا الفاضل لك مقدرة عالية على توظيف الكلمة وتوصيل الهدف
دمت مبدعا
تحيتي

الكاميرا مرهفة ذكية ، تصور بدقة عالية .

المبدع محمود موسى

بوركت و حرفك الشاعر .

أستاذي / محمود مرسي
سعيد بمعرفتك من خلال الاستماع لحرفك المميز
قصيدة تنم عن وعي في قراءة الأحداث
بورك سعيك
تقبل مروري، ولك مني
خالص التحية

أحسنت فيما قلت وأجدت
الأمور واضحة لذي عينين .. أقول : لذي عينين ..
فما عدد من له - حقيقة - عينان؟؟!!

حروفك عدسة كاميرا عالية الضبط لكن ..

المَشاهد والمُشاهد دول هفيّةْ
والنفوس هادية ورضّةْ
والعيال المفتريّةْ
واقفة بالدور للخراب


نص جميل شاعرنا
لا فض فوك

تحاياي