راجعــــــــــــــــه ليــــــــــــــه
لسه راجعه بالامانى
لسه راجعه من بعيد
لسه شايفه الورود
والجمال مالوش حدود
لسه جايه تقولى حبك
لسه يجرى فى وريدى
افتكرتك فى بعادى
افتكرت انك حبيبى
لسه راجعه تقولى أسفه
كنت غلطانه فى هجرك
لسه فاكره أن حضنى
لما هيشوفك يضمك
راجعه ليه
بعد ما الجرح بقساوته
كنت قربت احتويه
بعد ما العمر وغلاوته
عدى منى ونستيه
راجعه تبكى
وتشكى حالك
راجعه مكسوره ف دلالك
ولا مغروره بجمالك
حاسه إن مفيش بديلك
وحاسه إنى هنحنيلك
وأبكى على كتفك واشيلك
بين رموشى واواسى ليلك
وارجع اغزل الضفاير من شعورك
لا ياشاطره الضفاير حلتيها
وبأرادتك
وبحنانك فوق كتافوا بلتيها
ومش هسامحك
بعد ما روتيه من جنانك
راح وخانك
جيتى تبكى وتشكى حالك!!
راجعه ليه؟
لجل ما هطبطب واحايل
لجل ما اعملك طبيب
وف جروحك اعيش مداوى
فاكره إنى لسه غاوى
فاكره إنى طير برىء
لسه بيغنى الغناوى
لسه عشه فيه حكاوى
يحكيهالك
طير برىء ولسه هاوى
يطير بعيد فوق بحورك
يجمع الزهر الرقيق
ويهديهولك
راجعه ليه؟
راجعه منتظره وصالك
طاب ومالوا
بس لاول
رجعيلى قلبى تانى للحياه
بعد ما اتحجر وتاه
رجعيلى سنين قضيتها ب اشتياق
رجعيلى عمرى تانى كام سنه
بعد منك عشت ذل مفيش هنا
رجعى الفرحه العنيده والمنى
رجعيلى حلمى ايام الشباب
شعرى شاب من عمايلك
والمرض جانى رسايل من رسايلك
جسمى بعدك صار عليل
واللى شفتوا مش قليل
رجعيلى بسمتى للدنيا تانى
رجعيلى نبض تانى فى وريدى
رجعيلى روح بسيطه جوا منى
من عمايلى بعد منك بتخاصمنى
من عمايلك كل اهلى راحوا منى
بعد منك عشت طيف
والكلام والمحبه سراب وزيف
فراجعه ليه؟
راجعه فعلاً للوصال؟
ولا راجعه للمحال؟
شايفه ايه من امامك
شايفه إنى لسه عايش
ولا راجعه تعزى فيا
بس لسه نفسى اقلك
كان عزائى من سنين
ولا اقلك مش قضيه
ارجعيلى فذكرى تانيه
سنويه
ودارى دمعك والحنين
وعزى فيا
مع تحياتى
محسن البدراوى
رد مع اقتباس
المشاركة الأصلية كتبت بواسطة ربيحة الرفاعي
