قاعدن بصدر المجالس ثرثار مشهور
الكل يعرف تنطعه و سوالفه الكذابة
مغامراته و اخبار الافك و الزور
مبثوثتن بكل بيت بين شيبه و شبابه
أنا سويت , أنا كنت ,أنا صرت , أانا المنذور
كلمة أنا , تزخرفت بين حلقه و سنه و نابه
ما يخلي بالثرثرة والسوالف للناس دور
ولا يحسب لمجلس الرجاجيل اذا قعد حسابه
ولسانه بصوت عال ينخر اذان الناس وشعور
يجرح ماهو بسائل المهم يرمي صوابه
وف ليلتن تنحسب من بين الليالي شهور
اراد رب الكون فيهابحكمته يوريه كتابه
كان في الجلسة شاب غريب مغمور
ساكتن يسمع هرج صاحبنا بغرابه
لابس حضري وعليه هالة ٍ من نور
لبس الصمت و اختار احسن ثيابه
وشيخ القوم ينظرلذاك الشاب بسرور
يبي يعطيه روحه من كرمه يقدمها صبابه
ياشر بغمزة من عينه صوب هالشحرور
اللي عجعج المجلس بصوته و رطبه بلعابه
و فجاة و بدون أي سابق مقدمة ونذور
التفت نحوذاك الشاب و صوب صوابه
من انت يا ولد ال قاعدن بصدور ؟
المجالس تبي شيبان تا تعطر عتابه
شكلك غريب ومن ديرتك مطرور !؟
تدور عن حمى , أو لعلك تدور طلابه
المعزب قام غضبان هايجن كالثور
لو ماذاك الولد امسك يده و جلبابه
ارخصللي يا شيخ ارد عل المذكور
وباذن الله ما اتخطى من الادب بابه
هو لك يا شريف و انت ترا معذور
براقش عل نفسها جنت هات سمعني عتابه :
يا لابسن شماغ العز و مثبته بخابور
ومشلحن عيرة عدتك عدة ناس نصابه
من يلبس ذا اللباس لابد يكون منظور
بهيبة ووقار تحترمه الناس و تحــبه و تهابـه
الانسان بمعدنه ما هو بلباسه يامجرور
بباء زايدة واكيد مالك بالنحو ولا باعرابـــــــه
انا مادامك سالت :ابن بيت النبي المنصور
طه يلي ربي عليه صلى بمحكمه و كتابه
ابن هاشم ابن مضر هل فتفت الخبز بقــــدور
ومارد حد عن بيت الله حجاجه و طلابــه
جدي ابو الحسن الصحابي و الاسد الجسـور
الي شال حصن خيبر وكسر فوق اليهود بابــــه
وازيدك يا شايبن من البيت شوي سطـــــــــور
الفخر بالاخلاق مو بالبيت و باهله و انسابــــه
الفخر ان تصون لسانك عن لغو و شــــــرور
حيث الوقار عند الخلق معروفتن اسبابــــــــه
الزين من قال يا رب انا فقــــــير انا مـســـتور
متعني بعقلي لا تضيع حكمته وتفقدني صوابه
هاذي بلادي و ما جيتكم طالبن ولا جيت مقهور
جيت اعود هلي و يا حليل من زار هله و غيابه
وان تبي تجلس بصدر المجلس هيا يا بـــــــدور:
هات يا ولد دف لعمـك , أو أقلك عطني ربابــــة