أحدث المشاركات
النتائج 1 إلى 4 من 4

الموضوع: قصيدة : شيلوا السفارة من هنا

  1. #1
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.07

    افتراضي قصيدة : شيلوا السفارة من هنا

    شِيلُوا السِفَارة مِن هِنا !
    ياللي بإيدكوا تقرروا وتعمروا
    وتغيروا
    كان يجرى إيه قبل البنا وتفكروا
    دلوقتي جه وقت العتاب
    لكن حقيقي .. أعتب في مين ؟
    وألوم في مين ؟
    وأفتح لمين كشف الحساب
    .........................
    ياه ... على السنين
    لما تِمُر بعمرنا
    لما أفتكر أيام جميلة
    بتتسرق من وسطنا
    مابين دراستي ومسكني
    أحلام كتير بتضمنا
    الكوبري دا أنا فاكره أيام الشباب
    .........................
    أنا من زمان .. فاكر المكان
    دا في قلبي كان
    وبفتكر أما إتسرق منا الفرح
    قالوا السفارة تكون هنا
    قلبي إنْجَرَحْ !!!
    الجرح زاد من وقت مارفعوا العلم
    يوم م السفارة بتتفتح
    ساعتها حسيت بالألم
    ولسه طعمه جوة قلبي في يوم ماغاب
    ........................
    بس الألم دا أكيد في يوم وله نهاية
    يا إما أموت بالألم وبحسرتي
    أو يرجع الكوبري لنا زي زمان
    ومعاه تعود حريتي
    وأمشي عليه في نفس المكان
    من غير قلق من أي خوف
    من نظرتي لْعَلَمْ الكِلاب
    .......................
    ياه بعد السنين دي كلها
    نفس المكان بقي مشكلة
    بقى معضلة
    بقى ذكرى سودة نسيبها ليه
    ونشتكي ليه م العذاب ؟
    ............................
    شيلوا العَلَمْ .. حُطوا العَلَمْ
    زيدوا الألم
    بس الألم دا من سنين وبيتظلم
    إبنوا الجِدار .. هِدوا الجدار
    لكن هيطلع يوم علينا نور النهار
    .......................
    العيب في مين ؟
    في الشعب دا .. المصري الحزين
    وللا هنا في ظلم السنين
    وللا في الخير اللي غاب من وسطنا
    وِزَرَعْ بدال النور حِصَارْ
    ......................
    الضلمة كانت من زمان
    من يوم ما غاب بينَّا الأمان
    بس الحقيقة اللي أكيد بِتْلِمِّنا وتْضُمِّنا
    إن اليهود هيفضلوا طول عمرهم
    في القلب نار
    كان إيه قولولي لزمته نبني الجدار
    .............................
    متعرفوش إن الجدار في قلبنا
    متعرفوش إن الألم مزروع هنا
    متعرفوش إن الجروح جوة الصدور
    وبتتروى من دمنا
    متعرفوش إن إحنا راضعين كُرْهُهُم
    ويا الحليب من صغرنا
    ...........................
    سامعين يا أصحاب القرار
    رسالتنا وصلت عندكم
    كان ليه بقى تبنوا الجدار ؟
    بتبنوا إيه وبتحموا إيه
    ما أكيد في يوم لازم نثور
    حالفين لترجع قدسنا
    إحنا العروسة والعريس
    والمهر إيه ... ؟
    ما المهر عارفين من سنين
    الأرض دي مابيرويهاش غير دمنا
    روحوا إسألوها تقول لكم
    الحل إيه ... ؟
    تحققوا لنا حلمنا
    . شيلوا السفارة من هنا
    . شيلوا السفارة من هنا
    شعر د. هاني أبوالفتوح
    الكويت - الجمعه 9 سبتمبر 2011

  2. #2
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 9.15

    افتراضي

    سلم لسانك ولا فض فوك أيها الشاعر المبدع

    لم أقرأ لشاعر في العامية مواكبة للحدث بسرعة مواكبتك
    سبحان من أنعم عليك بهذه المهارة

    دمت بألق
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  3. #3
    الصورة الرمزية آمال المصري عضو الإدارة العليا
    أمينة سر الإدارة
    أديبة

    تاريخ التسجيل : Jul 2008
    الدولة : Egypt
    المشاركات : 23,643
    المواضيع : 386
    الردود : 23643
    المعدل اليومي : 5.41

    افتراضي

    ماشاء الله تبارك الرحمن
    مطولة بديعة سايرت الحدث في حينه
    بحرف ألق ونغمة محببة
    دمت شاعرنا المكرم بروعة وبهاء
    ومرحبا بك دائما في ربوع الواحة
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  4. #4
    الصورة الرمزية نداء غريب صبري شاعرة
    تاريخ التسجيل : Jul 2010
    الدولة : الشام
    المشاركات : 19,097
    المواضيع : 123
    الردود : 19097
    المعدل اليومي : 5.26

    افتراضي

    الضلمة كانت من زمان
    من يوم ما غاب بينَّا الأمان
    بس الحقيقة اللي أكيد بِتْلِمِّنا وتْضُمِّنا
    إن اليهود هيفضلوا طول عمرهم
    في القلب نار
    كان إيه قولولي لزمته نبني الجدار

    قصيدة رائعة

    شكرا لك أخي

    بوركت

المواضيع المتشابهه

  1. أمسية شعرية في السفارة المصرية بالرياض
    بواسطة د. حسين علي محمد في المنتدى الاسْترَاحَةُ
    مشاركات: 4
    آخر مشاركة: 26-10-2006, 06:35 PM
  2. السفارة الأميركية ببغداد.. دولة بحجم الفاتيكان مساحة وأسرارا
    بواسطة عدنان أحمد البحيصي في المنتدى مُنتَدَى الشَّهِيدِ عَدْنَان البحَيصٍي
    مشاركات: 0
    آخر مشاركة: 16-04-2006, 02:05 PM
  3. شيخ السفارة ....
    بواسطة ايمن اللبدي في المنتدى الشِّعْرُ الفَصِيحُ
    مشاركات: 4
    آخر مشاركة: 26-02-2003, 09:41 PM