امسك فلول....ههههههههه

فى صفحة على الفيس بوك اسمها((امسك فلول))عجبتنى جداااا
فقررت انى اعمل حاجة اهداء للصفحة دى...

امسك فلول واطى
شيخ منصر بطاطى
عالى بس خاطى
يتحامى فى النبوت

امسك فلول متبلطج
سيف مطوة متبنطج
اوعى تفضل تتفرج
ولا يهزك اخطبوط

امسك فلول متظبط
بفلوسنا يتزقطط
كعب داير يتنطط
ينهب فى البيوت

امسك فلول اجرب
تيس كبير متعقرب
بقرونه الكل متكهرب
سايب ماهوش مربوط

امسك فلول الحزب
ملعون ابو دا حزب
شبعنا منهم كذب
وكلام انشى وملتوت

امسك فلول الباشا
ابو كرش ع الشاشة
ابو ضحكة نغاشة
ابو شكل مكبوت

امسك فلول العبيط
سرقنا بالغبيط
والفرح بقى صويط
ولا عتشى حد مبسوط

امسك فلول منافق
فى ديل الكلب لازق
نجس نجس مش فارق
هيكون فين محطوط

امسك فلول بيفتى
بيضيع قتك ووقتى
بالقذاره متغطى
ياريت ينضرب شلوط

امسك فلول الوطن
عدت ليالى المحن
ومعاها سيل الفتن
واليوم هكون مبسوط

أضحكتني يا صلاح من قلبي..إمسك فلول!! ههه
‏...
تلاقيه مستخبي ورا الباب
الكرسي والمعوذات يعيد ويقول
هو ده طبع كل جبان كداب
يقول سحرولي والمسحور مغلول
علشان ما يقولش الشعب غلاب
واليوم يومك يا كل فلول
‏"من وحي حضرتك"ههه

سلمت يمناك
محبتي والتقدير

أضحكتني يا صلاح من قلبي..إمسك فلول!! ههه
‏...
تلاقيه مستخبي ورا الباب
الكرسي والمعوذات يعيد ويقول
هو ده طبع كل جبان كداب
يقول سحرولي والمسحور مغلول
علشان ما يقولش الشعب غلاب
واليوم يومك يا كل فلول
‏"من وحي حضرتك"ههه

سلمت يمناك
محبتي والتقدير

استاذ ماهر ....اشكرك بشده على تعليقك ومشاركتك الفنية الجميلة وفعلا ده طبع كل جبان كداب
ونتمنى ان نراك دائما....