اللهم لا اعتراض
اللهم لا اعتراض
رحل عني كل الاحباب
قلت رحماك رب العباد
حكمتك تختبر صبري بهلبتلاء
عودت نفسي الصبر وكثر الدعاء
وناجيتك يا الهي
يا خالق الارض والسموات
رحمتك وسعت كل شيء
يا مجيب الدعوات
انا لحكمك راضي
وبطريق الايمان ماضي
البيت عليا فاضي
والحياة طعمها مرار
ودمعي عخدي مدرار
القلب حزين والفكر دوار
وحشوني وحشوني الغايبين
اشتاق اضمهم بحب وحنين
اسمع همسهم التفت ناحية الشمال
والتفت ناحية اليمين
وافتكر انهم هناك ..هناك راقدين
بجنة الرحمن مطمئنين
وتطلع من روحي الآآآآآآه آهاااااااااات
تساندها دموعي
وحرقة قلب ام بتعيش الويلات
أم فقدت اولادها الاثنين
الضنا غالي
والفراق بحرق قلبي
وبيشعل ناري
ادخل غرفتهم ..احضن لعبهم ..
اشم ثيبهم ....اكلم صورهم
هنا ناموا ...هنا قاموا ...هنا ضحكوا
هنا لعبوا ...وقالولي انتِ احلى ماما
انتِ نور القلب
اتحسس بوستهم عالجبين
واكحل ذكرياتي معهم بدمع العين
وارجع واحتسب
استغفر واقول
الصبر يا ربي الصبر
الصبر اجيبه منين
من قلب خاشع
لرب العالمين
ومن نفس مطمئنة
انهم احباب الله
مثواهم جنات النعيم