أحدث المشاركات
النتائج 1 إلى 4 من 4

الموضوع: قصيدة : كام سنة ملحمة

  1. #1
    الصورة الرمزية د هاني ابوالفتوح شاعر عامية
    تاريخ التسجيل : Mar 2011
    المشاركات : 252
    المواضيع : 87
    الردود : 252
    المعدل اليومي : 0.07

    افتراضي قصيدة : كام سنة ملحمة

    كَامْ سَنَهْ مَلْحَمَةٌ
    كام سَنَةْ عَدتْ عَلى بْلاَدِى
    كام سَنَةْ لِسَةْ وِقَلْبِى بيِنَادِى
    بِيقُول يَا أُكْتُوبَر … إِرْجَعْ
    ِعِيـدْ .. فىِ أَمْجَادِى
    أَنا مَجْدِى كَانْ عَالِى
    يُومْ سِتَةْ مُشْ عَادَى
    …………………
    يُومْ مَاوقَفْ فُوقْ اِلْقَنَال
    وَلَـدْ … مِنْ أَولاَدِى
    رَاضِعْ حَلِيبْ .. بَلَدُهْ
    وِ جَاىْ لِى فِى مَيعَادِى
    سَأَلْتُهْ … رَايِحْ فِينْ ؟
    قاَلْ لِى بَجِيبْ مَهْرِكْ
    اِلْمَهْرْ أَهُو قُصَادِى
    شَطْ الْقَنَالْ يَابَلْـدْ
    دَا غَايْتِى .. وِمُرَادِى
    قُلْتْ فْ طَرِيقَكْ نُورْ
    وَمَلايَْكَةْ … بِتْنَادِى
    عَ اْلْلِىِ . رَفَعْ عَلَمْ
    فُوقْ سِينَا وِيْهَادِى
    …………….
    اِلْجَنَةْ … يَاوَلـَدِى
    مَفْتُوحَةْ … عَلَشَانَكْ
    وِرَبِْنَا … رَاضـِى
    عَ اْلْلِىِ مَسَكْ سِلاَحْ
    وِرَدْ كِيدْ .. عَادِى
    يْحَرَرْ اْلْلِى إْنْكَسَرْ
    فِى قَلْبِى… وِفُؤَادِى
    ………………
    قَالْ يَابَلَدْ .. أَفْدِى تُرَابِكْ
    بِرُوحِى . بِدَمِى بِأَوْلاَدِى
    يُوُمْ …… سِتَةْ أُكْتُوبَرْ
    يُوُمْ تَارْنَا مِ اْلْظَالِمْ اْلْبَادِى
    اِلْلِى غَصَبْ .. أَرْضِنَا
    فُوقْ سِينَا وِاْلْجُولاَنْ
    وِاْلْقٌدْسْ … وِاْلْضَفَةْ
    وِفْ غَزَةْ .. وِاْلْوَادِى
    اِلْيُومْ دَا رَاحْ .. يِنْكَسَرْ
    وِقَلْبُهْ رَاحْ .. يِنْحَسَرْ
    يِشُوفْ مَهَانَهْ .. وِذُلْ
    يُومْ خَمْسَةْ بَقَى مَاضِى
    ………………
    خَبْطْتْ يُومْ عَلى بَابها
    كان نِفْسى . أَخْطُبها
    قَالوا مَهرَها .. غَالى
    قُلْتْ مَافى أَغْلى
    مِن مَهْرك يامصرْ
    ……………..
    لَو مَهرها .. عُمرى
    وِنِجْم فُوق .. عالى
    أَوْصَل لِلْسَما السابعة
    أَجِيبُوا … بِيلالى
    وَأبنى لْها فى قلبى
    بَدل الجدار قَصرْ
    …………….
    وِحِتَة … م الجنة
    أَجْرِى لْها وأَتحنى
    أَسْتنى … أَفْراحها
    مِ اْلْفَجر . للعَصرْ
    ………………
    قَالُوا لىِ دِى .. مَهْرها
    تِحَرر تُراب .. أَرضَها
    قُلتْ أَعَاهدِك يَابلدى
    مَاأْرْجَعْلِكْ إِلا وِيَدى
    رَافعة رَايَاتْ النصرْ
    ……………..
    سَاعتها … أَنا هَأَرْسم
    زَهرَة … عَلى جِبينك
    وأَقول . تِعيشى يَامصر
    أَقول ..تِعيشى يَامصرْ
    ………………
    فَاكرِين يَاناس يُومهَا ؟
    وَ لاَ اْلْزَمن . نَسَىَ ؟
    لَو تِنْسُوا تَلاَتِين سَنَة
    أَنَا قَلْبى … أَنا لِسَة
    بِيْعِدْ ….. لَحْظِتْها
    بِالثَانْيَة .. وِاْلْهَمْسة
    ……………...
    اِلْحُزْن كَان ..طَاغى
    فى قَلبنا ..… كُلِنا
    نِسْتَنى . سِتْ سِنين
    كَانِتْ . بملْيونْ سَنَة
    نِصْحَى على أَحزان
    وِنْبَات ... مَع هَمِنا
    …………….
    قُلنا هَنُعْبُر ... يُوم
    تِرجَع لنا .. أَرْضِنا
    اِلْكُل قَال مُستحيلْ
    اِلْيأْس … مَاهَدِنا
    قُلنا هَنشكى لِمين
    غِيرُهْ الكَريم رَبِنا
    وِنْجَهز .. العِدَة
    عَلشان عُبُور شَطنا
    …………….
    قَالوا هِناك .. سَاِترْ
    وِخَط … هَيرُدِنَا
    قُلنا اللِى يُسْتُر كِبير
    بَارليفْ . دَا مَايهمنا
    وَقْت العُبور لَو أَذَنْ
    شِعَارنا مع فَرضِنا
    بِسم الإِلهْ الكَريمْ
    اللهُ أَكبر . تِزَلزِلْ
    كُل عُروش الكُفر
    تِنْصُر قُلوب مُؤمَنة
    ……………
    كُل القُلوب وِقِفِتْ
    تِسْتَنى … لحظتها
    أَنا كُنت حَاسس بِبَلدى
    حَاسس .. بِحَسْرِتها
    وِهىَ شَايفَة بْعِنِيها
    سِينا … وِلَوْعِتها
    مِتْدَنسة من خَسيس
    مُجْرِم … وِجِه بيتها
    ………………
    قَام جَالُه وَاحِد . بَطَل
    فِ إِيدُه … شَمْعِتْها
    وِيِحْرَقُه . فُوقْ تُرابهَا
    رَجَعْ .. شَرَفْ بَلَدِى
    رَدْ لْهَا … فَرحِتْها
    ………………
    يَاشَط سِينا … يَاعالى
    إِشْهَد …وِقُول الحَقيقة
    اِحْكِى لْنَا عَ اللِى حَصل
    أَبطَال … قُلوبها جَريئة
    اِلْخُوف مَاغَير طَريقْهَا
    لِ لحظَة .. وَ للاَ دِقِيقَة
    كُل أَمَلْها . تِعَـدِى
    قَنَالنا . كَانت غَريقة
    فى إِيد اليَهُود اللِى غَدَرُوا
    خَلُوا مِياهْهْا البَريئة
    عَشَان مَانِقْدَرش نُعُبر
    مَزْرُوعَة تَحتْ بِنَابَالم
    لمَا نِفَكَر … نِعَدِى
    يِقْلِبْ مِيَاهْهْا لْحَريقه
    ………………
    يَارَمْل سِينا . يَارَمْلى
    إِشهَد وِقُوم قُولْ لِنا
    عَ اللِى حَصَل فُوق تُرابك
    وَلاَ شَافُهْ … غِير رَبِنا
    كَان فِيه هِناك كَام بَطَلْ
    ضَحُوا … بِأَرواحهُم ؟
    عَشَان . تِعِيش مَصرنَا
    ……………….
    عَاشْ البَطَل . اللِى عَبرْ
    اِبْن الهَرم … وِالنِيلْ
    وِدَمُه فُوق أَرضْ سِينا
    شَاهِد عَلينا ... دَليلْ
    بِيقُول لَو اِحْنا نَوينَا
    نِعَدِى لِلمُستَحيل !!
    يُوم العُبور يَـابَلَد
    كَان يُوم مَالهشِ مَثيل
    ………………
    كُلَتْنا .. يُوم العُبور
    وَاقفين .. مَع بَعضنا
    مِين اللى كَان يُومْهَا
    يِقْدَرْ . يخون صَفنا
    فَاكرين دَا يُوم الحربْ
    مَاكَانِتْشْ … دِى حَربنا
    اِلحرْبْ كانت فى سُوريا
    وِمن المحيط لِلخَليجْ
    اِلْنَارْ بَدْت ... مِن هِنا
    بِشَرارة .. أَطْلَقها قَائِد
    قَالْ … القَرارْ صَدَرْ
    صَدَر القَرارْ … رَبنَا
    ………………
    وِقَام سِلاَحْ .. طَيارَاتُه
    الكُل .. وَاهِب حَياتُه
    حَالِفْ .. لَيِحْمِى سَمَانَا
    وِنَارْ ..عَلى الِلى عَادَانا
    بِيقُولْ دَا يُومِكْ يَامصْر
    ………………
    بلـدنا ... لماَ شَافِتْهُم
    نُسُور ..وفى الجَو عَالية
    وأسود على البر غالية
    وبحارهَا آمْنَة وخَالية
    قالت ..دا يوم النصر
    ……………..
    عَاشِت قُلوب مُؤمنة
    عَاشْقَة تُراب أَرْضِنا
    خَلَتْ بَلَدْنا . تِنَام
    نَامِتْ … وِمِطَمِنَة
    وَاللهِ لُولاَ .. أَمِرِيكَا
    لَ اْلْقُدس رِجِعِتْ لنا
    ……………..
    اِلْكُل كَانْ وِجْهِتُه
    يِدْعِى يِقُول يَارَبْ
    دِلْوَقْتىِ لِيه يَابَـلَدْ
    مِتفَرقِين كُلِنَا ؟!!
    نِسينَا ؟ وَ لاَ خَلاصْ
    اِلْعَزم رَاح مِننَا ؟
    ………………
    يَارَبْ أَدعِيلَك إِنْتَ
    تجازِى كُل اللِى عَبَروا
    وِحَاربُوا فُوق أَرضْ سِينا
    أَو خَطَطوا لْها وِصَبروا
    دِلوَقتى .. لماَ أَشُوفْهُم
    قُصَادى بَعد مَاكِبرُوا
    اَدْعى . وَأقُول يَارَب
    بَارِكْ فىِ أَعْمَارْهُم
    بِحَقْ حَبَاتْ . عَرِقْ
    نِزِلِتْ على جِبِينهُم
    يُوم العُبور . الكبير
    اِجْعَلها حَبَاتْ نُورْ
    تِنَوَر فىِ مِشْوارهُم
    واجزيهُم عَنَا بجنَة
    نِعْمَة عَلى عُبورهُم
    …………….
    وِإحْنا هِنا نِفْضَل
    أَجْيال ورا أَجْيالْ
    مَنْ بَعْدِنا يِـِجِى
    أَجْيال كِتِير طَالْعَه
    نِقِيد .. لأكتوبرْ
    شَمْعَة وَرا شمْعَة
    دَا شَمعِتُه مِن سِنين
    فىِ قَلبِنا … وَالْعَه
    مِنْ وَقت أَولْ بَيَانْ
    نِزِلِتْ مِعَاه دَمعه
    كانت دُموع الفَرح
    تِنْزِل .. على خَدْى
    حَسيتْ سَاعتها بِفرحة
    وِقُلْت مِين أَدْى ؟
    حَسيت فى يُومهَا بملاَيكَة
    إِدِيها . فى . يَدِى
    ……………..
    وِلَقِيتْنى قَاعد . بَأسَبْح
    فىِ مَنامِى وِ فْ هَمْسى
    كاَن البيَان . لماَ يِطْلَع
    يِمْحِى ضَلاَم . أَمْسى
    اللهَ يِبارِك …
    فىِ يُومْ سته ... يوم عشرة
    يُومْ فَجْرِى ... يُومْ شمسِى
    د. هانى أبوالفتوح
    تمت بحمد الله تعالى
    ملحمة كتبت في الكويت يوم 6 أكتوبر ‏2003

  2. #2
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 9.15

    افتراضي

    السادس من اوكتوبر
    يوم حفظنا من الشعر ما قيل فيه منذ طفولتنا وعن شعور بروعة الحادث لا عن وعي له

    " في عز عز النهار بالنار عدّينا
    وعلّينا رايتك هنا يا مصر بايدينا
    وقف التاريخ يبص لك يوم ستة مستغرب
    إزاي بغمضة عين سلمنا على سينا
    صبرك يا منعم دي رجالتك هنا بتضرب
    بكره نجيبلك شمعتين من سانت كاترينا"
    كانت تلك فرحة سبقت أوهام السلام

    تحيتي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  3. #3
    الصورة الرمزية آمال المصري عضو الإدارة العليا
    أمينة سر الإدارة
    أديبة

    تاريخ التسجيل : Jul 2008
    الدولة : Egypt
    المشاركات : 23,643
    المواضيع : 386
    الردود : 23643
    المعدل اليومي : 5.41

    افتراضي

    هي ملحمة النصر
    أتذكر الفرحة حينها ارتسمت على كل الوجوه البريئة التي لاتميز الحدث ولكن استشعرتها من وجوه الكبار
    كان السادس من أكتوبر أسطورة القرن
    نص فاره بديع شاعرنا المتألق
    تحيتي الخالصة
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  4. #4
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,901
    المواضيع : 538
    الردود : 10901
    المعدل اليومي : 2.28

    افتراضي

    قَالْ يَابَلَدْ .. أَفْدِى تُرَابِكْ
    بِرُوحِى . بِدَمِى بِأَوْلاَدِى

    تعيش وتفتكر يابو قلب بينور
    و اللي ملوش ماضي ابدا م يتحضر
    تحياتي ايها الرائع
    فعلا كانت ملحمة تمنينا جميعا لو اكتملت ما انتقصت
    تقديري د هاني لهذا الجمال والروعة

المواضيع المتشابهه

  1. قصيدة : كام سنة ملحمة
    بواسطة د هاني ابوالفتوح في المنتدى أَدَبُ العَامِيَّة العَرَبِيَّةِ
    مشاركات: 3
    آخر مشاركة: 21-04-2013, 06:07 PM
  2. قصيدة : بحلفك .. سرقت كام ؟ !!!
    بواسطة د هاني ابوالفتوح في المنتدى أَدَبُ العَامِيَّة العَرَبِيَّةِ
    مشاركات: 14
    آخر مشاركة: 17-04-2011, 11:46 AM
  3. ايه يعنى فات كام سنة
    بواسطة فتحى نجم في المنتدى أَدَبُ العَامِيَّة العَرَبِيَّةِ
    مشاركات: 18
    آخر مشاركة: 22-02-2010, 09:31 PM
  4. واحد +واحد = كام
    بواسطة مصطفى عمار في المنتدى أَدَبُ العَامِيَّة العَرَبِيَّةِ
    مشاركات: 7
    آخر مشاركة: 01-08-2006, 05:07 PM