أحدث المشاركات
النتائج 1 إلى 8 من 8

الموضوع: ما تصدقشي التلفزيون بتاعنا

  1. #1
    الصورة الرمزية محمد نديم شاعر
    تاريخ التسجيل : Jul 2006
    المشاركات : 748
    المواضيع : 110
    الردود : 748
    المعدل اليومي : 0.16

    افتراضي ما تصدقشي التلفزيون بتاعنا

    مفاجأة الموسم مشاركة مصر
    في مهرجان
    ( كان ياما كان)
    بالفلم المصراوي اللي هو
    ( مش خمسة وعشين يناير )

    بطولة وأداء شباب زي الورد
    ضيوف الشرف : ناس كثير أوي
    كومبارس : أحزاب كتير أوي برضو.
    تصوير : ما تصدقشي التلفزيون بتاعنا.
    سيناريو وإخراج ابن مصرالحر.

    المشهد الأول والأخير :
    الزمان : أواخرالعشر الأوائل من القرن الحادي والعشرين / نهار كله غبار وزحام ، وليل كئيب مالوش آخر
    المكان : يمكن هي دي مصر ؟ جايز مش عارف؟
    · واحد أهطل بجلبية مهربدة فيها مائة رقعة بمائة لون
    · ماسك فرع شجرة غير مهذب
    · دقنه طويلة ومش نظيفة ولابس شوية عقود وحلقان
    · طاقية من اللباد وعمامة مليئة بالبقع ووشه عليه عدد لابأس من من الدبان.
    · يهرول في الحواري ويقول :
    · لك يوم ياللي ف بالي
    · خبوا عيالكم
    · لا الديب ياكلهم
    · يظهر هذا الدرويش بين الحين والآخر
    · النسوة يتوجسن خيفة ويتفلن في صدورهن ، والرجال يتوقعون الأسوأ ، ويصمتون.
    · يقال أن مواطنين قد انتحروا بأكلهم سمكا مملحا لا يصلح لأي استخدام.
    · النسوة والرجال في طوابير طويلة ، يتعاركون ، يتصايحون ، ويخرج كل منهم من غبار المعركة بشيئ ما يدعى خبزا.
    · والأهبل ما زال يغني ::
    · الديب أكل العيال
    · استخبوا في الحال
    · والديب جي جي..
    · والمثقف الجامعي اللي مش لاقي شغل بعد ما خلص جيش وقالوا له انه بطل
    · قرر يسيب البلد ويدور على شغل في أي حتة.
    · في آخر البلد تحت (جميزة) عجوزة وعند ساقية مهجورة جنبها أعظم مقلب زبالة أنتجته الحضارة المصرية ، وحيث يرقد كلب أعرج ، فوق ترعة مليئة بالطحالب وورد النيل وأرقى أنواع الجراثيم وأفخر أصناف البلهارسيا. :
    · جلس المثقف الجامعي (اللي مخلص جيش ومش لاقي شغل) مع حبيبته (اللي مخلصة جامعة ومعندهاش جيش وبرضو مش لاقية شغل) .
    · وعدها بكل خير وانه راجع بالديب من ديله)
    · الحال في البلد إلى أسوأ حال
    · الكبير ولع النار في المراكب …ومنع الصيد
    · وحرق الجرن ومنع الناس تعمل عيش
    · والشاب الجامعي الحليوة اللي مش لاقي شغل ، لقى شغلانة مش ولابد.
    · بعث رسالة لحبيبته يبشرها بأنه أشترى لاب توب والحمدلله وبالتقسيط غير المريح.
    · أبوها راح لكبير البلد ياخد منه موافقة او واسطة تشغلها في مجلس القرية
    · كان التمن ميقدرشي عليه الأب ولا الأم ولا البنت ولا الدنيا كلها
    · حبيبته خطبها ابن الكبير غصب عن أبوها
    · البنت تحاول الانتحار بتناول خضروات مسرطنة …الأب يحاول أن يعترض من تحت اللحاف.
    · الكبير يسجنه بشيك بدون رصيد أخذه عليه من سنة 1952 ، بقيمة اتنين وستين قرش مع الفوائد المركبة ويرفض جدولة الديون.
    · أم الشاب اللي مخلص جامعة ومش لاقي شغل وسافر يشوف أي شغلانة والسلام ، ماتت بحصبة متأخرة ، والأب اللي كان متغرب من سنين ،وكان جي على متن (حلوة على متن دي ) عبارة مصرية ، العبارة موصلتشي ليلتها ومش لاقينها ، اشتكوا كتير قالوا لهم مش لما نلاقي العبارة الأول نبقا ندور على اللي فيها!!! دي تمنها شيئ وشويات..
    · الولد يجري نحو دوار الكبير صائحا كالمجنون : رجعوا لي أبويا
    · الكبير يبتسم قائلا يعني هو أبوك مالقاش غير العبارة اللي بتغرق عشان يركبها ، ما هي العبارات على قفا من يشيل.
    · الشاب الحليوة المقهور اللي مش قادر يدفع قسط الللاب توب يصرخ :
    · الكبير دا مش كبير ولا حاجة دا صغيرأوي وحرامي كبير.
    · ياللا بينا نشتكيه للمأمور …..
    · المأمور يبتسم انا معاكم ووراكم …. بس مفيش دليل … مش ماسك عليه حاجة بإيديا …. هاتوا لي دليل.
    · ( لوحظ المأمور ممسكا بتلات دكورا بط مزغط وسبت فطير مشلتت بعد زيارته للكبير في الدوار.)
    · الأهطل يلف بحواري القرية مغنيا :
    · بلع الفطيرة ونام … والتعلب أكل الحمام …. الحمار جي جي .
    · الشاب المثقف اللي اترفد من الشغلانة اللي مش ولابد جسمه مولع نار ،حركة الندالة بتاعة الكبير وابنه علمت على قفاه. والمحامي سرق تعويضات أبوه اللي مش لاقينه مع العبارة اللي مش لاقينها.
    · الواد الحليوة الشاب اللي مش لاقي شغل يجمع حوله الغلابة المطنشين
    · والأهبل في الزحام ما فرقش عنهم كثير ، كلهم أنصاف عرايا وممصوصين.
    · ها ها ها : خطفها وطار وانت حمار .
    · الشاب قفاه سخن وأخذ يصرخ في الغلابة المطنشين اللي مات نصهم من مياه ملوثة لكن الحمد للله مثلجة.
    · يصرخ يرضيكم يا غلابة يسرقكم
    · الغلابة زائغة أبصارهم ، يهتفون بصوت مريض : لا لا لا
    · يبقى حقنا ومش عارفين ناخده؟
    · دا حقنا وحناخده يإيدينا ولازم نحقق حلمنا.
    · الغلابة يترددون ، قليل يتجمعون
    · والدرويش بين الأقدام : ها ها ها فينك يا أم حسنين تلحقي ابنك
    · وفينك يا بو شامة ترجع الشهامة.
    · الغلابة .. يتزايدون بكثافة …وألسنة المشاعل في أيديهم ليلا ، يزحفون إلى دوار الكبير …
    · ابن الكبير خطف البنت واستخبا في أوضة الفرن في دوار أبوه
    · أبوه خايف من الناس بعد ما الغفر تمردوا عليه وقفل عليه باب المندرة
    · فيه عساكر ولاد بلد رفضوا ضرب الخرطوش على الناس.
    · بس برضو مش عارفين ليه اتقتل شباب زي الورد في الليلة السودا دي
    · وتقارير شيخ الغفر بتقول أنهم (توفوا ) في المظاهرة.
    · مع إن يا ولداه صدروهم وروسهم وعيونهم مخرومة بالخرطوش.
    · توفوا توفوا اللهم لا اعترض ، الموت علينا حق ، وواجب وحلم جميل لو حلمنا فوق الأرض متحققش.
    · الملايين شافت الدم صحيت ، عيونها احمرت وصوتها بقا زي الرعد ، وأخذت تهتف بااااطل … باااطل
    · لوحظ الكبير وابنه والمأمور وهم يفرون من باب الزريبة الوراني.
    · لم يبق غير الحمار اللي مخرجش خااااالص.
    · وكانت هي دي فرصته للخروج بعد فتح باب الزرايب كلها ..
    · والأهطل أبو جلابية وسخة بقا دلوقت سياسي كبير ….. ووكالات الأنباء بتصوره.
    · وفي الآخر زي كل فلم مصراوي
    · مش بقا البوليس جاي متأخر ( دا كان زمان وفي الفلم اللي بحق وحقيقي.)
    · لالالالالا دا البوليس المر ة دي أختفى خاااااااااااالص.. .

  2. #2
    الصورة الرمزية آمال المصري عضو الإدارة العليا
    أمينة سر الإدارة
    أديبة

    تاريخ التسجيل : Jul 2008
    الدولة : Egypt
    المشاركات : 23,618
    المواضيع : 386
    الردود : 23618
    المعدل اليومي : 5.96

    افتراضي

    ومازال العرض ساري والمهرجان مستمر إلا بعض تعديل في المشهد يلجمنا ويشعرنا بنهاية فيلم ترضينا لنصفق بالراحتين واهمين الخلاص
    تقديري شاعرنا المكرم
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  3. #3
    نائب رئيس الإدارة العليا
    المديرة التنفيذية
    شاعرة

    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 10.25

    افتراضي

    مسرحي ساخر وموجع
    لكن النهاية الحقيقة ستكون غير ذلك
    وفجر مصر سيطلع وموعد الفجرة الفجرة

    أحسنت القول أديبنا الكريم

    تحاياي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  4. #4
    الصورة الرمزية محمد محمود محمد شعبان أديب
    تاريخ التسجيل : Jan 2012
    المشاركات : 2,154
    المواضيع : 153
    الردود : 2154
    المعدل اليومي : 0.81

    افتراضي

    اقتباس المشاركة الأصلية كتبت بواسطة ربيحة الرفاعي مشاهدة المشاركة
    مسرحي ساخر وموجع
    لكن النهاية الحقيقة ستكون غير ذلك
    وفجر مصر سيطلع وموعد الفجرة الفجرة

    أحسنت القول أديبنا الكريم

    تحاياي
    أبدعت أستاذنا
    وأوافق الفاضلة / ربيحة الرفاعي .. رأيها

    تحيتي


    حمادة الشاعرة
    أسعدني بإضافة facebook
    mohammad shaban

  5. #5
    الصورة الرمزية آمال المصري عضو الإدارة العليا
    أمينة سر الإدارة
    أديبة

    تاريخ التسجيل : Jul 2008
    الدولة : Egypt
    المشاركات : 23,618
    المواضيع : 386
    الردود : 23618
    المعدل اليومي : 5.96

    افتراضي

    لن نصدق التليفزيون ... ولا وسائل الإعلام الخبيثة
    ولكن الحقيقة التي نراها أمَّر مما كنا عليه ولا نعلم لمتى ؟
    ندعوا جميعا لمصرنا أن تمر من مخاضها هذا بسلام
    بوركت أديبنا
    وتشتاقك واحتك فمرحبا
    تحاياي

  6. #6
    مشرفة عامة
    أديبة

    تاريخ التسجيل : Aug 2012
    المشاركات : 12,843
    المواضيع : 182
    الردود : 12843
    المعدل اليومي : 5.19

    افتراضي

    شر البلية ما يضحك ..
    مرة كمرارة الواقع المؤلم, والذي يزداد كل يوم إيلاما
    ومضحكة كتلك النكات التي نبدعها لنضحك على أنفسنا ومن أنفسنا
    وليس لنا سواه هو وحده القادرعلى أن يجعل لنا من كل ضيق مخرجا , ومن كل هم فرجا.
    تحياتي بحجم إبداعك وألقك .

  7. #7
    الصورة الرمزية نداء غريب صبري شاعرة
    تاريخ التسجيل : Jul 2010
    الدولة : الشام
    المشاركات : 19,097
    المواضيع : 123
    الردود : 19097
    المعدل اليومي : 5.92

    افتراضي

    نص ساخر وموضوعه هام وصادق
    والواقع الذي يعيشع الناس جعلهم يائسين لا يؤمنون بشئ

    اللهم ارحم مصر وارحم سوريا وكل بلادنا

    شكرا لك أخي

  8. #8
    شاعر
    تاريخ التسجيل : Nov 2014
    المشاركات : 2,527
    المواضيع : 153
    الردود : 2527
    المعدل اليومي : 1.54

    افتراضي

    أي إعلام ؟ تف من بقك ياشيخ..دول مجموعة قرداتية ومهرجين مدفوع لهم بالدولار واليورو والاسترليني وكل العملات (ما عدا الجنيه المصري). ما يصدقهمش الا المهابيل وأشباههم.
    ما علينا .. كان الفيلم ..فيلم إيه؟ دي كانت صورة حقيقية نقلتها عين كاميرا أخينا ودبلجها ذهنه "المعذب"،ثم رسمها بأسلوب كاريكاتيري مبدع. .يبدو ان هذا الفيلم هو الجزء الأول من مسلسل طويل لم ولن ينته بعد إلا باحتلال دوار العمدة من جديد.
    مضحك مبكٍ بأسلوب جميل
    تحياتي الحارة
    كل الود والاحترام والتقدير

المواضيع المتشابهه

  1. يا مَا أُحَيْلَى زَمَاناً ...
    بواسطة أحمو الحسن الإحمدي في المنتدى الشِّعْرُ الفَصِيحُ
    مشاركات: 24
    آخر مشاركة: 28-08-2006, 05:07 PM
  2. ( إِنَّ مَا تُوعَدُونَ لآتٍ وَمَا أَنتُم بِمُعْجِزِينَ )
    بواسطة عبد الرحمن في المنتدى الحِوَارُ الإِسْلامِي
    مشاركات: 1
    آخر مشاركة: 18-09-2005, 01:59 AM