من بين سحاب الناس
ظهرت شموس تايها
ظهرت معادنا
شوفنا الصفوف
مرصوصه ف مّيدانا
الله أكبر
ف الحي 00 والمدّنا
وف كل وجدنا
من بعد شكر الله
تحيه للبنا
هو اللي قال الحق
ف وقت ماسْكتنا
شوفنا الأمل ف عنيه
فعرفنا سِكْتنا
كنا بنبحث ف الوطن
فبنلقا غربتنا
كان ف الألم فرحان
واحنا ف ألم
برغم ضحكتنا
كان الغريب ف الأهل
مع إنه قلب البيت
ضهره اتهرا 00 م الضرب والتخبيط
لكنه كان صامد
مش ماشى جنب الحيط
علشان مايعلا الوطن
ديما بيتحمل
وكانوا بيحربوه
ويأخروه
فبيطلع الأول
.....................
يابلادى اذكرى ذاكاالأسد
وكل الأسود
من كان صمته
بين أصوات الطوغاتى
كالرعود
قد نموت بالحياتى
ورغم موتهِ لا يموت
.......................
هو السبب ف الشمس 00 تظهر ف عز الليل
علشان مايحيا الأمل
هو اللي داق الويل
داق الألم جاف
لكنه عُمره ماخاف
علشان مايبنى الجيل
دمه اللي سال ف الميدان
ف الأسفلت
ف الحيطان
علشان مايجى النصر
فكان بيسقى النيل
الغايه يرضى الله
منهج رسول الله
والأمه مشغوله
الخمر كان عادى
والكدب كان عادى
وكل شئ عادى
ف الأمه معقوله
بدء الطفوله
بالبطوله
علشان مايرضى الرب
بدر البذور بالقلب
ملعبش ف الأولى
حضن الأيمان جواه
فنبتت جذوره معاه
فتحت قلوب 00 كالزهر مقفوله
هو اللى خلا المُر
سكر ف دنيتنا
علمنا00 إن المعتقل
من بعده حريه
والصبر للجنه
ماكنش قلبه كفيف
الْبنـّا كان بَنـّا
بيبنى أمجدنا
مش قصه ف مسلسل
مليان بالتزيف
ازاى نشوف الورد
محطوط مكانه حشيش ؟!
والبنا قلبه ربيع
والتانى قلبه خريف !!
كان البطل ومازال
علمنا معنى الصدق
والصبر والأخلاص
بدء الجهاد 00 بجهاد
فامتكتبوش
متمثلوش تخاريف
هو اللي أحيا
قضية الأقصى
هو الميدان 00مع إنه مش جواه
علمنا ننـّسا الأنا
منقولش يوم إحنا
لكن نقول الله
هو الشهيد 00
اللي اتولدنا معاه
ازاى يكون تلميذ
درس لأستاذه
وازاى بيدى رغيف
مع إنه محتاجه
مش عارف اكتب إيه
وكل اللى بكتب فيه
مش حرف ف انجازه