قصيدة :كدب في كدب

كدب في كدب
كل يوم عايشين في حالة
م الكلام والحكاوي والقوالة
اللي جاي يفتح فتوحوا
واللي قال يفديك بروحوا
واللي أقوالة إستحالة
...........................
كله نازل الإنتخاب
اللى جاب كشف الحساب
واللي كان عاصي وتاب
واللي كان في السجن طالع
قلبه مليان حقد والع
يحكي أيام العذاب
واللي خد في حبوب شباب
لأجل يرجع بعد شيبته
يقول ما شاب
........................
اللي يحلف ميت يمين
إنه شايلِكْ جوة قلبه
وحط صورتِك عالجبين
وإن لما الثورة قامت
كان معاها
بس كان مغلوب لأمره
مستكين
واللي كان ماسك الوزارة
غصب عنه وبات حزين
حتى شوفوا أما أقابل ثورجية
لما يدعوا كان يِرُدْ يقول آمين
.......................
واللي طالع م الليمان
جاي عشان يفتح بيبان
لما عاش في جماعته حاضر
بس بعد الثورة ثاير
قلبه مليان بالإيمان
اللي كان في نقابة عايش
يستلم دعم ويوزع
في المحبة والحنان
جاي بخبرة كبيرة جدا
لَمْ فيها ملاك وطاهر
قَعَّدُوا جنب الشيطان
المهم إنه يعدي
فوقنا راكب عالحصان
واللي عامل نفسه عدل
والعدالة بس صورة للميزان
.......................
والمناضل اللى ناضل
بالخطب ويا الكلام
واللي كان في الميدان
بالكتير يضرب سلام
لما نور الثورة بان
حتى شوفوا
صورته فوق دبابة واقف
لما كبر بالأدان
إشربي يا مصر يالا
زيي شارب م الكيعان
وأما أقول شكرا شبعت
هيقولولي إشرب كمان
والحقيقة
كله كدب في كدب لازم
مستخبي و للا بان
الكلام ببلاش يا مصر
يشتريك ويبيع لسان
كله يلعب بالكلام
لأجل يوصل للمكان
شعر د هاني أبوالفتوح
الكويت الخميس 26 إبريل 2012

جميل ورائعة رغم نبرة الخوف من المستقبل
تحيتي لإبداعك أخي / د. هاني
نفتقدك أخي حيث أنشطة القسم المختلفة
حبذا تشريف حضرتك لنصوص الزملاء
لا حرمنا الله إبداعك الثري
تحيتي

حمادة

رائعة يا دكتور بعين الشاعر الثاقبة ونظرته المستنيرة صيغت ببديع الأبيات الشعرية الطروبة
محبتي وكثير تقديري ودعائي لمصر وأهلها بالخير

أرعبتني كلماتك شاعرنا
متى نشعر بالأمان إذا كان كله زيف وكذب ؟
نحيا بالأمل في قادم أفضل
نثرت واقع نحاول أن نتجاهله أو نتغابى حتى لانفهم صح !
ربي يطمئنك كما .....
دام ألقك
ومرحبا بك في واحتك
تحاياي

مصر محروسه يا دكتور
مهما جاها ابن الحرام
حتى لو كان جى يؤمر
او يفتت ف الوئام
الميدان باقى يا دكتور
شعب صاحى مفيش كلام
عمرنا مابعض نُكفر
او يكون بينا احتدام
مصر محروسه يا دكتور
حبه حبه جاى سلام

ارجو ان تتقبل اعتذارى عن خربشاتى المتواضعه
ولاكننى تشتت بين الاصوات واذاكان كل هؤلاء لا يصلحون فمن اذن لها
كلماتك دائما رائعه رغم انها انذار مرعب
تقبل تحيتى واعتذارى
حفظ الله مصر
وبالتوفيق

الشاعر : د هاني ابوالفتوح
قصيدة تنعشُ الحسَّ تهكّما على واقع مرير ، سلسةٌ كلماتها ، جليّة مراميها .
دام جديدك

لا تتشاءم هكذا أخي
سيكون لمصر مستقبل تستحقه
المهم أن نطمئن

قصيدة رائع

شكرا لك أخي

بوركت

أثني على ما قال الشاعر محسن البدراوي

مصر محروسه يا دكتور
مهما جاها ابن الحرام
حتى لو كان جى يؤمر
او يفتت ف الوئام
الميدان باقى يا دكتور
شعب صاحى مفيش كلام
عمرنا ماببعض نُكفر
او يكون بينا احتدام
مصر محروسه يا دكتور
حبه حبه جاى سلام

هذا اليأس لن يأتيها بالخير ولن يحميها من شر
وتستحق البهية من أبنائها أن يكافحوا لمنع إجهاض ثورتهم بالعمل لنهضتها
أولا بعدم السماح بفشل الانتخابات

قصيدة جميلة برغم ما حملت من تشاؤم


تحاياي

رغم الانقسام واللااستقرار واللامصدقية وهذا التوهان الذي تتخبط به انتخابات الرئاسة في مصر
رغم الأكاذيب وتزييف الحقائق والأعلام الي بودي وبجيب



لكن


تبقى مصر شامخة صامدة وستنال ما تستحقه من امن وامان وعدل واستقرار

من كان النيل مورده ، لا يعرف النضب طريقا لعزيمته .

هي لحظات تغلبنا فيها بعض مشاعر اليأس، سرعان ما يحل محلها نور الأمل .

الشاعر الدكتور هاني أبو الفتوح ،

دمت ومصر بألف خير .