أنا راجل وليا حياتي
وصعب عليا احكم ذاتي
حتى ولو كنتي مراتي
ملكيش دعوه بجوازاتي
بتفتشي جوا جيوبي
واوراقي وملفاتي
عن المراقبة ما تتوبي
وخايف لا تكتر اماراتي
وكلّ شوية بتسأليني
جايّ منين ورايح فين
تعبت منك..صدقيني
مش واحدة ..أنا واخد اتنين
دا شرع ربنا حللو
أحسن ما أمشي في الحرام
ايه اللي ممكن أعملوا
لو عجبتني وحصل انسجام
تزعلي.. ما يهمنيش
تفرحي لي ولا تعاتبيش
تبقي فعلا راضيه بقدرك
عارفة اني هربت من الطيش
وحاشيل جميلك فعنيّا...ولا أقصّر وياكي فحاجة
إنتي الأولى ومكانتك...في القلب نجمة وهاجة
وما تلتفتيش لكلام الناس
وتسيبيني وأسيبك
أنا شاريكي يا قلب الماس
إبقي قوليلهم إني نصيبك
وفقلبي زاد الإحساس
ولسه غالية على حبيبك