أحدث المشاركات
النتائج 1 إلى 4 من 4

الموضوع: طلعت روحى

  1. #1
    قلم منتسب
    تاريخ التسجيل : Feb 2009
    المشاركات : 1
    المواضيع : 1
    الردود : 1
    المعدل اليومي : 0.00
    من مواضيعي

    افتراضي طلعت روحى

    لما انا فقت
    بصيت كده حواليا لقيت الدنيا ضباب
    لما عرفت
    ما لقيت حاجه ف قلبى ب تفتح للنور باب
    شفت ف قلبى ضلام متكدس كده اكوام
    و لقيت روحى ف زاويه ماليها عفار و تراب
    بس الحق
    لما نفخت العفره ب ريق التوبه انزاح
    هم تقيل كان فوق القلب و لعلع شىء
    بان لى اصالته لما قرصته تحت الناب
    طلعت روحى
    رغم سنين الغربه و رغم بحور الغى
    لسه كاتمه ايمانها و حالمه باجمل ضى
    صابره و بتدعيلى اتوفق للاسباب
    سبحان الله
    قد ما نغوى كتير و نضل كتير و ندور
    شىء جوانا بيفضل ماسك طرف النور
    لجل يعود بينا لله ما نعيش اغراب
    طلعت روحى
    طلعت روحى دهب ع الفطره ما جنزرهاش
    حب الدنيا.. اللى تعبها ما ريحهاش
    و اللى خدعنى بوهم كبير و لقيته سراب
    اه يا خساره
    الف خساره و الف ندامه على الايام
    عمرى اتعد سنين و اتعاش لحظات يا حرام
    و اللى باقى لى الباقى اما الماضى سراب
    شاكر ربى
    شاكر ربى و حامده حامده على التوفيق
    لاكن ع اللى اتسرسب منى ف قلبى حريق
    نفسى و نفسى و نفسى و فين؟ العمر اهو شاب
    و لا شيطانى
    لما لاقانى شيطانى باميل ع التوبه و اريد
    جمع ليا كل مريد جبار و عنيد
    نازلين فيا دك و طالبين الاستسلام
    مش هاستسلم
    مش هاستسلم ابدا ابدا مش راح اعود
    انا صدقت يكون لى ايمان و يكون لى وجود
    ابواب عمرى اتقفلوا ما فاضل..... غير كام باب
    توبت يا ربى
    توبت يا ربى و ناوى يا ربى اعيش انسان
    ناوى اكون اهل لتكريمك مهمن كان
    ناوى اكون بالحق خليفه للرحمن
    بس ساعدنى
    ارمى ف قلبى يا رب يقين و صلابة حق
    علم قلبى يقول لضلال الضالين لأ
    لو يتفرتك غير للحق ما يدى حساب
    رافت المصرى
    لا اله الا انت سبحانك انى كنت من الظالمين

  2. #2
    الصورة الرمزية آمال المصري عضو الإدارة العليا
    أمينة سر الإدارة
    أديبة

    تاريخ التسجيل : Jul 2008
    الدولة : Egypt
    المشاركات : 23,643
    المواضيع : 386
    الردود : 23643
    المعدل اليومي : 5.40

    افتراضي

    حرت في اقتباس جزء فكل القصيدة جميلة تتغنى فيها الكلمات انشودة التوبة والعودة إلى الله
    بأسلوب محبب وصور بديعة
    شاعرنا القدير ..
    مرحبا بك في ربوع الواحة
    ودمت متألقا رائعا
    والنص للتثبيت استحقاقا وترحيبا
    تحيتي الخالصة
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  3. #3
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,901
    المواضيع : 538
    الردود : 10901
    المعدل اليومي : 2.28

    افتراضي

    اخي الشاعر الجميل رافت المصري الجميل
    سلام عليك ابدا
    توبت يا ربى
    توبت يا ربى و ناوى يا ربى اعيش انسان
    ناوى اكون اهل لتكريمك مهمن كان
    ناوى اكون بالحق خليفه للرحمن
    بس ساعدنى
    ارمى ف قلبى يا رب يقين و صلابة حق
    علم قلبى يقول لضلال الضالين لأ
    لو يتفرتك غير للحق ما يدى حساب
    قصيدةايمانيةابداعية
    ورحلة في دهاليز الروح و خبايا القلب تحت ركام الدنيا التي تكاد تهلكنا
    رائعة وجميلة وخفيفة البحر جميلة الجوهر
    دمت مبدعا رائعا

  4. #4
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 9.13

    افتراضي

    الله ما أجمل التوبة وما أروع الإياب لدوحة الصلاح

    نص شعري جميل وجرس عذب

    أحسنت شاعرنا

    تحيتي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

المواضيع المتشابهه

  1. ( منى روحى )
    بواسطة محمد عسران في المنتدى النَّثْرُ الأَدَبِيُّ
    مشاركات: 8
    آخر مشاركة: 19-05-2017, 07:05 PM
  2. سأصنع من صمت روحى كلاما
    بواسطة عزت الطيرى في المنتدى الشِّعْرُ الفَصِيحُ
    مشاركات: 17
    آخر مشاركة: 17-04-2010, 02:36 AM
  3. من نفحة روحى إلى روحكَ عدنان
    بواسطة مروة عبدالله في المنتدى مُنتَدَى الشَّهِيدِ عَدْنَان البحَيصٍي
    مشاركات: 18
    آخر مشاركة: 19-08-2009, 08:55 AM
  4. روحى ودمى فداء لوطنى
    بواسطة اسماء محمود في المنتدى النَّثْرُ الأَدَبِيُّ
    مشاركات: 10
    آخر مشاركة: 26-01-2008, 04:56 PM
  5. رَوْحى
    بواسطة طارق الطبيلى في المنتدى الشِّعْرُ الفَصِيحُ
    مشاركات: 6
    آخر مشاركة: 28-10-2007, 08:06 PM