لو تعرف ايه اللي جوايا
اعذرني ماليش نفس اشرب
ولا حتى اتهنىّ وآكل
شاغلاني حبيبة بتهرب
من كل نظرة حب وكل
ما الخطوة منها تقرّب
وهوايا عمرو ما جرّب
لا يوم سِهر ولا داق الذل
نورني..دي عيونها حكايا
دلال خطاها يسوى الكُل
لو تعرف ايه اللي جوايا
ما بنمشي أنا اليومين دول
م الشوق اللي تعب ويايا
جيتلك تلقى لسهري حلول
قولك اروح واصارحها الليلة..شايل أمل وغزل وفُل
ولا استنى أما يميّل.. قلبها وابتسامتها تطل
احترت انا أعمل إيه
وقعت..ومد الحب ايديه
واهو خدني..للي شايفني فيه
وحبيبي..الحب ما خطرشي عليه
شاغل فكري دايما بيها
فين مفتاح جنة عينيها
واشتقت..وقلت خطاويها
لسكة بانام انا واصحى عليها
حسّت بالشوق والمتخبي
عرفت ولاهيش راضية تلبي
ولا هوايا لسه فقلبي
وغيابها مالوش دعوه بحبي
لا فليلي بتهدا الآهات
ولا اصبَّح على غير ما أبات
وماعدتش اشوفها بسكات
ولا بحت لها بكلمة تدُل
على حبي..مش قادر اشرب
ولا حتى أنسى وآكل
شاغلاني حبيبة بتهرب
من كل نظرة حب وكل
رد مع اقتباس
المشاركة الأصلية كتبت بواسطة الطنطاوي الحسيني
