إيه العمل
يا حزن شاقق كل أحضان السكوت
يا شهقة الحلم البريئ
في حلم مستنيك تموت
يا صرخة الروح اللي حالفة تحضنك
وف طيف رحابك اتقتل جواها صوت
على قلب محزون بالأمل
أنا كنت فاكر الحلم فى عيونك لقا
وانتي الرؤى
لكنه نبض ف قلبي رافض يكتمل
دوبتي قلبي ما بين رفات المستحيل والمحتمل
مابقاش فاضلي غير سؤال
أيه اللي ممكن يتعمل؟؟
هصبر على جرحك كتير ؟؟
هاهزم الأنات في جرحي
ولا هافضل لك أسير؟؟
ولا هرضى بالمصير؟؟
لسه قلبي كتير بيسأل.. أو هيسأل؟؟
مهما يسأل
قلبي اللي نبضه مليان بالعلل
الإجابه هي واحدة .. موووووت خلاص
هي هجراك للنهايه
مهما كان طول الأجل