أحدث المشاركات
النتائج 1 إلى 6 من 6

الموضوع: عدت سنه

  1. #1
    الصورة الرمزية احمـد عبد الفتاح الشهيبى قلم نشيط
    تاريخ التسجيل : May 2011
    المشاركات : 302
    المواضيع : 75
    الردود : 302
    المعدل اليومي : 0.09

    افتراضي عدت سنه

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    عدت سنة
    وانـــــا
    الطيف بجرى ادام عنيـى
    والمح صورة الحبايب ف المنى

    عدت سنه
    والطير اللى اندبح
    من كتر الصياح صوته اتنبح
    عمال بينده ع اللى راحو
    بيغنى غنوة مجدنا
    فى مساه وصباحه
    بيقول يا فرحة اتزينى
    بيقول يا بلدى اطمنى
    انا اللى وقفت ادام الديابة
    ويوم الثورة عدت فوقى دبابة
    وقالوا عليه انى مت
    وف بحر دمى غرقت تهت
    وساعة سكون رجت كيانى
    لقيت دماى بتجرى فى عروقى تانى
    بتقولى اصحى لسا بدرى على الكفن
    ازاى تموت وجوه قلبكـ وطن المحن !
    لما ترسم بسمته
    لما تغازل صحكته
    ابقى موت
    لما تزين وجهته
    ابفى انده على التابوت
    عدت سنه
    ولسا فاكر لما صاحبى رن الجرس
    والجبهه اتحولت جوه الميدان
    لسا فاكر صوت الأدان
    دم الشهيد
    طوق الحديد
    فرحتنا بعد ما ذاعو البيان
    رحل الجبان

    عدت سنه
    على الدم اللى غسل الرصيف
    من رجس حاكم
    قلبه ضعيف
    قلمه ضعيف
    حول اغانى الربيع
    لصمت الخريف
    قهر كرامـة شعب
    كل حلمـه
    انه يحس بحلاوة الرغيف

    عدت سنه
    على الرصاص اللى اتوزع فى كل حته فى جسمـى
    على لوحة لفت عيون العالم
    برضوه من رسمـى
    على بلطجــيـة راكبين جمال
    على دموع سوزان ودموع جمال
    على نصرة شباب الحق
    فى نظر حبيب شوية عيال
    كـان فيه وسام مطبوع على جسمـى
    قالوا عليه شومه
    كان فيه كلاب بنتهش كل حته فى لحمـى
    قالوا عليهـا حكومـه
    لكن فى غفله وساعة تجلى
    خرجنا صحبة تصرخ تعلى
    تطلب طريق النور
    كرهت سخافة زور
    فى كل واحد فينا
    قوة تهد السور
    نطلب بديل الحياة
    جنة وجواز م الحور

    عدت سنة

    وكأن يوم الرحيل انبارح
    اهـو! لسا مشلوش المسارح
    مستنين حكم العدالة
    بأعدام مباركـ هو ورجاله
    مستنين الندى ساعة بزوغ الفجر
    ودعوة صادقة تطلع فى ليلة القدر

    عدت سنه

    وكلى طموح ف بكـره
    بسبب رجال خرجوا الحرية
    لطور الحقيقة من طور الفكـرة
    علشـان كدا
    انا عندى امـل فى بكـرة
    ده لما طعم النصر بيزور البيوت
    ويحلى فم الأمهـات بالعنب والتوت
    بيخلى حياة الظلم سكره

    عدت سنـة
    كانت جميـلة
    برغم كل ما فيها
    دم , رصاص , ملوتوف
    قلوب بتحضن الموت بدراعهـا
    وقلوب ضناهـا الخوف
    عدت سنة
    كـانت حكـايـة
    ليهـا بداية لكـن ملهـاش نهاية
    بدايتهـا كانت فى أخر يناير
    كان شعبنا بجموعه ثاير
    الطلب كان واحد .. التغير
    المكـان برضوه واحد .. التحرير
    والصوت بيخرج من حنجره واحده
    يخلع قلوب من صدور جاحده
    ولسا فاكر كلامهم بالحرف
    اصلى بشوف الجواب وهو جو الظرف
    كان بيقولوا
    مصـر هتبقى بدوام الحيـاة
    مصـر هتبقـى .. وليرحل كل الطغاه
    مصـر هتبقى .. وليرحل كل الطغاه


    تم البدء فى الكتابة يوم
    10/1/2012
    تم الأنتهاء من الكتابة فى
    15/1/2012
    الساعة
    1:45 مساء بتوقيت القاهرة
    المكـان : محافظـة الشرقية
    سلامى وبعد /
    احمـد عبد الفتاح الشهيبى
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  2. #2
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,901
    المواضيع : 538
    الردود : 10901
    المعدل اليومي : 2.28

    افتراضي

    وقالوا عليه انى مت
    وف بحر دمى غرقت تهت
    وساعة سكون رجت كيانى
    لقيت دماى بتجرى فى عروقى تانى
    بتقولى اصحى لسا بدرى على الكفن
    ازاى تموت وجوه قلبكـ وطن المحن !
    لما ترسم بسمته
    لما تغازل صحكته
    ابقى موت
    لما تزين وجهته
    ابفى انده على التابوت
    عدت سنه


    قصيدة رائعة وتجلياتها جميلة
    صارخة وموقظة للحس والاحساس
    وان شاء الله لن تضيع دماء الشهداء هدرا ابدا
    وها قد بدأنا اولى خطوات التحرر والحرية والعدالة باتمام الانتخابات رغم كل المعيقات
    اخي المبدع الثائر نتمنى ان تظل الحمية موقدة بفكر وقاد وسطي معتدل وانتم لها
    دمت رائعا مبدعا شاعرنا احمد عبدالفتاح

  3. #3
    الصورة الرمزية آمال المصري عضو الإدارة العليا
    أمينة سر الإدارة
    أديبة

    تاريخ التسجيل : Jul 2008
    الدولة : Egypt
    المشاركات : 23,643
    المواضيع : 386
    الردود : 23643
    المعدل اليومي : 5.41

    افتراضي

    عدت سنة
    وكأن يوم الرحيل انبارح
    اهـو! لسا مشلوش المسارح
    مستنين حكم العدالة
    بأعدام مباركـ هو ورجاله
    مستنين الندى ساعة بزوغ الفجر
    ودعوة صادقة تطلع فى ليلة القدر

    وننتظر معك حكم العدالة وكلنا أمل في تنفيذها
    نص فاره جاء في وقته ونحن على مشارف الخامس والعشرين من يناير بعد مضي عام على الثورة
    أبدعت شاعرنا الفاضل
    بنتهش - بتنهش
    تحيتي الخالصة
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  4. #4
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 9.15

    افتراضي

    حروف نابضة بالإباء والحس الوطني الأصيل
    ونص يستذكر الحدث الكبير بوعي ويحكيه بحس جميل
    وذاكرة سكنت نبض الشعر وقلوب أهله فنطقت بما عاشوا ويعيشون

    شكرا لمت قرأت هنا من معاني
    ونسأل الله لثورتنا في مصر مجدا يخلده التاريخ وتقتفي آثاره الأمم

    تحيتي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  5. #5
    الصورة الرمزية احمـد عبد الفتاح الشهيبى قلم نشيط
    تاريخ التسجيل : May 2011
    المشاركات : 302
    المواضيع : 75
    الردود : 302
    المعدل اليومي : 0.09

    افتراضي

    اقتباس المشاركة الأصلية كتبت بواسطة الطنطاوي الحسيني مشاهدة المشاركة
    وقالوا عليه انى مت
    وف بحر دمى غرقت تهت
    وساعة سكون رجت كيانى
    لقيت دماى بتجرى فى عروقى تانى
    بتقولى اصحى لسا بدرى على الكفن
    ازاى تموت وجوه قلبكـ وطن المحن !
    لما ترسم بسمته
    لما تغازل صحكته
    ابقى موت
    لما تزين وجهته
    ابفى انده على التابوت
    عدت سنه


    قصيدة رائعة وتجلياتها جميلة
    صارخة وموقظة للحس والاحساس
    وان شاء الله لن تضيع دماء الشهداء هدرا ابدا
    وها قد بدأنا اولى خطوات التحرر والحرية والعدالة باتمام الانتخابات رغم كل المعيقات
    اخي المبدع الثائر نتمنى ان تظل الحمية موقدة بفكر وقاد وسطي معتدل وانتم لها
    دمت رائعا مبدعا شاعرنا احمد عبدالفتاح
    أستاذى / الطنطاوى حسين
    شكراً لثنائكـ الرائع
    فكل ما اتمنى
    ان أكون عند حسن ظنكم بى
    فشرف لى ان أنس بصحبتكم
    دُومت فى صفاء لا ينتهى
    سلامى وبعد

  6. #6
    الصورة الرمزية نادية بوغرارة شاعرة
    تاريخ التسجيل : Nov 2006
    المشاركات : 20,304
    المواضيع : 328
    الردود : 20304
    المعدل اليومي : 4.08

    افتراضي

    " عدت سنة " ومشاريع الإصلاح كثيرة ، نسأل الله لإخواننا الثبات .

    المبدع أحمد عبد الفتاح الشهيبي ،

    دمت و مداد قلمك الأديب .
    http://www.rabitat-alwaha.net/moltaqa/showthread.php?t=57594

المواضيع المتشابهه

  1. عدت سنه
    بواسطة محسن البدراوى في المنتدى أَدَبُ العَامِيَّة العَرَبِيَّةِ
    مشاركات: 18
    آخر مشاركة: 30-05-2012, 10:23 PM
  2. اتنين وستين سنه
    بواسطة علاءالحكيم في المنتدى أَدَبُ العَامِيَّة العَرَبِيَّةِ
    مشاركات: 16
    آخر مشاركة: 22-04-2010, 12:08 AM
  3. أربعين سنه ع النكسه
    بواسطة غازى كلخ في المنتدى أَدَبُ العَامِيَّة العَرَبِيَّةِ
    مشاركات: 14
    آخر مشاركة: 15-09-2009, 10:19 AM
  4. عُدت من جديد بأي حال عدت ؟
    بواسطة خليل انشاصي في المنتدى الشِّعْرُ الفَصِيحُ
    مشاركات: 9
    آخر مشاركة: 25-03-2006, 01:24 AM
  5. فاتت سنه
    بواسطة د.جمال مرسي في المنتدى أَدَبُ العَامِيَّة العَرَبِيَّةِ
    مشاركات: 8
    آخر مشاركة: 24-10-2005, 10:47 AM