محتاجة كـام ؟!

محتاجة كـام لتر دم علشان تعيشـى ؟!
محتاجة كـام ؟!
محتاجة كـام كلب ينهش فى لحمـى وينتفلى ريشى ؟!
بكـل احترام !!
ايوة احترام
... ما احنا اللى صوتنـا عمره ما يسمع غير فى البرلمـان
لكـن لو ف يوم عدا حدوده
وبكـل جرأة فكـ قيوده
يدوسه القدم وسط الزحـام
فاكرين لما قولتلكم ان صاحبى رن الجرس
كـان قلبه قلب وحش
عمره ما هاب الحرس
كان راجل جدع
ولسانه الفصيح يزعق يصيح
وطلقة غدرخلته اتخرس
وشكله مكتوب عليه الألم
كل يوم افارق صاحب جديد
وانا اللى البسه بأيديه لبس الحرم
آخرهم كـان فى بورسعيد
فى عنية شمس المشربية
قتلوه البلطجية
واللحام سد الحديد
وابو بدلة سمرة واقف بيضحك
والأيد من السقعة بتعدكـ
فى اختهـا
مش فاضية خالص
علشـان تدافع مش وقتهـا
ادى التحيـة للبلطجية
يا بو بدلة سمرة
حقكـ عليه
همـا اللى حطوكـ غلط
وانا من غبائى شتمت فيكـ
هما اللى قلوبهم زلط
لما استغاثوا وندهوا عليكـ
اصل جنابكـ واخد اوامـر
بعد التدخل وقت الخناق
ولا جنابـكـ واخد اوامـر
انـكـ فى بلدى تبقى رمز النفاق
عرفنـى يلا
ده انا صبرى ضاق
اااه يا مـا ااااه
والف ااااااه من الفراق
وحشـانى يا مـه
ونفسـى منكـ فى حضن وضمـه
فاكـره اخر مرة اتقابلنـا
سألتينـى فيهـا عن حلم عمرى
جاوبت رضـاكـى يا كـل عمرى
يا شمسى الجميلة ويا ضل قمرى
كـان نفسـى اخلف حتة ولد
يترحم عليه ويشيل البلد
فوق كتافة
وليلة زفافه
برضوه يموت
بطلقة سكرانة
او عبارة غرقـانة
او حتى بفعل السكوت
كلمة اخيرة يا ما يا اسمعيهـا
م بعدى يا ما ابقى احفظيهـا
دمعكـ ياغالية على غالى
وانا قصرى عالى
فى الجنة انا هعيش
فمتدمعيش
ولو فى يوم حبيتى تبكـى
ابكـى ع اللى جاى
انا اصلى خايف من اللى جاى
وفـ عتمة ضلام الليل
والدنيـا مليهـا الويل
صلى صلاة تروايح
وادعى ان ربـى يزيح
عنـا مأسى الشعب
ويملى سمـانا الحب
ويملى سمـا نا الحب

تم البدء فى الكتابة يوم
2/2/2012
تم الأنتهاء بفضل الله فى
5/2/2012
الساعة
2:00 صباحاً
بتوقيت القاهرة

ربي يزيح
وحده سبحانه قادر أن يحفظ لمصر أمنها وأمانها وشعبها
ربما ننظر الآن نظرة خائف من مجهول قادم
ولكن عسى أن يكون وراءه الخير
فدولة الظلم ساعة
وكل إلى زوال
أبدعت أديبنا
تحاياي

يا رب أزح الغمة .. وارفع الكرب عنا وعن كل مصري أمين . دمت أخي أحمد

السلام عليكم ورحمة الله

نعم الخوف من اللي جاي

وربنا يستر علي مصرنا واهلها


تقبل مروري وتحيتي

كلام من قلب القلب
وعمق الحب
وصعوبة الدرب
ربنا معانا اخي الكريم ومع مصر
اللهم احمها وانصرها يارب
وكمل نصرها
بدأنا بالامتحان فعملنا البرلمان
ويارب ننجح في الباقي
ملناش غير طريق واحد نمشي فيه وكل
ظالم وله نهاية
اصبر واحتسب وادع الله كما دعوت
واؤمن امين
اخي احمد الشهيبي دمت مبدعا واعيا

مؤلم ما تحمل الصورة من لوعة تنطق بها الحروف
وموجع ما آل إليه الحال بعد ما كان من انتصار وحلم وآمال

اللهم أغث مصر من المتربصين بها وامكر بهم مكرهم لها

أحسنت القول أيها الكريم

تحيتي

ربي يزيح
وحده سبحانه قادر أن يحفظ لمصر أمنها وأمانها وشعبها
ربما ننظر الآن نظرة خائف من مجهول قادم
ولكن عسى أن يكون وراءه الخير
فدولة الظلم ساعة
وكل إلى زوال
أبدعت أديبنا
تحاياي

أستاذتى / آمال المصرى
كلنـا نرجو لمصر غداً أفضل
وعلى رغم ممأ يحدث وممـا سوف يحدث
أرى بوادر الخير تلهث على اعتابنـا
رائع هو مروركـ
وفى حضرتكـ ترنو المباهج
لروحكـ السلام
سلامى وبعد /

آمين يارب ،

المتألق أحمد الشهيبي ،

أراك تضع اسمك في قائمة المبدعين في الشعر العامي، بقوة و بثبات ،

فنصوصك لا تزداد إلا جمالا و إتقانا يوما بعد يوم .

ماشاء الله تبارك الله .

هنيئا لك .

أجدت وأبدعت ... ومعك أيها الشاعر الجميل نقلق ولكن بأمل
لك ولمصر وأهلها التحايا العطرات
محبتي كما تعلم وتقديري