//
//
//
أنا وقلبي على بابك
فرشنا الدمع فــرحابك
وعرينا النفوس بـخشوع
خطاوينا على اعتابك
وحطينا الذنوب شيلة
يارب سامحنا طلَّابك
*********
فقير لكنِّي بيك أغنى
رضايا ينسج الجنة
معاصي النفس خنقاني
فجيتلك لأجل ماتهنى
لو استغنى عن الدنيا
إلاهي الكون ولا استغنى
*********
ياربي سامحني ليك تايب
وناوي رجعتي وحابب
يا كافي الكل من فضلك
أنا عبدك أنا العايب
سامحني بجملة العايدين
هواي والشيطان غالب
*********
أنا وقلبي على الإبواب
ودق الخوف درج لاعتاب
خلطنا اعمالنا مش عارفين
وإسمك لاجلنا التواب
جبال الذنب هالكاني
ياربي الجنة ولَّا عذاب
************
وضيق الدنيا خانقنا
ومين غيرك هايرزقنا
وايه هاتصيبو حيلتنا
غلبنا من مزانقنا
ياربي لو تفوت نهلك
ومين بالخير هايلحقنا
*************
يارب اُنظر لآمتنا
ورجعها كرامتنا
وقومنا بعد م وقعنا
حيينا بعد ما موتنا
دمانا بتجري تشكيلك
دموعنا هيا ميْتنا
*********
دي أمة أحمد المحبوب
بتنضرها عيون وقلوب
و هي الباقية للاسلام
ولو شالت حمولها ذنوب
ماهو انته الكافي والشافي
وانته الغاية والمطلوب
*********
أنا وقلبي على بابك
فرشنا الدمع فــرحابك
وعرينا النفوس بـخشوع
خطاوينا على اعتابك
وحطينا الذنوب شيلة
يارب سامحنا طلَّابك
//
/
/
دمتم مبدعين