يابدارى يا بلدنا
افتقدنا الامن فيكى
يابدارى مش هخبى
مشتاقين ضمت أيديكى
يابدارى يا ضحيه
ليه ورا الموت مداريه
امتى نكتب شعر ليكى
امتى يسكت الرصاص
م البنادق
امتى نصحى نفوق ونخرج
م الخنادق
امتى نمشى ف ضى ليلك
فى امان
من زمان واحنا نحلم بالسلام
من زمان بنقول يا غاليه
امتى نهزم جهل فيكى
امتى نترك السلاح
امتى نقدر نبتسم
والخوف ماليكى
يابداراى فين رجالك
فين ولادك
فين شيوخك
فينك انتى يا بدارى
بين امم وعقول بهيه
يابدارى الخير ماليكى
ليه ولادك يقلعوه
من جدوره
كلمة حق ومداريه بين صدوره
ليه بقينا يا بلدنا
بين شعوب الناس رزيه
ليه نشوه صوره حلوه
م الخضار ....والعماره
ليه بايدنا ندوس
على نبع الحضاره
ليه نشتت من قوانا
ونفترق
كل واحد
كل واحد فينا رابط
على حدّ حاره
ليه مشاكل كل يوم بتزيد هموم
وليه بنحجب شمس لينا بالغيوم
وصوت رصاص
نطلق الرعب بايدينا وليه نخاف
يابدارى يا بلدنا
صرنا فيكى كالخراف
كل يوم بنجز راس
ومعدشى لينا حتى ديه
ليه نشيّل طفل طيب السلاح
ليه نعلم البراءه الاجتياح
ليه سلاحك مرفوع علينا
وكل ايد ساحبه سلاح
نقتل البسمه ف عنينا
بدون سماح
فين ولادك يا بدارى
وفين مدينتك
فين عاداتك فين رموزك
فين ديانتك
ليه شيطان الانس فينا
بيرتوى من دم لينا
وليه حزينه
وانتى طالقه النار بتشوى
بين ضلوعنا
ياسجينه بين رصاصك
ليه حزينه
وانتى طالقه الموت دا فينا
يحش فينا
طالقه نارك فى خضارك
طالقه سمك ف العقول
يابدارى مش هخبى لو اقول
ضاع ماضينا
ضاع وددادك ضاع ولادك
ضعنا فيكى وضعتى فينا
ومش غريبه انى بشوفك
يا مدينه اليوم حزينه
كلماتى مستوحاه من احداث مركز البدارى
من انتشار الثأر والفوضى واستباحت حرمت الدم
بشكل غير معقول
خاصتاً بعد الثوره
اللهم اجعل بلادنا امناً امان
وسائربلاد المسلمين
امين