ف البدايه
تسمحوا لي أعرفكم أنا بنفسي
أنا /أكرم ودا اسمي
ميلادي كان ف سبتمبر48 ف القدس
وعيت ع الدم والصرخه
اخويا شهيد فدا الأقصى
أبويا ..جريح
وعمى..جريح
هموم بتطيح ..بلا مرسى
دموع أمي اللي ربتنى
حنان أُختى اللي ضمتني
جابت لي حصان ..وجلابية
وجزمه جديده وطاقيه
ولعبتني
أنا و اختى وفاء ويّا
ولاد وبنات من الحاره
تشوف ف عنيها كام بسمه
واشوف الدمعه تتداره
وكانت كل يوم بالليل..تغنى لي
وتحكى لي
حكايه ستنا مريم ..لحد ما نام
حنان كانت كما البستان
بيطرح كل يوم ورده ف بسمتها
فتحت بإيدى أنا دولابها
لقيت فستان..فوقيه طرحه
وف أيديها اليمن ..دبله.
حكت لي حنان..سبع ورقات في كراسه
في يوم زفتها لحبيبها
نادى له القبر برصاصه
و دمع حنان على الطرحه
و ليله صحيت على صرخه
طلعت أجرى.
لقيت باب بيتنا متكسر
لقيت الدم متبعترعلى الجدران
لقتها حنان
وضمه عروسه..ف ايدها
فضمتها ..ونادتها ..مردتشي
لقيت الدنيا بتمطر دموع ع الأرض
شهيدة حنان .
سنين وأيام..وبتعدي
ونفسي ف يوم..أشوف فرحه
بلاقى حنان
ف ميت صرخه
وكام مليون من الجرحه
بيوت تنهد
ايدين تتمد
و بنت جيرانا زفوها..في يوم للقبر
كتبت جواب لأمتنا
حلمت نعود للمتنا
محدش رد
ف حلمي انهد
زمان كًنا
عشان كنا
نخاف على بعض
زمان كنا
عشان كنان
نخاف على بعض