واحد , اتنين , تلاتة
أبرة الخياطه
والخياطه مالهـا
كاسيه الدنيـا بحالهـا
ورافضة تغطـى جمالهـا
فمشيت عريانه
واحد , اتنين , تلاته
أبرة الخياطة
والخياطة تقول
انا حزنى هيطول
لو قلبى مشغول
بغيرك يا ألهـى
واهـى دنيـا متفاته
واحد , اتنين , تلاته
أبرة الخياطه
والخياطة بتغنـى
ولدى ضايع منى
اهدى يا دنيـا وحنى
وكفاية بقى تباته
واحد , اتنين , تلاته
أبرة الخياطة
والخياطة نزلت لميدان التحرير
بتدور على ولدهـا
شايله اشعاره
وماسكه جناح الطير
واهــ لاقت محبوبهـا
وكمـان التغيـر
واللى قالوا دى تنسـى
والله خلق حميـر
وحشتنـى ضحكـاته
واحد , اتنين , تلاته
أبرة الخياطة
هتعاندى هنشدكـ
لو قولتـى بكرهكم
بالعافية هنحبكـ
هتقوليلى أزاى ؟!!
هى كده غتاته
واحد , اتنين , تلاته
أبرة الخياطه
طرزى الفستان
باللؤلؤ مليـان
يا م ضحكـة جنان
واكتبيلى شعار
لبلاد الأحرار
عنوانه بيقول
تحيـا, تحيـا مصر
جايين قوام بالنصـر
وهنمشـى مشوارنـا
تاته , تاته , تاته
واحد , اتنين , تلاته
أبرة الخياطة
_____
كُتبت بتاريخ
26/2/2012
الساعة
3:00 عصر
بتوقيت القاهرة
سلامى وبعد /