حبيب يزف حبيبته إلى عريسها)
شهقة ممات
بزفك بكفني
وواخد نصيبي في عرسك سكات
بزفك بروحي
وباهديكي شوقي بشهقة ممات
يزفك لفرحك
بحزني اللي دافع في فرحك اهات
بزفك لحضنه
وانا قلبي حبك وفرحك في قلبي اقسى الايات
بزفك وعارف بأني بحبك
وهفضل احبك ولو كنت فيكي بقايا ورفات
بحبك وراضي باقل القليل
عشان انسى حبك .. فراق... مستحيييييييييل
فهقبل بحضنه وماعنديش بديل
لأني عشقتك هعيشلك فتيل
بيحرق ضلوعه يكونلك دليل
ينير عرش قلبك مداه الطويل
هحبك في حضنه برغم النزيف
وهمحي بحبك خداع أي زيف
وهانبت في قلبك ربيع الخريف
هعيشلك سنيني ولو كنت طيف
لانك حياتي فهقبل بحبك
وهقبل بطهرك واعيشلك شريف
هعيش حب طاهر بطول المدى
نهايتنا زي الشوق ما ابتدا
هفرش حنيني ف طهرك ندى
وهاهزم بحبك جميع العدا
ورغم اني بزفك لحضنه
لكن حبي هيفضل نِدا
وبستاني بيكي هيطرح شذا
ورغم اني بزفك اليه
لكني هفضل بحُبك هُدى
بزفك بكفني ومدمن سكات
بزفك بروحي بشهقة ممات