/
/
/
قول يا شهيد
كمِّلها قول
قول من جنان الخلد قول
شاور لنا فين الحلول
طرطش بمسك الروح نفوق
ناخد بقطرة دم طوق
قول من جنان الخلد قول
أنا ضلِّ كلِّ اللي قتل
واللي حرق واللي ظلم
واللي بيخرب أمتي
واللي يعقَّد سكتي
أنا دمي حبل المشنقة
و الروح معاه متعلقة
راح تخنقك
راح تهزمك
هتعلَّقك وهتخنقك
راح تنعدم
قول يا شهيد
لو دمي فيكم اتهدر
والرمز فعينكو انكسر
والارض شربت صرختي
و الروح ملقياشي الخلاص
و ايدين اخويا مكتفة
مش عارفة تدينا القصاص
في اخرتي هاخدها غصبٍ عنِّهم
و شهادتي فوق جرحي هتلطم خدِّهم
قول يا شهيد قول ياشريف
يا انقى حتة في مصرنا
يا اللي حييتنا في ارضنا
يانور عنينا ونبضنا
يا إبن ابونا وأمنا
لكل مغتر وجبان
راح أعدمك
مش هارحمك
روحي وراك فسجون هلاك
في الضلمة بتبِّيت معاك
وبتجري في الآحلام وراك
مدت ايديها بدمها
إلبس دي خيَّة تشدها
فوق كرسي جثة تهزها
واخواتك الخاينين دا دور
داير عليك و بمين يخون
قول للي خان
ووراه جبان
لو ابنك الظالم داكان
مكاني كنت تقول حرام
لو كبرك الملعون دامات
راح كنا نعملك مقام
قول يا شهيد
كملها قول
قول يابطل
قول بالعجل
هتقول نقول
و فجنة الرحمن تنول
دم الشهيد قال كلمته
يا شعبي يالله نموِّته
/
/
/
مع الاعتذار عما سرسب منا من الآلم
رحم الله شهداءنا وواسى جرحانا و حقن دماء اخواننا امين
دمتم مبدعين