أحدث المشاركات
النتائج 1 إلى 5 من 5

الموضوع: بهية أم دنيا

  1. #1
    الصورة الرمزية عصام ميره شاعر عامية
    تاريخ التسجيل : Jan 2012
    المشاركات : 987
    المواضيع : 41
    الردود : 987
    المعدل اليومي : 0.33

    افتراضي بهية أم دنيا

    بهيــــــــة أم دنـــــيا
    عصـــام ميــــره

    - منك لله يامه !!!!
    000000000 أسندت الأم رأسها بعمود السرير النحاس الذى ورثته عن أمها وقد اسودت الدنيا فى عينيها وأخذت تحدث نفسها: أنا كنت عملت أيه .. الحق علـــىّ جوزتك أحسن جوازة المعلم يونس تاجر البهايم 0 بنى لها بيت دوريــن لوحدها بعيد عن نسوانه الثلاثة 0 كان عنده أمل إنها تجيب له الولد اللـى يورثه ومااتجوزهاش إلا لما عرف إن أمهـــا خلفت ثمانية صبيان وبنـــت واحدة وقال : هى دى 0 ... وكان شايلها على كفوف الراحة 0 الراجل اللـى السوق كله يخاف منــه طول ماهى حامل كان يشيل لها الأكل لحد السرير 0 صحيح هو كان كبير عليها شوية لكن الراجل مايعيبوش غير جيبــــه ..
    0ايه يعنى خمسة وخمسين سنة ودنيا مش صغيرة دى كانت فى أولـــه إعدادى لما شافها وجه دفع لها على الشاى ميت جنيه ورقة واحدة عمرى ماشفت شكلها قبل كده حتى أبوها الله يرحمه فضل طول عمره يشتغل عند الناس مفيش مرة دخل علىّ بعشرة جنيه 0 صحيح باع القيراط بتاع أمـه عشان يدخلنى المستشفى لما تعبت وأنا بولد دنيا الدكاترة قالوا لازم عملية والدكتور حلمى يومها قاله: ياعم مصرى مش قلت لك كفاية عليها تمــن مرات فى عشر سنين ياراجل دى لو كانت جاموسة كانت وقعت 0 وجت دنيا والدكتور ربط لى وأبوها وقع بعد سنتين من الهم اللى كــان شايله ياحبة عينى طول عمره كان نفسه فى ولد وبنت بس وكان دايمــا يقول لى : نقدر نعلمهم أحسن علام ونلبسهم أحسن لبس ونفسحهـــم ! كان بيحلم !! لكن أبوه من ناحية يقول له : العيال عزوة يابنى يسنـدوك وأنت كبير 0 وأمى من ناحية تانية تقول لى : إربطيه بالعيال بدل مايشوف له شوفة تانية 0 وأهو الإثنين ماتوا وارتاحوا واحنا اللى شلنا الهم الراجل قعد محجوز فى المستشفى بتاع المركز يتعالج من الفشل الكلوى اللى جاله من البلهارسيا من شغله فى الغيطان عند الناس وكنا كل يوم نقول هيرتاح لحد ماربنا افتكره 0 واخواتها سابوا المدرسة 00اللى اشتغل استرجى عند المعلم عزمى وأخــد أخوه معاه وعلمه شرب السجاير 0 واللى اتلم على شوية عيال فاسديــن ومسكوهم بيسرقوا تسجيل من عربية الأسطى نعمان والراجل طلع طيــب ومارضيش يوديهم المركز ياريته كان عملها وكانوا حبسوه ولاكانش طفش وماعدناش عارفين عنه حاجه 0 ولولا الواد محمد والقرشين اللى بيجيبهم كل أسبوع أشترى دوا السكــر بتاعى وأهو كان بيساعدنى فى تعليم دنيا 0 لكن بعد مااتجوزت المعلـــم يونس الراجل ماخلناش محتاجين حاجة حتى العيال كان واخدهم يشتغلـوا عنده 0 لكن بعد دنيا ماجابت البت الأولانية زعل قوى ونسوانه قالوا له : اخلص منها 0 لكن أنا اتحايلت عليه وقلت له : اصبر البنت هتطلع لأمهـا جابت لك بنت وإن شاء الله بعد كده كله صبيان 0.. وأخدتها ولفيت على كل المشايخ وبعد كام جلسة أكدوا لنا انها هتخلف ولد وضحكوا علينا وأخدوا فلوسنا 0 وأهى دنيا فى سنتين بقى عندها بنتيــن والمعلم يونس طلقها بالتلاتة ورماها لى هى والبنتين !! يعنى أنا كنـــت ناقصة 0
    نزلت دنيا من على السرير وهى تردد منك لله يامه !! وأمسكت بأمها تهزها بشده ولم ترد الأم عليها

    وصرخت دنيا : إوعى تموتى يامه !!!!!.......

    عصـــام ميــــره

  2. #2
    الصورة الرمزية آمال المصري عضو الإدارة العليا
    أمينة سر الإدارة
    أديبة

    تاريخ التسجيل : Jul 2008
    الدولة : Egypt
    المشاركات : 23,642
    المواضيع : 386
    الردود : 23642
    المعدل اليومي : 5.53

    افتراضي

    آفات المجتمع : الفقر - الجهل - المرض
    أراها أبطال القصة هنا والتي نقرأها دائما في العديد من المجتمعات وكانت الضحية هنا هي الفتاة
    تحاول الأم حل مشاكل الأسرة بتزويجها برجل ربما أكبر سنا من والدها لتكون النتيجة عبئا آخر بل ومشكلة جديدة تضاف للمجموع
    وبالعامية التي غلبت على جو النص ( الغلبان مايشبع غلب )
    رغم أنني لاأحبذ العامية في النصوص القصصية إلا أنني وجدت أنها اللهجة المناسبة لجو النص
    وأرجو في النصوص القادمة تغيير نوع الكتابة لتيسير القراءة على المتلقي
    دمت مبدعا
    تحاياي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  3. #3
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 9.37

    افتراضي

    قصة جميلة الفكرة حلوة المعالجة بتشريحها لبؤر القهر الإنساني ومواطن هزيمة الانسان فيس ذاته
    وحلول جاهلة تزيد الطين بلّة

    ينص البند الأول من المادة الأولى من ضوابط المشاركة في ملتقى رابطة الواحة على اعتماد اللغة العربية الفصيحة لغة النشر والحوار في الواحة، ورفض اللغات المحلية والدارجة والأجنبية إلا في قسمها المحدد.

    تحيتي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  4. #4
    الصورة الرمزية عصام ميره شاعر عامية
    تاريخ التسجيل : Jan 2012
    المشاركات : 987
    المواضيع : 41
    الردود : 987
    المعدل اليومي : 0.33

    افتراضي

    اقتباس المشاركة الأصلية كتبت بواسطة ربيحة الرفاعي مشاهدة المشاركة
    قصة جميلة الفكرة حلوة المعالجة بتشريحها لبؤر القهر الإنساني ومواطن هزيمة الانسان فيس ذاته
    وحلول جاهلة تزيد الطين بلّة

    ينص البند الأول من المادة الأولى من ضوابط المشاركة في ملتقى رابطة الواحة على اعتماد اللغة العربية الفصيحة لغة النشر والحوار في الواحة، ورفض اللغات المحلية والدارجة والأجنبية إلا في قسمها المحدد.

    تحيتي
    أستاذة ربيحة الرفاعي ..
    شكرا لك على مرورك هنا واهتمامك بالتعليق على مساهمتي البسيطة ..
    وأنا والله أحترم البند الأول من المادة الأولى وكل البنود وكل المواد ..
    غير أني لم أستطع الوصول إلى القسم المحدد ..
    رجاءاً ضعوها ف القسم المناسب حتى لايتهمني أحد بمخالفة اللوائح ..
    واضح أنكِ قرأتِ ( القصة ) جيداً .. ولكن اسمحي لي :
    في البداية عندما أكتب أنا تكون اللغة هي
    أسندت الأم رأسها بعمود السرير النحاس الذى ورثته عن أمها
    وقد اسودت الدنيا فى عينيها وأخذت تحدث نفسها

    وحتى في النهاية نجد
    نزلت دنيا من على السرير وهى ........... !!
    وأمسكت بأمها تهزها بشده ولم ترد الأم عليها وصرخت دنيا

    أما عندما تُحدّث الأم نفسها فلن تتكلم بالفصحى
    أرجو أن تتقبلي كلام تلميذ صغير في عالم القصة ..
    وإن كان لايتفق مع أصول الكتابة
    أرجو أن تشرحي لي كيف تكون ..
    وشكرا لك ِ
    أخوك
    عصام ميره

  5. #5
    الصورة الرمزية عصام ميره شاعر عامية
    تاريخ التسجيل : Jan 2012
    المشاركات : 987
    المواضيع : 41
    الردود : 987
    المعدل اليومي : 0.33

    افتراضي

    اقتباس المشاركة الأصلية كتبت بواسطة آمال المصري مشاهدة المشاركة
    آفات المجتمع : الفقر - الجهل - المرض
    أراها أبطال القصة هنا والتي نقرأها دائما في العديد من المجتمعات وكانت الضحية هنا هي الفتاة
    تحاول الأم حل مشاكل الأسرة بتزويجها برجل ربما أكبر سنا من والدها لتكون النتيجة عبئا آخر بل ومشكلة جديدة تضاف للمجموع
    وبالعامية التي غلبت على جو النص ( الغلبان مايشبع غلب )
    رغم أنني لاأحبذ العامية في النصوص القصصية إلا أنني وجدت أنها اللهجة المناسبة لجو النص
    وأرجو في النصوص القادمة تغيير نوع الكتابة لتيسير القراءة على المتلقي
    دمت مبدعا
    تحاياي
    شكرا لكِ أستاذة آمال المصري على مرورك هنا والتعليق على مساهمتي المتواضعة ..
    وبالنسبة لنوع الخط أغيره إن شاء الله في النصوص القادمة ..
    وشكرا لأنك تفهمتِ استخدام العامية في النص ..
    لأنني لاأتصور الأم في هذه القصة تُحدث نفسها بالفصحى ..
    شكرا لك مرة أخرى
    أخوك
    عصام ميره

المواضيع المتشابهه

  1. بهية تعرف الطريق
    بواسطة أحمد عيسى في المنتدى القِصَّةُ وَالمَسْرَحِيَّةُ
    مشاركات: 11
    آخر مشاركة: 02-12-2014, 10:20 AM
  2. ابن عمي دِنْيَا أو دِنْيًا، ودُنْيَا أو دُنْيًا
    بواسطة فريد البيدق في المنتدى المُعْجَمُ
    مشاركات: 3
    آخر مشاركة: 16-01-2014, 02:12 AM
  3. زمانيَ أشكو أمِ النائباتْ..؟! // أمِ النفسُ أشكو.. فقد أسرَفَتْ
    بواسطة زياد بن خالد الناهض في المنتدى الشِّعْرُ الفَصِيحُ
    مشاركات: 11
    آخر مشاركة: 29-09-2011, 11:13 PM
  4. أغْنياتٌ لعيونِ بهيَّة
    بواسطة هشام مصطفى في المنتدى الشِّعْرُ الفَصِيحُ
    مشاركات: 24
    آخر مشاركة: 18-03-2011, 09:08 PM
  5. عيون بهية
    بواسطة د.جمال مرسي في المنتدى أَدَبُ العَامِيَّة العَرَبِيَّةِ
    مشاركات: 7
    آخر مشاركة: 31-01-2005, 11:04 AM