قصيدة : أمي
[COLOR="Purple"]أمي !!!
أول كِلْمة أول همسة
أول لمسة مين ؟
أول صِدْرْ أول رَضْعة
أول شوق وحنين ؟
أول ضَمْة رغم بكايا
جَايْ بِألمْ و أنين
....................
كل الدنيا ساعتها ف وادي
رغم عذابها وقت ميلادي
رغم تعبها جَايْ بَنَادي
مين و يايا حيران ؟
مَرَّة مريض تعبان
أو بالليل سهران
مَرَّة تِرَضَّعْ مَرَّة تِغَيَّر
مَرَّة تِضُمْ
دايماً ألاقي صِدْر الأمْ
بحر دفا و حنان
علشان كده وِفْ عيدها
جَايْ حافظ مواعيدها
زَيْ ما وصَى المولى عليها
وآيات القرآن
.....................
أمي ....
كلمة حروف من نور
مهما راح أكتب فيكي حروف
ولَّلا أَعَبي سطور
مهما أحبك مهما أدعيلك
عمري ما أْوفِي جميلك
لو أشيلك على راسي وأدُوُرْ
جُوة ف قلبي رغم البعد
حافظة العهد
مهما تْفَرق بِينْنَا الدنيا
و يكون بْينَّا بحور
صورتك دايماً قدام عيني
و محروم منك
حتى ف سنك
وقت البرد ووقت الضَلمة
إنتى الدفا والنور
......................
وأما بجيلك
قلبك بيكون فرحان بيننا
وطَايرْ طِيرْ
ولَّلا ولادي
لما يغنوا وبصوت عالي
مالناش غيرْ
حتى وهما صغار عاشقينك
فاكرة زمان بَدِّلوا إسمك
بأم الخير
وإنتي الفرحة مش ساَيعاكي
بَمْشِي معاكي
نضحك نفرح فرحة تاخدنا
مهما يْطَّوِّل بينا السير
.......................
ياه عَالْدنيا وعلى حلاوتها
وعلى فرحتها في عيد الأم
وِسْطْ ربيع و زهور جَايِّين
والخير جَايْ و يَّاك بِيْعُمْ
مع أغانيك الحلوة نغني
وكل البيت حَواليك يِتْلَّمْ
يِكفيِ الجنة تحت أقدامها
يبقى نِبُوسْها إِيد و قَدْمْ
...................
تبقي الغالية حبيبتي مين ؟
قولوا معايا ست الكل
و بندعي لها قولوا آمين
و بنهديها ورد وفل
ربي احفظها
و يْطُولْ بيها العمر سنين
تبقى ف عيدها
زي عروسة لابسة التُلْ
آي و الله
لابسة التُلْ ,, لابسة التُلْ
كلمات : د هاني أبوالفتوح
[/COLOR]
رد مع اقتباس
المشاركة الأصلية كتبت بواسطة الطنطاوي الحسيني
