كمِّلي الثَّورة
كَمِّلِي الثَّوْرَة
/
/
يا مصر عنيكي دفَّاية
وقلبك للهدى مراية
تاريخك للزمن رحمة
حكايتك في المدى حكاية
وِلادك لمَّا يِلْتِزْمو
بِنقرا ضياكِ في الآية
****
يا رافعة حمولنا حمَّالة
ومهما تِصْعَبِ الحالة
عفيفة عن ايدين خلقه
وعين شماتة قتَّالة
وربك رزقُه بيكفِّي
لا طالبه سْؤال ولا اقْوَالَة
****
يا شايلة أسايَ ماتخلِّي
وتحت الحِمْل بطلِّي
بتدعيلي وبادعيلك
ونِنِّ عنيكي بيقولِّي
بطبطب ياابني مش قاسية
وعارفة الخيش من التُّلي
****
عزايا في القلوب قلبك
بياضه راضعه من جنبك
وواقف في الشديد ليكي
لشرقك دومي ولغربك
وانا (لو لم أكن مصري)
لكانت منيتي حبك
***
رحيمة تجمعي الأمَّة
جبينك م السجود وَشْمَة
تمدِّي الإيد لِمحتاجِك
وحتَّى لو بَخيل أَزْمَة
تعدِّيهم من الضَلمة
ولو يسيبوكي في العتْمَةَ
***
قوليلهم كسوةِ الكعبَة
وقمحي فيكو يتعبَّى
أبيع نفسي عشان غيري
ولو حبَّة ما تِتْخَبَّى
سنين وسنين أنا ونيلي
بحطحط فيكو بمحبَّة
***
ورجَّالتِك عمل ويقين
دا عزِّك رايةِ التمكين
جنودك كل بيت تِلْقِى
يصدُّو عنِّك الخَايْنِين
كفاية كَمِّلِي الثَّوْرَة
وِ هَاتِي النِّصر بِنتِ الدِّين
***
/
/
/
دمتم مبدعين
رد مع اقتباس
المشاركة الأصلية كتبت بواسطة عودة محمد ابوخماش
