تبقى خربت
لما الاقـى الخضار انكسف
وخبى وشه بلهيب الرمال
والنار طالت طرف فستان الصبية
وطالت لعب العيال
والدنيـا ساكنه جوه خماره
عماله تضحكـ وفرحانه
انهـا
غرقت الست اللى كانت بتغسل شعرهـا
على شط القنال
يادى المصيبة
فرحتنا خيبة
فرسـان بلادنا بيجروا عربية كرو
وراكب فوق ضهرهـا حبة بغال
وابليس بوشه العكـر
بقى رمز الجمال
وحبيبتى محنى ضهرهـا
مع انهـا
بنت عشرين
وشعرهـا الاسود من سواد
آخر ليلة فى شهرنـا
ظهر عليه تعب السنين
وفـ ليلة عرسهـا
قطع زغروطة أمهـا
خبر حزين !!
والصمت ذى جلاد بيجلد لسـان الكل
وفـ وسط المعمعه
قطعتنـا ضحكة مسمعة
الكل التفت
لقينـا واحد مسك شوية رمل
وفتلنـا منهم حبال
ضحكـوا العيال
ورموا مناديل الألم
وشالوه فى كتافهم
واللى يقولوا
برافو عليك
تسلم ايديك
هما دول يبقوا الرجال
والنعِش مرمـى فـ وسط الطريق
طب مين يطيق ؟!
أن الجنازة تمشى وحدهـا من غير دموع
يا ترى اللى احنا فيه
نقطة نهــــاية !!
ولا شكلهـا نقطة رجـوع !!
طب لمين هنرجع ؟ !
اذا كان حديثكـ مفهوش أدب
فلمين هتخطب ؟
وايديكـ الدبلنين مبقوش كرباج غضب
ففمين هتضرب ؟!
كدبة أبريل
أن الغفير
لسـاه ماسكـ البندقية
وحبيبتى ماتت
وانا كل ما المح القمر فى ليلة تمامه
افتكره هـى !!
وحبيبتى ماتت
لما الجماجم بقت فى ايدينـا كورة شراب
والمطش ابتدى بدون حكم
والبث انقطع
والكل غاب والدنيـا ماليهـا الأكتئاب
حاولت تنتحر
وأهـى الفضيحة تنستر
لكن الفشـل له سطوته
خلاهـا تحـى لاجل ما تدوق المر
واتاريهـا سحابة وبتمر
فاتعلمـى م الدرس
وفوقى بقـى
وبلاش كلمـة امين !!
فـ كل حاجة مسلمين
راضين نعيش ذى الفيران
وبالمهانه مبسوطين
فلتعلمـى .. أنى كفرت بكل المبادئ
وعليه دين
لازم ارده فـ يوم لنفسـى
هرده حتماً .. لو فات سنين
ما امـى اللى كانت من يومين
بتحكيلى حكاية الشاطر حسن
من النهاردة مبتحكليش
غير
موقعة حطين
_______
كُتبت بتاريخ
11/3/2012
الساعة
4:00 فجراً بتوقيت القاهرة
سلامى وبعد /