شارك ** هنــا ** بربـاعيـــة

قليل البخت لو نضفوا له السكة
يطلع له مطب من أيتهي حتة
لو يوم نفسة هفتة عل الكرشة
يلاقي العضم بالكوم جوة الكبدة

في الدنيا الخماسين لها وقت وتروح
إلا انا طول السنة تهب على وتفوح
منها رائحة الرصاص والقتل ليه
الحزن عن صدرونا ما بيروح

مجنون وعجبني حالى شاكر رب العباد
دا الجنان نعمة في قرب الحبايب والبعاد
وفي الخصام انا مرتاح ورصيدي تمام
استاذ انا في الطناش دكتوراه في العناد

وو صانى عليك ربى ... وقال الجنه ف رضاكى

وكل طريق أنا مشيته ... وكان سالك بدعواكى

وضميتى بحنان جرحى ... وهنيتى ف يوم فرحى

يا نبع الحب والرحمه ... مكنش وجودى لولاكى

يارب قوينا ... ثبت خطاوينا

ده الظلم حاصرنا ... قتل الآمل فينا

يارب ليك توبنا ... نزع الخلاف توبنا

إسترنا ف عيوبنا ... وبالرحمه دارينا

ولا قادر أنحنى فيكى ... ولا رافع أنا راسى

معادش غنايا يشجيكى ... وتايه منى إحساسى

ما بين التوهه والزحمه ... يضيع الحب والرحمه

ولا مقسوم لى أكون جنبك ... ولا عارف أكون ناسى

القلب عاش مهموم ، والفكر متحير
والحـلم بات مهزوم أنا قلت متقــدر
راحل خلاص لبعيد دا القطر بيصفر
إبقى افتكرني ف يوم
يـا صديقي لـو تقــدر

شاعرنا القدير الأستاذ محمد شعبان
شكرًا بلا حدود لهذه الفكرة الرائعة ولمنحنا هذه المساحة البيضاء
والتي حفلت بأروع المشاركات بأقلام شعرائنا المبدعين
مع خالص احترامي لك وللجميع
آمال

مليت م المــواعيـــد ، وحبــيبي منَّـــاني
خـان وعـــده ليلة عيـد ولجرحي خـلاني
لدمـوعي والتسهيد ، واهو قلبي بيعـاني
يـا قطــر خدني بعــيد عن دنيا أحــزاني

ياقطر رجعني للفرح من تاني
الحب راح منا والهم بكاني
ليه يابلدنا ليه
نفضل كدا نعاني

لـولا الأمــــل بالله ، وبرحمتـــه الواســــعة
ما طابلي عيش في الكون ولا جفت الدمعة
بادعوك في كل صـلاة .. تغفر لي يــــا الله
تغفـر لكل مسيء مهمـــا تكـون خطايــــاه