شارك ** هنــا ** بربـاعيـــة

مش هى دى مصر اللى كسرت ... بالعبور قيد المحال

والزوارق فيها شقت ... بالجنود عرض القنال

مش هى دى مصر اللى رفعت ... العلم بإيدين شهيد

ولا الشهامه فيها ماتت ... وإنتهى عهد الرجال

يا مصر توهتى من إيدنا ... مادام ع الحق زايدنا

شيطان ساكن ف أحضانك ... وصوت باطل يراودنا

ويبدر بذره مسمومه ... تنبت فتنه وخصومه

يا صرخه قلب مكتومه ... من النار اللى هتقيدنا

صابِرْ قِليبي عالوَجَع

والعينِ ضَنّت بالدّمِعْ

ما عادِ ينفعها البِكي

عاللّي هجرنا وْما رِجِعْ

ذابِ القَلِبْ مِنْ حَسْرِتو

عاللّي فَجَعْنا بْفُرْقِتو

ياما قُلِتْ بُكْرا بْيِجي

بَسِّ الشّوارِعْ بَلْعِتو

قالوا عليك رائد ... وللعروبه مثال

وف حكمتك قائد ... سارات وراه أجيال

راجل وأد القول ... عن كلمته مسئول

مهما الزمان هيطول ... إنت ف قلوبنا جمال

بحبك سواقى ... بتروى الغيطان

تزهر جناين ... وتطرح عيدان

أحبك وليلك ... بيسحب عبايته

وفجرك ينور ... وشمسك تبان

نفسى نوحد بقى ... كلمتنا

ويبقى الحق ... رايتنا وصوتنا

طول ما الفرقه ... شقه جدارنا

هنمشى ونتكعبل ... ف خيبتنا

قلبي سجين حُرقتك والعمر تاه مني
وانا أسير رقتك والناس ما فاهمنّي
فاكريني بالعب بيك وانت الوريد والقلب
وبعشقي مت حنين وبرضه تاهمنّي

ليلي شَهَق مِنْ نارو

وِتْنَهَّدِتْ أسرارو

يللّي كُنِتْ نَجْمِة سَماه

ليهْ رُحْتِ بَرّا سْوارو

حلم ولا حقيقة مش عارفة أنا
الدنيا بك زهرة جميلة يا أنا
مجنونة وحلمي وخدني لبعيد
لأرض بعيدة مافيها غيرك وانا