شوفي يا ست

شوفي يا ست

شعر د. جمال مرسي

هذه القصيدة جاءت رداً على رائعة الشاعرة المبدعة رشا عبد الرازق
( شوف يا راجل )

	شوفي يا ست ليه نعجن في عجين و نلت و نقول بس كلام مش قده و بنرسم على بعض التت شوفي يا ست شوفي يا حوّا لولا الراجل كنتي هتبقي يا شاطره ازاي مين هيقولك كلمة جميلة و يشيل همك رايح جاي مين يعزف لك ألحان قلبه زي الناي من غير راجل فين العيلة ؟ *** مين لو يوم غمضتي عنيكي و طب حرامي ، واحد عاطل . و الخوف يزحف جوه عروقك و الخوف قاتل مين يحميكي ؟ مين بالروح و الدم يا حوا راح يفديكي لو قولتيله اصحى يا راجل . *** مين بيشيل مصاريف البيت و بيحرم نفسه من القوت علشان زوجته و ام عياله ويا عياله .. يتهنوا لو حتى يموت *** مين من طلعة شمس بيطلع و لنص الليل لما بيرجع علشان يعمل عيشه كريمه للأولاد يمكن يقعد يومه بحاله من غير زاد يفضل يكدح يمكن يفقد ضي عنيه علشان يرجع آخر يومه بخمسه جنيه عارفه دا ليه و لا أقول من غيظي يا حوا؟ علشان حوا الحلوه حكايه عاوزه فلوس للكوافيريايه و المكياج في العلبه الحمرا و كريم بينعم في البشره و ملابس تنفع للسهره و المجد تحقق و الشهره هي الست و هو البيه عارفه دا ليه ؟ و لا أقول من غيظي يا حوا بس كفايه يا حوا عليكي أحسن دمعك يملا عنيكي و الكتاكيت اللي تلميهم من حواليكي عاملين شله على الرجاله راح يسيبوكي و انت تخوضي الحرب لوحدك من غير حد ياخد بأديكي

و ربنا يجعل كلامنا خفيف على شاعرات المنتدى

و نداء إلى الأخوة الشعراء .. إذا وجدتوني مصاباً فاعلموا أن السبب
رشا عبد الرازق و في هذه الحالة لا تتركوني و تقفوا مكتوفي الأيدي
تدخلوا و الله يرعاكم

تحياتي للجميع
و دمتم على خير

هههههههههههه

مممممممممممممم


انت مالكش عندى كلام انا رايحة صفحة رشا دى برضه من النساء مننا وعلينا

مها

السلام عليكم ورحمة الله وبركاته
الشاعره المتالقه رشا
الحرب فينا حلال................ طيب
ولا يهمك يا د.جمال
احسنت وابدعت الرد ولا يهمك يا جميل ايه يعنى حتى لو جابت كل شاعرات المنتدى
وراك رجاله
واحنا بقى قدهم وقدود
والان اسمحولى ان ان ارد

ايوه راجل


ايوه يا ما يا حبيبتى
منتى شكلتى ملامحى من زمان
لما كان العمر بذره
اه يا بحر من الحنان
كنت حاسس بين ايديكى
انى وانتى ظغننين
كنت بشعر بالامان
تحدفينى هُبّه فوق
القى قلبك
نصه لهفه ونصه شوق
اندفن جوه في حضنك
وانتى مستنيه اضحك وابتسم
لجل كل طريق في عمرك يترسم
كنت اشوفنى ف ننى عينك
القى نفسى بقيت كبير
كنتى ديما بتقوليلى انت راجل
***
وانتى ياختى يا حبيبتى
لسه مش حاسه بوجودى ؟
غير ف شخطه اوهزار؟
لما اخاف م النسمه لو عدّت حدودك
لما اشوف الورد فتّح فوق خدودك
لما اشوف البدر نوّر من وجودك
ياحبيبة قلبى من خوفى عليكى
برضه مش عايزانى اغار؟
طب قوليلى يا حبيبتى
طب قوليلى ازاى بكيتى
وانتى مستنيه غبتى
انى ارجع وتقوليلى
ان نور الصبح ما طلعشى ف غيابك
ان غربة روحى رجعت من جوابك
لما شوفته قولت اخويا
لما بقرا السطر قولتلهم هترجع
طرت م الفرحه اللى طلت
من عيون امى وابويا
روحت قايله اخويا راجل
***
وانتى يا حُبّى ومنايا
ياللى ف عينيكى بلاقى
عز فرحى او بكايا
لسه بردو بتشوفينى
كدب ما يعرف نهايه
لاء يا ظالمه
اصل انا وانتى حكايه
عمرها من عمر ادم
لما رب الكون لقاه
كل حزن الحزن ف سكوته وبكاه
رغم انه كان ياغاليه
ف النعيم ومنتهاه
جيتى لجل يكون وجودك من وجوده
لجل يسعد بس اه
كنتى اجمل نكبه ف مصيره الجديد
سايب الجنه وهايرحل
من سعادته وفرحه بيكى
احتمال رحلة عذابه
صار ف لحظه شىء اكيد
لسه فاكره او نسيتى مش مهم
بس فيه عندى الاهم
ان فرحك مش هيكمل غير معايا
نبرة الحزن ف كلامك
صرخه بتفتت حشايا
فيها بسمع صوتك الصارخ بيقول
انى راجل
القى ضعفى وانتظر تانى المثول
فى رحابك
لسه برضه عندى قوه
إنى استحمل عذابك
***

ما تخفش يا دكتور ها نيجى نزورك ونجيب لك ورد كمان

اخوك محمد

الأخت الغالية د. مها

كده برضه .. طيب روحي صفحة رشا و ورونا انت و هي الشطارة

أشوف و لا شاعرة من الجنس الناعم دخلت هذا السجال

أهلا بك و بكل أخواتنا الفاضلات

د. جمال

شاعرنا المبدع محمد سعيد
ما أجمل هذه الكلمات التي نثرتها هنا
و لكني لا أرى منهن أحدا يشارك
عموما يمكن لو قرؤوها ثانية يفكروا في الرد
تقبل ودي أيها الغالي
د. جمال